040.1801.281204
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» դեկտեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 դեկտեմբերի 2004 թվականի N 1801-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ԿՈԹԻԻ ԳՅՈՒՂԱԿԱՆ ՀԱՄԱՅՆՔԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածով և Հայաստանի Հանրապետության Տավուշի մարզի Ոսկեպար-Կոթի ինքնահոս ոռոգման ջրատարի կառուցման նպատակով Հայաստանի Հանրապետության կառավարությունը որոշում է.
i
1. «Ոռոգում» փակ բաժնետիրական ընկերության գույքի կազմից` Ջողազի ջրամբարի ոռոգման համակարգի խողովակաշարից սահմանված կարգով առանձնացնել 820 միլիմետր տրամագծով, 850 գծամետր ընդհանուր երկարությամբ, 1200 միլիմետր տրամագծով, 1954 գծամետր երկարությամբ և 1400 միլիմետր տրամագծով, 1600 գծամետր երկարությամբ չօգտագործվող խողովակաշարը, այն ամրացնել «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին և նվիրաբերել Հայաստանի Հանրապետության Տավուշի մարզի Կոթիի գյուղական համայնքին` նրա կողմից, որպես պահանջվող ներդրում, Հայաստանի Հանրապետության գյուղատնտեսության նախարարության «Գյուղատնտեսական ծառայություններ» ծրագրով նախատեսվող` Հայաստանի Հանրապետության Տավուշի մարզի Ոսկեվանի ու Կոթիի գյուղական համայնքների համար Ոսկեպար-Կոթի ինքնահոս ոռոգման ջրատարի կառուցման նպատակով` գույքի արժեքի չափով նվազեցնելով «Ոռոգում» փակ բաժնետիրական ընկերության կանոնադրական կապիտալը:
(1-ին կետը փոփ. 01.09.05 թիվ 1391-Ա որոշում)
2. Հայաստանի Հանրապետության կառավարությանն առընթեր ջրային տնտեսության պետական կոմիտեի նախագահին` Հայաստանի Հանրապետության Տավուշի մարզպետարանի հետ համատեղ ապահովել սույն որոշման 1-ին կետում նշված աշխատանքների կատարումը:
i
3. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված գույքի առանձնացման արդյունքում առաջացող ավելացված արժեքի հարկի վճարման պարտավորության կատարումը «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 13-րդ կետին համապատասխան` որպես «Ոռոգում» փակ բաժնետիրական ընկերության ավելացված արժեքի հարկի գծով պարտավորության կատարում:
(3-րդ կետը լրաց. 01.09.05 թիվ 1391-Ա որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2004 ԹՎԱԿԱՆԻ ԴԵԿՏԵՄԲԵՐԻ 24-ԻՆ