(ուժը կորցրել է 05.05.06 թիվ 06-Ն որոշում)
i
603.0143.291202
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«29» 12 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60302450
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ
ՈՐՈՇՈՒՄ
9 օգոստոսի 2002 թվականի N 143-Ն
«ՆՅՈՒԹԱՏԵԽՆԻԿԱԿԱՆ ԱՊԱՀՈՎՄԱՆ ԿԱԶՄԱԿԵՐՊՈՒԹՅՈՒՆՆԵՐԻ ՀԻՄՆԱԿԱՆ ՑՈՒՑԱՆԻՇՆԵՐԻ ՄԱՍԻՆ» ՁԵՎ ԹԻՎ 1-ՆՏՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Պետական վիճակագրության մասին» ՀՀ օրենքի 10 հոդվածի 3-րդ մասի ե/ կետով` Հայաստանի Հանրապետության վիճակագրության պետական խորհուրդը որոշում է.
Հաստատել «Նյութատեխնիկական ապահովման կազմակերպությունների հիմնական ցուցանիշների մասին» Ձև թիվ 1-ՆՏՄ պետական վիճակագրական հաշվետվության ձևն ու լրացման հրահանգը համաձայն թիվ 1 հավելվածի:
Հավելված 1
Հաստատված է
Հայաստանի Հանրապետության
վիճակագրության պետական խորհրդի
9 օգոստոսի 2002 թվականի
թիվ 143-Ն որոշմամբ
ՀՐԱՀԱՆԳ «ՆՅՈՒԹԱՏԵԽՆԻԿԱԿԱՆ ԱՊԱՀՈՎՄԱՆ ԿԱԶՄԱԿԵՐՊՈՒԹՅՈՒՆՆԵՐԻ ՀԻՄՆԱԿԱՆ ՑՈՒՑԱՆԻՇՆԵՐԻ ՄԱՍԻՆ» ՁԵՎ ԹԻՎ 1-ՆՏՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
Նյութատեխնիկական ապահովման կազմակերպությունների հիմնական ցուցանիշների մասին ձև թիվ 1-ՆՏՄ հաշվետվությունը լրացնում են նյութատեխնիկական մատակարարման և իրացման գործունեությամբ զբաղվող կազմակերպությունները, մեծածախ առևտրի խանութները, բազաները և բոլոր այն կազմակերպությունները, որոնց հիմնական գործունեությունը հանդիսանում է արտադրատեխնիկական նշանակության արտադրանքի իրացումը և որոնք այդ մասին նախապես տեղեկացվում են:
Հաշվետվությունը ներկայացվում է տարեկան պարբերականությամբ` մինչև փետրվարի 25-ը` ՀՀ Ազգային վիճակագրական ծառայության մարզային գործակալության տարածքային բաժին:
Վիճակագրական տեղեկությունների ներկայացման հետ կապված այլ խնդիրները կարգավորվում են ՀՀ օրենսդրությամբ:
2. ԼՐԱՑՄԱՆ ԿԱՐԳԸ
Աշխատողների ցուցակային թվաքանակը (010) տողում ցույց է տրվում կազմակերպության հիմնական աշխատողների թվաքանակը. համատեղությամբ և պայմանագրային հիմունքներով աշխատողները այս տողում չեն հաշվառվում:
Արտադրատեխնիկական նշանակության արտադրանքի իրացման ծավալի մեջ (020 տող) ներառվում է իրացումը պահեստներից (030 տող), մեծածախ առևտրի խանութներից (040 տող), տարանցիկ` մասնակցելով հաշվարկներին (050 տող) և տարանցիկ առանց հաշվարկներին մասնակցելու (060 տող): Արտադրանքի մեծածախ իրացման տվյալները բերվում են իրացման փաստացի գներով` հազար դրամներով:
Արտադրանքի մեծածախ և մանրածախ իրացումից և ներհամակարգային բացթողումից առաջացած համախառն եկամուտը (070 տող) կազմվում է ապրանքների իրացումից առաջացած մեծածախ-մատակարարման վերադիր գումարից, կազմակերպության կողմից կատարված ծառայությունների (արտադրանքի նախապատրաստում արտադրական օգտագործման համար և այլն) դիմաց ստացված գումարից, արտադրանքի ներհամակարգային բացթողումից և այլ եկամուտներից:
Արտադրանքի իրացումից ստացված շահույթը (080 տող) հաշվարկվում է որպես համախառն եկամտի և շրջանառության ծախքերի տարբերություն:
Շրջանառության ծախքերը ներառում է (100 տող) տարվա ընթացքում կատարված բոլոր ծախսերը:
110 տողով տրվում է արտադրանքի արտադրության և իրացման գծով նյութական ծախսերը, առանց ամորտիզացիոն մասնահանումների և ներառում է.
- նորմալ տեխնոլոգիական գործընթաց ապահովելու, արտադրական օգտագործման համար արտադրանքի նախապատրաստման, ինչպես նաև արտադրանքի փաթեթավորման և այլ արտադրական և տնտեսական կարիքների (սարքավորումների, շենքերի, կառույցների և այլ հիմնական միջոցների հսկողություն, պահպանում, վերանորոգում, շահագործում) համար օգտագործվող գնովի նյութերի արժեքը (120 տող),
- կազմակերպության տեխնոլոգիական, տնտեսական և այլ կարիքների համար օգտագործված վառելիքի և էլեկտրաէներգիայի արժեքը (130 տող),
- բոլոր տրանսպորտային ծախսերը (140 տող),
- արտադրանքի պահպանման, լրացուցիչ մշակման, տեսակավորման և փաթեթավորման գծով ծախսերը (150 տող),
- տարայի ձեռքբերման համար կատարված ծախսերը (160 տող),
- վնասի նորմայի սահմաններում ապրանքների պակասումը և կորուստը ճանապարհին և պահպանման ժամանակ (170 տող):
180 տողով տրվում է նորմայով սահմանված ամորտիզացիոն մասնահանումները:
190 տողով տրվում է կազմակերպության բոլոր աշխատողների (ներառյալ համատեղությամբ և պայմանագրային հիմունքներով աշխատողները) աշխատավարձի ծախսերը:
200 տողով տրվում է սոցիալական ապահովագրության վճարների գումարները:
210 տողով տրվում է պարտադիր բժշկական ապահովագրության համար հատկացումների գումարը:
220 տողով տրվում են այլ ծախսերը, որի մեջ ներառվում են շենքի, սարքավորումների, տրանսպորտային միջոցների վարձակալման (230 տող), գործուղման (240 տող) և ոչ նյութական ծառայությունների (250 տող) համար վճարումները:
Պահեստային հրապարակների մասին տվյալները (260 տող) տրվում են տարվա սկզբի դրությամբ: Նյութական արժեքների ապրանքային պաշարների մասին տվյալները տրվում են հաշվետու ժամանակաշրջանի վերջի դրությամբ:
---------------------------------------
ԻՐՏԵԿ - հաշվետվության ձևը չի բերվում