041.0045.040297 /ուժը կորցրել է 21.07.97 թիվ 333 որոշում/
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
4 փետրվարի 1997 թ. թիվ 45
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻՆ ԱՌԸՆԹԵՐ ՕՏԱՐԵՐԿՐՅԱ ՆԵՐԴՐՈՒՄՆԵՐԻ ԽՈՐՀՈՒՐԴ ՍՏԵՂԾԵԼՈՒ ՄԱՍԻՆ
i
Հայաստանի Հանրապետությունում օտարերկրյա ներդրողների գործունեության համար առավել բարենպաստ պայմանների և նախադրյալների ստեղծման, օտարերկրյա ներդրումների բնագավառում պետական քաղաքականության հիմնադրույթների մշակման, այդ ոլորտում պետական կառավարման մարմինների լիազորությունների սահմանազատման և դրանց գործունեության համակարգման, ինչպես նաև օտարերկրյա ներդրումների առանձին ծրագրերի ու դրանց իրականացման ընթացքի դիտանցման (մոնիտորինգի) վերաբերյալ առաջարկություններ մշակելու և սահմանված կարգով ներկայացնելու նպատակով`
1. Ստեղծել Հայաստանի Հանրապետության վարչապետին առընթեր խորհրդակցական մարմին` օտարերկրյա ներդրումների խորհուրդ, և հաստատել նրա անհատական կազմը (կցվում է):
2. Հայաստանի Հանրապետության վարչապետին առընթեր օտարերկրյա ներդրումների խորհրդին` 3-շաբաթյա ժամկետում`
ա) Հայաստանի Հանրապետության վարչապետի հաստատմանը ներկայացնել խորհրդի կանոնադրությունը.
բ) Հայաստանի Հանրապետության վարչապետին ներկայացնել առաջարկություններ Հայաստանի Հանրապետության Ազգային Ժողովի, գիտության, Հայաստանի Հանրապետության և օտարերկրյա գործարար շրջանների, բանկային համակարգի և սփյուռքի ներկայացուցիչներին խորհրդի կազմում ընդգրկելու վերաբերյալ:
ՀԱՍՏԱՏՎԱԾ Է
ՀՀ ՎԱՐՉԱՊԵՏԻ 1997 Թ. ՓԵՏՐՎԱՐԻ
4-Ի ԹԻՎ 45 ՈՐՈՇՄԱՄԲ
Կ Ա Զ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻՆ ԱՌԸՆԹԵՐ ՕՏԱՐԵՐԿՐՅԱ ՆԵՐԴՐՈՒՄՆԵՐԻ ԽՈՐՀՐԴԻ
Ա. Սարգսյան - ՀՀ վարչապետ (խորհրդի նախագահ)
Վ. Ավանեսյան - ՀՀ էկոնոմիկայի նախարար
Ա. Արզումանյան - ՀՀ արտաքին գործերի նախարար
Լ. Բարխուդարյան - ՀՀ ֆինանսների նախարար
Ն. Խաչատրյան - ՀՀ սեփականաշնորհման և օտարերկրյա
ներդրումների նախարար
Գ. Նանագուլյան - ՀՀ առևտրի, սպասարկումների և
զբոսաշրջիկության նախարար
Զ. Մնացականյան - խորհրդի քարտուղար