ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ
ՈՐՈՇՈՒՄ
19 հունիսի 1991 թ. թիվ 412
Գյուղացիական և գյուղացիական կոլեկտիվ տնտեսություններին
i
սեփականաշնորհված հողամասերի արժեքի հատուցման կարգի մասին
Հայաստանի Հանրապետության նախարարների խորհուրդը որոշում է.
1. Գյուղացիական և գյուղացիական կոլեկտիվ տնտեսություններին սեփականաշնորհված հողամասերի արժեքի մասնակի հատուցման ու խոտհարքների արժեքի մասնակի կամ լրիվ հատուցման ժամկետը հաշվել հողհատկացման մասին հողային ռեֆորմի և սեփականաշնորհման տեղական հանձնաժողովի որոշման ընդունման օրվանից:
2. Սեփականաշնորհված հողամասերի արժեքի մասնակի կամ լրիվ հատուցումը գյուղացիական և գյուղացիական կոլեկտիվ տնտեսությունները պարտավոր են կատարել մինչև տվյալ տարվա դեկտեմբերի 31-ը` հողամասի հատկացման մասին որոշման ընդունման օրվանից:
Սահմանված ժամկետում մասնակի կամ լրիվ հատուցման գումարը չվճարված տնտեսություններից գանձվում է յուրաքանչյուր ժամկետանց օրվա համար տուգանք` չվճարած գումարի 1 տոկոսի չափով: