(ուժը կորցրել է 01.01.99թ` 17.06.98 թիվ ՀՕ-229 օրենք)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՈՐՈՇՈՒՄԸ
i
«ԳՐԱՎԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ԿԻՐԱՐԿԵԼՈՒ ՄԱՍԻՆ
Հայաստանի Հանրապետության Գերագույն խորհուրդը որոշում է.
1. «Գրավի մասին» Հայաստանի Հանրապետության օրենքը կիրարկել հրապարակման պահից:
2. Հայաստանի Հանրապետության կառավարությանը` օրենքի հրապարակման պահից.
ա/ եռամսյա ժամկետում Հայաստանի Հանրապետության օրենսդիր մարմնի քննարկմանը ներկայացնել առաջարկություն` Հայաստանի Հանրապետության քաղաքացիական օրենսգիրքը «Գրավի մասին» Հայաստանի Հանրապետության օրենքին համապատասխանեցնելու վերաբերյալ.
բ/ երկամսյա ժամկետում ապահովել Հայաստանի Հանրապետության նախարարությունների, պետական վարչությունների և մյուս գերատեսչությունների ընդունած ակտերի համապատասխանությունը «Գրավի մասին» Հայաստանի Հանրապետության օրենքին:
3. Հայաստանի Հանրապետության կենտրոնական բանկին` օրենքի հրապարակման պահից երկամսյա ժամկետում ապահովել Հայաստանի Հանրապետության կենտրոնական բանկի ընդունած որոշումների համապատասխանությունը «Գրավի մասին» Հայաստանի Հանրապետության օրենքին: