ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ
ՈՐՈՇՈՒՄ
27 նոյեմբերի 1991 թ. թիվ 653
ՄԵՏԱՂԱՓՈՐՁԱՐԿՄԱՆ ՊԵՏԱԿԱՆ ՏԵՍՉՈՒԹՅԱՆ ՄԱՍԻՆ
i
Ի կատարումն 1990 թվականի սեպտեմբերի 10-ի «Հայաստանի Հանրապետության պետական սեփականության մասին» օրենքի և 1991 թվականի սեպտեմբերի 25-ի «Անկախ պետականության հիմնադրույթների մասին» սահմանադրական օրենքի, հանրապետության թանկարժեք մետաղներ և քարեր վերամշակող ձեռնարկությունների համար աշխատանքային նորմալ պայմաններ ստեղծելու նպատակով Հայաստանի Հանրապետության Նախարարների խորհուրդը որոշում է.
Հանձնարարել Հայաստանի Հանրապետության ֆինանսների նախարարությանը`
ա) նախարարության կառուցվածքի մեջ ընդունել ԽՍՀՄ ֆինանսների նախարարության Հայաստանի Հանրապետության մետաղափորձարկման պետական տեսչությունը և այն վերանվանել Հայաստանի Հանրապետության մետաղափորձարկման հսկողության ազգային պալատ.
բ) նախարարության հաշվեկշռին ընդունել Հայաստանի Հանրապետության մետաղափորձարկման հսկողության պետական տեսչության ունեցվածքը և ֆինանսական միջոցները` օպերատիվ կառավարման իրավունքով.
գ) մինչև 1991 թվականի վերջը հաստատել Հայաստանի Հանրապետության մետաղափորձարկման հսկողության ազգային պալատի կանոնադրությունը.
դ) մինչև 1992 թվականը Հայաստանի Հանրապետության մետաղափորձարկման հսկողության ազգային պալատի պահպանությունը կատարել հանրապետական բյուջեի միջոցների հաշվին: