040.1349.050905
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» սեպտեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 օգոստոսի 2005 թվականի N 1349-Ն
i
ԵՐԵՎԱՆ ՔԱՂԱՔԻ ՆՈՐ ԳԼԽԱՎՈՐ ՀԱՏԱԿԱԳԾԻ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԱՆՑԿԱՑՆԵԼՈՒ ՄԱՍԻՆ
Հիմք ընդունելով «Քաղաքաշինության մասին» և «Շրջակա միջավայրի վրա ազդեցության փորձաքննության մասին» Հայաստանի Հանրապետության օրենքները, ինչպես նաև Հայաստանի Հանրապետության կառավարության 2000 թվականի հոկտեմբերի 30-ի N 692 և 2005 թվականի մարտի 24-ի N 443-Ն որոշումներին համապատասխան` Հայաստանի Հանրապետության կառավարությունը որոշում է.
1. Երևան քաղաքի նոր գլխավոր հատակագծի փորձաքննություն անցկացնելու նպատակով ստեղծել միջգերատեսչական հանձնաժողով` համաձայն հավելվածի:
2. Համալիր փորձաքննությունն անցկացնել Հայաստանի Հանրապետության վարչապետի 2004 թվականի մայիսի 18-ի N 326-Ա որոշմամբ Երևան քաղաքի նոր գլխավոր հատակագծի հայեցակարգի մշակման աշխատանքների համակարգման միջգերատեսչական հանձնաժողովի վերջնական եզրակացության հիման վրա:
3. Միջգերատեսչական հանձնաժողովին` երկամսյա ժամկետում ավարտել համալիր փորձաքննության աշխատանքները:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՕԳՈՍՏՈՍԻ 29-ԻՆ
Հավելված
ՀՀ կառավարության
2005 թվականի օգոստոսի 25-ի
N 1349-Ն որոշման
ԿԱԶՄ
ԵՐԵՎԱՆ ՔԱՂԱՔԻ ՆՈՐ ԳԼԽԱՎՈՐ ՀԱՏԱԿԱԳԾԻ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Գ. Արշակյան - «ՀՀ նախագծերի պետական արտագերատեսչական
փորձաքննություն» ՊՓԲԸ-ի գործադիր տնօրեն (հանձնաժողովի
նախագահ)
Լ. Շահվերդյան - ՀՀ էներգետիկայի նախարարի տեղակալ
Է. Կարապետյան - ՀՀ տրանսպորտի և կապի նախարարության աշխատակազմի
ներդրումների և շինարարական ծրագրերի վարչության պետ
Ս. Ազարյան - ՀՀ տարածքային կառավարման նախարարության արտակարգ
իրավիճակների վարչության բնակչության և տարածքների
պաշտպանության վարչության պետ
Բ. Ղազարյան - ՀՀ բնապահպանության նախարարության «Բնապահպանական
փորձաքննություն» ՊՈԱԿ-ի փոխտնօրեն
Ա. Լալայանց - Երևանի քաղաքապետարանի աշխատակազմի ճարտարապետության և
քաղաքաշինության վարչության պետի տեղակալ
Հ. Խաչատրյան - Երևանի «Ջրմուղ-կոյուղի» ՓԲԸ-ի գլխավոր տնօրենի
խորհրդական