040.1441.281004
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» հոկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
5 օգոստոսի 2004 թվականի N 1441-Ա
i
«ԵՎՐՈՊԱԿԱՆ ԿՐԹԱԿԱՆ ՏԱՐԱԾԱՇՐՋԱՆԱՅԻՆ ԱԿԱԴԵՄԻԱ» ՀԻՄՆԱԴՐԱՄԻՆ ՇԵՆՔԵՐ ԵՎ ՇԵՆՔԵՐԻ ՄԱՍԵՐ ՀԱՆՁՆԵԼՈՒ ՄԱՍԻՆ
«Հիմնադրամների մասին» Հայաստանի Հանրապետության օրենքի 8-րդ հոդվածին և Հայաստանի Հանրապետության կառավարության 2001 թվականի հոկտեմբերի 15-ի N 978 որոշման 3-րդ կետին համապատասխան` Հայաստանի Հանրապետության կառավարությունը որոշում է.
i
1. «Եվրոպական կրթական տարածաշրջանային ակադեմիա» հիմնադրամին, որպես գույքային ներդրում, հանձնել`
ա) Հայաստանի Հանրապետության Տավուշի մարզի Իջևան քաղաքի Բլբուլյան փողոցի N 94 հասցեում գտնվող «Իջևանի պետական քոլեջ» պետական ոչ առևտրային կազմակերպությանն ամրացված շենքային համալիրի 2-րդ մասնաշենքը` այն հետ վերցնելով «Իջևանի պետական քոլեջ» պետական ոչ առևտրային կազմակերպությունից.
բ) Հայաստանի Հանրապետության Արագածոտնի մարզի Աշտարակ քաղաքի Սպանդարյան փողոցի N 35 հասցեում գտնվող «Աշտարակի ավագ դպրոց (արհեստագործական հոսքով)» պետական ոչ առևտրային կազմակերպությանն ամրացված շենքային համալիրի 1-ին մասնաշենքի 3-րդ և 4-րդ հարկերը` 1046.5 քառ. մետր ընդհանուր մակերեսով` դրանք հետ վերցնելով «Աշտարակի ավագ դպրոց (արհեստագործական հոսքով)» պետական ոչ առևտրային կազմակերպությունից.
գ) Հայաստանի Հանրապետության Լոռու մարզի Վանաձոր քաղաքի Մ. Մանուշյան փողոցի N 2 հասցեում գտնվող` Հայաստանի Հանրապետության կրթության և գիտության նախարարության «Կրթության ազգային ինստիտուտ» փակ բաժնետիրական ընկերությանը պատկանող շենքից` 3000 քառ. մետր ընդհանուր մակերեսով` դրա արժեքի չափով պակասեցնելով «Կրթության ազգային ինստիտուտ» փակ բաժնետիրական ընկերության կանոնադրական կապիտալը.
դ) Գյումրի քաղաքի Ղուկասյան փողոցի N 30 հասցեում գտնվող ուսումնական մասնաշենքը` 1329.72 քառ. մետր ընդհանուր տարածքով` այն հետ վերցնելով Հայաստանի Հանրապետության կրթության և գիտության նախարարության «Գյումրիի N 2 արհեստագործական ուսումնարան» պետական ոչ առևտրային կազմակերպությունից.
ե) Հայաստանի Հանրապետության Գեղարքունիքի մարզի Մարտունի քաղաքի Երևանյան փողոցի N 14 հասցեում գտնվող ուսումնական մասնաշենքի ձախ թևի 1-ին, 2-րդ և 3-րդ հարկերը` 1213.6 քառ. մետր ընդհանուր տարածքով և նկուղային հարկը 243.3 քառ. մետր տարածքով` այն հետ վերցնելով Հայաստանի Հանրապետության կրթության և գիտության նախարարության «Մարտունու արհեստագործական ուսումնարան» պետական ոչ առևտրային կազմակերպությունից.
զ) Հայաստանի Հանրապետության Կոտայքի մարզի Հրազդան քաղաքի 5-րդ բանավանի Դուրյան փողոցի N 22 հասցեում գտնվող «Հրազդանի N 3 միջնակարգ դպրոց» պետական ոչ առևտրային կազմակերպությանն ամրացված շենքային համալիրի 2-րդ մասնաշենքից 1703 քառ. մետր մակերեսով շենքի մասը` այն հետ վերցնելով «Հրազդանի N 3 միջնակարգ դպրոց» պետական ոչ առևտրային կազմակերպությունից.
է) Հայաստանի Հանրապետության Արարատի մարզի Արտաշատ քաղաքի Մռավյան փողոցի N 32 հասցեում գտնվող «Արտաշատի N 2 միջնակարգ դպրոց» պետական ոչ առևտրային կազմակերպության չշահագործված մասնաշենքը` այն հետ վերցնելով «Արտաշատի N 2 միջնակարգ դպրոց» պետական ոչ առևտրային կազմակերպությունից.
ը) (1-ին կետի ը ենթակետն ուժը կորցրել է 03.07.08 թիվ 739-Ա որոշում)
i
թ) Հայաստանի Հանրապետության Սյունիքի մարզի Կապան քաղաքի Երկաթուղայինների փողոցի N 4 հասցեում գտնվող ուսումնական մասնաշենքի աջ հատվածի 1-ին, 2-րդ և 3-րդ հարկերը` 702 քառ. մետր ընդհանուր մակերեսով` այն հետ վերցնելով Հայաստանի Հանրապետության կրթության և գիտության նախարարության «Կապանի վարժարան» պետական ոչ առևտրային կազմակերպությունից:
(1-ին կետը փոփ. 23.06.05 թիվ 872-Ա, 27.08.09 թիվ 1043-Ա որոշումներ)
i
1.1. Թույլատրել Հայաստանի Հանրապետության Արմավիրի մարզպետարանի «Արմավիրի բժշկական կենտրոն» փակ բաժնետիրական ընկերությանը սեփականության իրավունքով իրեն պատկանող` 5000 քառ. մետր ընդհանուր մակերես և 42272.0 հազ. դրամ հաշվեկշռային արժեք ունեցող նախկին ծննդատան մասնաշենքով (գտնվելու վայրը` Հայաստանի Հանրապետություն, Արմավիրի մարզ, քաղ. Արմավիր, Աբովյան 141) (այսուհետ` գույք) վճարել այդ ընկերության կողմից տեղաբաշխված` պետությանը պատկանող համապատասխան թվով բաժնետոմսերի` Հայաստանի Հանրապետության օրենսդրությամբ սահմանված կարգով ձեռքբերման դիմաց: Ընկերության կողմից ձեռք բերված բաժնետոմսերի մարումից հետո` Հայաստանի Հանրապետության օրենսդրությամբ սահմանված կարգով` համապատասխան չափով նվազեցնել ընկերության կանոնադրական կապիտալը:
(1.1-րդ կետը լրաց. 03.07.08 թիվ 739-Ա որոշում)
1.2. Ավելացված արժեքի հարկը վճարել «Հայաստանի Հանրապետության 2008 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 11-րդ կետով սահմանված կարգով:
(1.2-րդ կետը լրաց. 03.07.08 թիվ 739-Ա որոշում)
1.3. Սույն որոշման 1.1-ին կետում նշված գույքը, որպես գույքային ներդրում, հանձնել «Եվրոպական կրթական տարածաշրջանային ակադեմիա» հիմնադրամին:
(1.3-րդ կետը լրաց. 03.07.08 թիվ 739-Ա որոշում)
2. Հայաստանի Հանրապետության կառավարությանն առընթեր պետական գույքի կառավարման վարչության պետին` մեկամսյա ժամկետում «Եվրոպական կրթական տարածաշրջանային ակադեմիա» հիմնադրամի հետ համատեղ ապահովել սույն որոշման 1-ին կետում նշված շենքերի և շենքերի մասերի հանձնման-ընդունման աշխատանքների կատարումը և գույքային իրավունքների պետական գրանցումը` հիմնադրամի միջոցների հաշվին:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ՀՈԿՏԵՄԲԵՐԻ 21-ԻՆ