040.1630.241005
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«24» հոկտեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 սեպտեմբերի 2005 թվականի N 1630-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԾԽԱԽՈՏԻ ԴԵՄ ՊԱՅՔԱՐԻ ՊԵՏԱԿԱՆ ԾՐԱԳԻՐԸ ԵՎ ԾԽԱԽՈՏԻ ԴԵՄ ՊԱՅՔԱՐԻ ԲՆԱԳԱՎԱՌՈՒՄ ԱՌԱՋՆԱՀԵՐԹ ՄԻՋՈՑԱՌՈՒՄՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
Համաձայն «Ծխախոտի իրացման, սպառման և օգտագործման սահմանափակումների մասին» Հայաստանի Հանրապետության օրենքի 2-րդ հոդվածի` Հայաստանի Հանրապետության կառավարությունը որոշում է.
1. Հաստատել`
ա) Հայաստանի Հանրապետությունում ծխախոտի դեմ պայքարի պետական ծրագիրը` համաձայն N 1 հավելվածի.
բ) ծխախոտի դեմ պայքարի բնագավառում առաջնահերթ միջոցառումների ցանկը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՀՈԿՏԵՄԲԵՐԻ 15-ԻՆ
Հավելված N 1
ՀՀ կառավարության
2005 թվականի սեպտեմբերի 22-ի
N 1630-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԾԽԱԽՈՏԻ ԴԵՄ ՊԱՅՔԱՐԻ ՊԵՏԱԿԱՆ ԾՐԱԳԻՐ
(2005-2009 թթ.)
ԵՐԵՎԱՆ-2005 թ.
I. Ներածություն
Ծխախոտը բարձր տեխնոլոգիական արտադրանք է: Դրա բաղադրիչներից շատերը թունավոր են և քաղցկեղածին: Հիվանդությունների միջազգային 10-րդ դասակարգման (ՀՄԴ 10, WHO) և Ամերիկյան հոգեբանների ընկերակցության «Ախտորոշում և վիճակագրություն» ձեռնարկում (DSM-4) ծխախոտային կախվածությունը ներառված է վարքագծային խանգարումների խմբում:
Ծխելը բազմաթիվ հիվանդությունների առաջացման, հաշմանդամության, մահվան պատճառ է դառնում: Համաշխարհային առողջապահության կազմակերպության տվյալներով 1990-ական թվականների վերջին, ծխելու հետևանքով, ամեն տարի մոտ 1,2 միլիոն մահվան դեպք է արձանագրվել (մահվան ընդհանուր դեպքերի 14%-ը): Հակածխախոտային միջոցառումներ ձեռնարկելու դեպքում կանխատեսվում է, որ 2020 թ.-ին այս ցուցանիշը կհասնի 2 միլիոնի (մահվան ընդհանուր դեպքերի 20%-ը):
Հայաստանում այսօր մեծահասակ բնակչության շուրջ 30%-ը (ՀՀ Ազգային վիճակագրության ծառայություն, (Ծխախոտի տարածվածությունը Հայաստանի Հանրապետությունում 2001, պաշտոնական ինտերնետային կայք) կանոնավոր (ամենօրյա) ծխող է, ուր ընտանիքի հիմնական կերակրողի` տղամարդկանց մասնաբաժինը կազմում է 60%: Ծխելու սովորությունն աճում է նաև խոցելի խմբերի (կանայք, երեխաներ, երիտասարդներ և այլն) շրջանում:
Ծխախոտի պահանջարկի աճի տեմպերին դժվար է հետևել, քանի որ մեր երկրում ծխելու տարածվածության ուսումնասիրությունները հիմնականում ընտրանքային և գիտամեթոդական բնույթ են կրում:
Փորձը ցույց է տվել, որ հակածխախոտային միջոցառումներն արդյունավետ են միայն համաճարակաբանական հսկողության համակարգի գործադրման պայմաններում: Կանոնավոր դիտարկումները և միջոցառումների արդյունավետության գնահատումը հնարավորություն են տալիս բացահայտել առկա խնդիրները և կանոնակարգել ծխախոտի դեմ պայքարի գործողությունների հետագա ընթացքը:
Վերջին 3-4 տարվա ընթացքում ծխախոտի դեմ պայքարի գործողությունների բնագավառում իրավիճակը նշանակելի փոփոխվել է: Այսօր մեր երկրի քաղաքականությունը քաջալերում է բնակչության առողջ ապրելակերպը: Հայաստանը «Ծխախոտի դեմ պայքարի մասին» միջազգային շրջանակային կոնվենցիայի սահմաններում երկխոսային գործընթացին (ԾՊՇԿ) ակտիվ մասնակցության ուղի է ընտրել 2004 թ. հոկտեմբերի 12` վավերացնելով այն:
2004 թ. դեկտեմբերի 24-ին ՀՀ Ազգային ժողովի կողմից ընդունվեց «Ծխախոտի իրացման, սպառման և օգտագործման սահմանափակումների մասին» ՀՀ օրենքը, ուր հոդված 2-ում ամրագրված է, որ Հայաստանի Հանրապետության կառավարությունը մշակում և իրականացնում է ծխախոտի ու ծխախոտային արտադրատեսակի օգտագործման և առողջության վերահսկման ու առողջ ապրելակերպի քարոզչությանն ուղղված` ծխախոտի դեմ պայքարի պետական ծրագիր:
Ներկայումս երկրում պայմաններ են ստեղծվում ծխելու հետևանքով առաջացած հիվանդություններից մահացության և հաշմանդամության նվազեցմանն ուղղված միջոցառումների իրականացման համար:
Հաշվի առնելով ծխախոտի օգտագործման վաղեմությունը և լայն տարածվածությունը, ինչպես նաև, նկատի ունենալով առկա տնտեսական և սոցիալական հիմնախնդիրները (ծխախոտագործության զարգացում և այդ ոլորտում մարդկանց ընդգրկվածություն և այլն)` ներկայումս դրանց կտրուկ արգելումն անիրագործելի է: Սակայն անհրաժեշտ է հետևողականորեն պայքարել ծխելու դեմ:
Ելնելով վերոհիշյալից, և գիտակցելով առողջապահական, սոցիալական, բարոյական, մշակութային անփոխարինելի կորուստները, կարևորվում է սույն ծխախոտի դեմ պայքարի պետական ծրագրի ընդունումը:
Ծխախոտի դեմ պայքարի ծրագիրը պետք է ուղղված լինի հասարակության բոլոր խավերում ծխախոտային արտադրատեսակների նկատմամբ պահանջարկի ու ծխելու տարածվածության նվազեցմանը միտված, գիտականորեն հիմնավորված, համալիր գործողությունների իրականացմանը: Այդ գործողությունները պետք է նպաստեն բնակչության շրջանում ծխելուց հրաժարվելուն և երիտասարդության շրջանում վերջինիս կանխարգելմանը: Դրանք պետք է նպաստեն հանրային առողջության պահպանմանն ու ամրապնդմանը: Ծխախոտի դեմ պայքարի պետական ծրագրում նշված են երկրում ծխախոտի դեմ պայքարի գործողությունների մեխանիզմները, մոտեցումները և հիմնական ուղղությունները:
Ծխախոտի դեմ պայքարի գործողությունները կիրառվում են ծխախոտի օգտագործմամբ պայմանավորված հիվանդություններից մահացության և հաշմանդամության նվազեցման, բնակչության առողջական վիճակի բարելավման ու կյանքի միջին տևողության երկարաձգման համար:
Ծխախոտի դեմ պայքարի պետական ծրագրի նպատակը Հայաստանում ծխելու աճի կանխումը, ինչպես նաև հեռանկարում ծխելու բացասական հետևանքների շարունակական նվազեցումն է (տարեկան 1,5-2%):
Խնդիրները
1. Հիմնական խնդիր` նպաստել ծխելու դադարեցման ցուցանիշների և չծխող
անձանց թվաքանակի մեծացմանն ուղղված նպատակային քաղաքականության
իրականացմանը: 2. Մշակել և ներդնել ծխախոտի օգտագործման համաճարակաբանական հսկողության
գործուն համակարգ: 3. Պահպանել երեխաների և մեծահասակների առողջությունը` կանխարգելելով ծխախոտի
ծխի երկրորդային ազդեցությանն ակամա ենթարկվելը: 4. Բնակչությանը տեղեկացնել ինչպես ծխելու հետևանքով հիվանդությունների
առաջացման վտանգի, այնպես էլ ծխախոտի բաղադրության մասին: 5. Ծխելու դեմ պայքարի գործընթացում համագործակցել հասարակական
կազմակերպությունների հետ` իրենց համաձայնությամբ:
Ծխախոտի դեմ պայքարին ուղղված գործողությունները շարունակական բնույթ ունեն: Դրանք անհրաժեշտ է պարբերաբար վերանայել և անհրաժեշտության դեպքում կատարել ռազմավարական փոփոխություններ, կազմել աշխատանքային ծրագրեր` որոշակի ժամանակահատվածի համար: Հակածխախոտային գործողությունների հաջողությունը կախված է վերահսկողության և գնահատման արդյունավետ համակարգերի առկայությունից:
Ծխախոտի դեմ պայքարի պետական ծրագիրը, նախատեսվում է իրականացնել 2005-2009 թթ. ընթացքում:
Ծխախոտի դեմ պայքարի պետական ծրագրի ֆինանսավորում ակնկալվում է ինչպես պետական բյուջեի, այնպես էլ միջազգային, հասարակական կազմակերպությունների կողմից:
Վերոհիշյալ նպատակին և առաջադրված խնդիրների լուծմանը կարելի է հասնել հիմնական ռազմավարությունների համալիր իրականացման ճանապարհով:
Առաջարկվող ռազմավարությունները, գործողությունները և միջոցառումները հիմնված են միջազգային առողջապահական կազմակերպությունների (մասնավորապես` Առողջապահության համաշխարհային կազմակերպության), Եվրոպայի, ԱՊՀ և մերձբալթյան երկրների փորձի, մոտեցումների և առաջարկությունների վրա` հաշվի առնելով Հայաստանի առկա հնարավորությունները, ազգային առանձնահատկությունները, գործող օրենսդրությունը և այլն:
1. Ծխախոտի դեմ պայքարի նպատակային ռազմավարությունը
Ռազմավարության նպատակ` ծխելու տարածվածության կայուն և իրական նվազեցում
1.1. Ծխելու դադարեցման ցուցանիշների և չծխող անձանց թվաքանակի մեծացման ապահովմանն ուղղված նպատակային քաղաքականության իրականացում:
Ռազմավարություն 1
Ծխախոտի դեմ պայքարին ուղղված գործողությունների կառավարման համակարգի ստեղծում
Միջոցառումները
1) Ծխախոտի դեմ պայքարի ծրագրի գործադրման մոնիթորինգի իրականացում`
Հայաստանի Հանրապետության առողջապահության նախարարության կողմից:
Ռազմավարություն 2
Ծխախոտի դեմ պայքարի բնագավառում օրենսդրության կատարելագործում
Միջոցառումները
1) ծխախոտի դեմ պայքարի գործողությունների վերաբերյալ օրենսդրական նախագծերի
մշակում, 2) մասնակցություն «Գովազդի մասին» ՀՀ օրենքում փոփոխությունների մշակմանը`
2.1. ծխախոտի գովազդի լիակատար արգելքի
2.2. հակածխախոտային բովանդակությամբ սոցիալական գովազդի անվճար տեղակայման մասերով:
Ռազմավարություն 3
Ծխախոտի օգտագործման դադարեցման քարոզչությանն ուղղված և ծխելու դեմ պայքարին սատարող մասնագիտացված ծառայությունների զարգացում և գիտականորեն հիմնավորված բժշկական, կրթական ծրագրերի մշակում:
Միջոցառումները
1) Ծխախոտի օգտագործման համաճարակաբանական հսկողության համակարգի մշակում և
ներդնում: 2) Ծխելու տարածվածության, ծխախոտային կախվածության բուժման և ծխելու
տարածվածության վրա ուղղակի և անուղղակի ազդեցություն ունեցող այլ
գործոնների հաշվառման տեղեկատվական համակարգի ստեղծում: 3) Առողջապահության համակարգի աշխատողների, ինչպես նաև ուսանողների,
մանկավարժների, քաղաքականություն մշակող անձանց և այլ խմբերի կարծիքի
ձևավորմանն ուղղված` ծխելու դեմ պայքարի ուսումնական ծրագրերի մշակում և
ներդնում: 4) Առողջապահության բնագավառի աշխատողների` բժիշկների, միջին բուժանձնակազմի,
դեղագործների, ինչպես նաև ուսուցիչների, համայնքների և սոցիալական
ոլորտի աշխատողների վերապատրաստման համար ծխելու դեմ պայքարի մեթոդներին
նվիրված ուսումնական ծրագրերի մշակում և ներդնում: 5) Բժշկական հաստատություններում ծխախոտային կախվածության ախտորոշման
սկզբունքների, խորհրդատվության համակարգերի, ինչպես նաև բուժման ծրագրերի
ստեղծում` շեշտը դնելով առաջնային բուժօգնության հիմնարկների վրա: 6) Ծխախոտային կախվածության բուժման նորագույն և արդյունավետ մոտեցումների
մշակում և ներդնում: 7) Ծխելու դադարեցմանն ուղղված միջոցառումների մշակում և ներդնում, ինչպես
նաև դրանց ընդգրկում ազգային, առողջապահական ծրագրերում և
ռազմավարություններում, այդ թվում` առաջնային բուժօգնության, ալկոհոլիզմի
և թմրամոլության դեմ պայքարի, վերարտադրողական առողջության պահպանման,
տուբերկուլյոզի դեմ պայքարի և այլն:
1.2. Ծխելու հետևանքով հիվանդությունների առաջացման վտանգի մասին բնակչության իրազեկում
Ռազմավարություն 1
ՈՒսուցում, կադրերի պատրաստում և բնակչության իրազեկում` վտանգի մասին
Միջոցառումները
1) Կրթական, կադրերի պատրաստման և բնակչության իրազեկման ծրագրերի մշակում
և իրագործում: 2) Լայն հասարակայնության, հատկապես` խոցելի խմբերի (կանայք, երեխաներ,
երիտասարդներ և այլն) իրազեկում ծխախոտի օգտագործման և առողջության վրա
ծխախոտի ծխի ազդեցության, ինչպես նաև ծխելուց հրաժարվելու և ծխելուց
զերծ ապրելակերպի մասին: 3) Հակածխախոտային գործողությունների իրականացման բնագավառում
համագործակցություն հասարակական, կազմակերպությունների և քաղաքացիական
հասարակության հետ:
1.3. Ծխախոտային արտադրատեսակների որակի հսկողության իրականացում և իրազեկում սպառողներին ծխախոտային արտադրատեսակների մասին
Ռազմավարություն 1
Ծխախոտային արտադրատեսակների որակի հսկողություն և իրազեկում սպառողներին ծխախոտային արտադրատեսակների մասին
Միջոցառումները
1) Հայաստանի Հանրապետության օրենսդրությամբ ամրագրված ՀՀ-ում կիրառվող
ծխախոտային արտադրատեսակների վրա տարածվող` տեխնիկական կանոնակարգով
սահմանված պահանջների համապատասխանության վերահսկողություն:
2. Դիտարկում (մոնիթորինգ)` գործողությունների նպատակային ծրագրի
իրականացման ուղղությամբ:
Նպատակ` Ընթացիկ իրավիճակի բնորոշում, փոփոխությունների գնահատում և աշխատանքի ճշգրտում:
Միջոցառումները
1) Դիտարկման (մոնիթորինգի), գնահատման և ծխախոտի օգտագործման ծավալների և
դրանից բխող հետևանքների մասին առողջապահության նախարարության կողմից
տպագիր տարեկան վերլուծական զեկուցումների իրականացում Հայաստանի
Հանրապետության կառավարությանը, հասարակական և միջազգային
կազմակերպություններին: 2) Համապատասխան տեղեկատվության տարածում հասարակության, զանգվածային
լրատվության և առողջապահության բնագավառի աշխատողների շրջանում`
հետագայում նրանց աջակցության ակնկալումով: 3) Հակածխախոտային ազգային ռազմավարությունների, ծխելու տարածվածության և
դրանից բխող հետևանքների գնահատման մասին զեկուցումների կանոնավոր
հրապարակում:
3. Գործողությունների նպատակային ծրագրի ֆինանսավորումը
Գործողությունների նպատակային ծրագրի ֆինանսավորումը նախատեսվում է հետևյալ աղբյուրներից`
1) Հայաստանի Հանրապետության պետական բյուջեից,
2) միջազգային կազմակերպությունների կողմից նպատակային ֆինանսավորում,
3) Հայաստանի Հանրապետության օրենսդրությամբ չարգելված այլ ֆինանսական
աղբյուրներ:
4. Ծխախոտի դեմ պայքարի պետական ծրագրում նախատեսվող միջոցառումների
իրականացման արդյունավետության նախադրյալները
4.1. Ծխելու տարածվածության նվազեցման և չծխողների թվաքանակի ավելացման ուղղությամբ նպատակային քաղաքականության իրականացում:
Ռազմավարություն 1
Ծխախոտի դեմ պայքարի բնագավառում միջոցառումների կառավարման համակարգի ստեղծումը
Ծրագրվող արդյունք
1) Ծխախոտի դեմ պայքարի պետական ծրագրի ընթացքի մասին իրազեկելու նպատակով ՀՀ
առողջապահության նախարարության կողմից կհրապարակվեն ամենամյա զեկույցներ`
2005-2009 թթ.
Ռազմավարություն 2
Ծխախոտի դեմ պայքարի բնագավառում օրենսդրության կատարելագործումը
Ծրագրվող արդյունք
1) ՀՀ առողջապահության նախարարության կողմից կմշակվեն և շահագրգիռ
կազմակերպությունների քննարկմանը կներկայացվեն ծխախոտի դեմ պայքարի
գործողությունների վերաբերյալ օրենսդրական նախագծեր` 2005-2006 թթ. 2) Ծրագրի գործադրման համար անհրաժեշտ իրավական ակտերի նախագծերը
._________________________________________________________________________.
|Իրավական ակտի անվանումը |Պատասխանատու | Ներկայացման |
| |կատարողները | ժամկետները |
|_____________________________________|_____________________|_____________|
|1. «Ծխախոտի օգտագործման |ՀՀ առողջապահության |2006 թ., 3-րդ|
| համաճարակաբանական հսկողության |նախարարություն |եռամսյակ |
| համակարգ» սանիտարահամաճարակային | | |
| կանոններ | | |
|_____________________________________|_____________________|_____________|
|2. «Ծխախոտի իրացման սպառման և |ՀՀ առողջապահության |2007 թ., 3-րդ|
| օգտագործման սահմանափակումների |նախարարություն |եռամսյակ |
| մասին» ՀՀ օրենքում փոփոխություններ|ՀՀ առևտրի և | |
| |տնտեսական զարգացման | |
| |նախարարություն | |
._________________________________________________________________________.
Ռազմավարություն 3
Ծխախոտի օգտագործման դադարեցման քարոզչությանն ուղղված և ծխելու դեմ պայքարին սատարող մասնագիտացված ծառայությունների զարգացում և գիտականորեն հիմնավորված բժշկական, կրթական ծրագրերի մշակում:
Ծրագրվող արդյունք
1) Կստեղծվի ծխախոտի դեմ պայքարի գործողությունների տեղեկատվական համակարգ`
2005-2008 թթ. 2) Կպատրաստվեն ծխախոտի դեմ պայքարի գործողությունների բնագավառում
ծխախոտային կախվածության բուժման հարցերի մասնագետներ` 2005-2008 թթ. 3) Բժշկական հաստատություններում կմշակվեն ծխախոտային կախվածության
խորհրդատվության և բուժման ծրագրեր` 2006-2009 թթ. 4) Առողջապահության ոլորտի մասնագետների, ուսուցիչների, հանրային և
սոցիալական բնագավառի աշխատողների համար կմշակվեն ուսումնական ծրագրեր`
2005-2009 թթ. 5) Կմշակվեն ծխախոտային կախվածության բուժման ժամանակակից և արդյունավետ
մոտեցումներ: Կմշակվեն և կներկայացվեն ծխելու դադարեցման վերաբերյալ
առաջարկություններ, ինչպես նաև դրանք կընդգրկվեն նպատակային,
առողջապահական ծրագրերում և ռազմավարություններում, այդ թվում` առաջնային
բուժօգնության, ալկոհոլի և թմրամոլության դեմ պայքարի, վերարտադրողական
առողջության պահպանման, տուբերկուլյոզի դեմ պայքարի և այլն`
2005-2009 թթ.:
4.2. Բնակչության իրազեկություն ծխելու հետևանքով հիվանդությունների առաջացման վտանգի մասին
Ռազմավարություն 1
ՈՒսուցում, կադրերի պատրաստում և վտանգների մասին տեղեկատվություն` բնակչությանը
Ծրագրվող արդյունք
1) Կիրականացվեն կրթական ծրագրեր` ընդգրկելով հակագովազդը, զանգվածային
լրատվության միջոցներով ծխախոտի վնասակարությունների մասին բնակչության
նախազգուշացմանն ուղղված առողջապահական հաղորդագրությունները, տարատեսակ
տեղեկատվություն` ելնելով հանրության տարբեր շերտերի համար` աշխատանքում
ընդգրկելով կազմակերպություններին` 2005-2009 թթ.: 2) Կապահովվի ծխելու հետևանքով հիվանդությունների առաջացման վտանգի մասին
կանոնավոր իրազեկում, այդ թվում` ծխախոտային արտադրատեսակների
գովազդներում, փաթեթի և տուփի վրա առողջապահական նախազգուշացումը`
2005-2009 թթ.:
4.3. Հսկողություն խնդիրների լուծման համար անհրաժեշտ միջոցառումների կատարման որակի նկատմամբ
Ռազմավարություն 1
Ծխախոտային արտադրանքների որակի հսկողություն և ծխախոտային արտադրատեսակների մասին տեղեկատվություն սպառողներին
Ծրագրվող արդյունք
1) Կպահպանվեն Հայաստանի Հանրապետությունում կիրառվող ծխախոտային
արտադրատեսակների վրա տարածվող ստանդարտների պահանջները (նման
արտադրանքների պատրաստման, մշակման, ձևավորման, թեսթավորման, չափման և
այլ)` 2005-2009 թթ.: 2) Իրավասու մարմինների կողմից կմշակվեն և սահմանված կարգով կգրանցվեն
սանիտարական նորմեր և կանոններ, որոնց համաձայն ծխախոտային բոլոր
ընկերությունները կհաղորդեն իրենց արտադրատեսակների մասին ողջ
տեղեկատվությունը, ներառյալ մանրամասն տվյալներ դրանց հիմնական
բաղադրիչների և հավելումների մասին` 2005-2009 թթ.: 3) Համապատասխան իրավասու մարմնի կողմից կիրականացվի հսկողություն ծխախոտային
արտադրատեսակներում թունավոր նյութերի, հատկապես խեժի, նիկոտինի և այլնի
պարունակության մասին հստակ և պարզ տեղեկատվության ներկայացում, այդ
թվում` դրանց մակարդակների փաստացի չափումների արդյունքների`
2005-2009 թթ.: 5) Կապահովվի ծխախոտային արտադրատեսակների վաճառվող յուրաքանչյուր միավորի,
տուփի կամ փաթեթի վրա առողջապահական նախազգուշացման առկայությունը`
2005-2009 թթ.:
Հավելված N 2
ՀՀ կառավարության
2005 թվականի սեպտեմբերի 22-ի
N 1630-Ն որոշման
ՑԱՆԿ
ԾԽԱԽՈՏԻ ԴԵՄ ՊԱՅՔԱՐԻ ԲՆԱԳԱՎԱՌՈՒՄ ԱՌԱՋՆԱՀԵՐԹ ՄԻՋՈՑԱՌՈՒՄՆԵՐԻ
._________________________________________________________________________.
|NN | Միջոցառումները | Կատարողները |Կատարման |Ֆինանսավորման|
|ը/կ| | |ժամկետները|աղբյուրը |
|___|_____________________________________________________________________|
|1. |Ծխախոտի դեմ պայքարի գործողությունների համակարգի մշակում |
|___|_____________________________________________________________________|
|. |Ծխախոտի դեմ պայքարի |ՀՀ առողջապահության |2005- |ՀՀ պետական |
| |գործողությունների ծրագրի|նախարարություն |2009 թթ. |բյուջե |
| |գործադրման մոնիթորինգի | | | |
| |իրականացում | | | |
|___|_____________________________________________________________________|
|2. |Օրենսդրության կատարելագործում |
|___|_____________________________________________________________________|
|. |Ծխախոտի դեմ պայքարի |ՀՀ առողջապահության |2005- |ՀՀ պետական |
| |գործողությունների |նախարարություն |2009 թթ. |բյուջե |
| |վերաբերյալ օրենսդրական | | | |
| |նախագծերի մշակում | | | |
|___|_____________________________________________________________________|
|3. |Ծխախոտի օգտագործման դադարեցման քարոզչությանն ուղղված և ծխելու դեմ |
| |պայքարին սատարող մասնագիտացված ծառայությունների զարգացում և |
| |գիտականորեն հիմնավորված բժշկական, կրթական ծրագրերի մշակում |
|___|_____________________________________________________________________|
|. |Ծխախոտի օգտագործման |ՀՀ առողջապահության |2005- |ՀՀ պետական |
| |համաճարակաբանական |նախարարություն |2009 թթ. |բյուջե |
| |հսկողության համակարգի | | | |
| |մշակում և ներդրում | | | |
|___|________________________|___________________|__________|_____________|
|. |Ծխելու տարածվածության, |ՀՀ առողջապահության |2005- |ՀՀ պետական |
| |ծխախոտային կախվածության |նախարարություն |2009 թթ. |բյուջե |
| |բուժման և ծխելու | | |Հայաստանի |
| |տարածվածության վրա | | |Հանրապետու- |
| |ուղղակի և անուղղակի | | |թյան օրենս- |
| |ազդեցություն ունեցող | | |դրությամբ |
| |այլ գործոնների հաշվառման| | |չարգելվող այլ|
| |տեղեկատվական համակարգի | | |ֆինանսական |
| |ստեղծում | | |աղբյուրներ |
|___|________________________|___________________|__________|_____________|
|. |Առողջապահության |ՀՀ առողջապահության |2005- |ՀՀ պետական |
| |համակարգի աշխատողների, |նախարարություն |2009 թթ. |բյուջե |
| |ինչպես նաև ուսանողների,|ՀՀ կրթության և | |Հայաստանի |
| |մանկավարժների, |գիտության | |Հանրապետու- |
| |քաղաքականություն մշակող |նախարարություն | |թյան օրենս- |
| |անձանց և այլ | | |դրությամբ |
| |համապատասխան խմբերի | | |չարգելվող այլ|
| |ձևավորմանն ուղղված` | | |ֆինանսական |
| |ծխելու դեմ պայքարի | | |աղբյուրներ |
| |ուսումնական ծրագրերի | | | |
| |մշակում և ներդրում | | | |
|___|________________________|___________________|__________|_____________|
|. |Բժշկական |ՀՀ առողջապահության |2005- |ՀՀ պետական |
| |հաստատություններում |նախարարություն |2009 թթ. |բյուջե |
| |ծխախոտային կախվածության | | |Հայաստանի |
| |ախտորոշման սկզբունքների,| | |Հանրապետու- |
| |խորհրդատվության | | |թյան օրենս- |
| |համակարգերի, ինչպես նաև | | |դրությամբ |
| |բուժման ծրագրերի | | |չարգելվող այլ|
| |ստեղծում` շեշտը դնելով | | |ֆինանսական |
| |առաջնային բուժօգնության | | |աղբյուրներ |
| |կազմակերպությունների վրա| | | |
|___|________________________|___________________|__________|_____________|
|. |Առողջապահության |ՀՀ առողջապահության |2005- |ՀՀ պետական |
| |բնագավառի աշխատողների` |նախարարություն |2009 թթ. |բյուջե |
| |բժիշկների, միջին | | |Հայաստանի |
| |բուժանձնակազմի, | | |Հանրապետու- |
| |դեղագործների, ինչպես | | |թյան օրենս- |
| |նաև ուսուցիչների և | | |դրությամբ |
| |սոցիալական ոլորտի | | |չարգելվող այլ|
| |աշխատողների | | |ֆինանսական |
| |վերապատրաստման համար | | |աղբյուրներ |
| |ծխելու դեմ պայքարի | | | |
| |մեթոդներին նվիրված | | | |
| |ուսումնական ծրագրերի | | | |
| |մշակում և ներդրում | | | |
|___|________________________|___________________|__________|_____________|
|. |Ծխախոտային կախվածության |ՀՀ առողջապահության |2005- |ՀՀ պետական |
| |բուժման նորագույն և |նախարարություն |2009 թթ. |բյուջե |
| |արդյունավետ մոտեցումների| | |Հայաստանի |
| |մշակում | | |Հանրապետու- |
| | | | |թյան օրենս- |
| | | | |դրությամբ |
| | | | |չարգելվող այլ|
| | | | |ֆինանսական |
| | | | |աղբյուրներ |
|___|________________________|___________________|__________|_____________|
|. |Ծխելու դադարեցմանն |ՀՀ առողջապահության |2005- |ՀՀ պետական |
| |ուղղված միջոցառումների |նախարարություն |2009 թթ. |բյուջե |
| |մշակում, ինչպես նաև | | |Հայաստանի |
| |դրանց ընդգրկում ազգային,| | |Հանրապետու- |
| |առողջապահական ծրագրերում| | |թյան օրենս- |
| |և | | |դրությամբ |
| |ռազմավարություններում, | | |չարգելվող այլ|
| |այդ թվում` առաջնային | | |ֆինանսական |
| |բուժօգնության, | | |աղբյուրներ |
| |ալկոհոլիզմի և | | | |
| |թմրամոլության դեմ | | | |
| |պայքարի, վերարտադրողական| | | |
| |առողջության պահպանման, | | | |
| |տուբերկուլյոզի դեմ | | | |
| |պայքարի և այլն | | | |
|___|_____________________________________________________________________|
|4. |ՈՒսուցում, կադրերի պատրաստում և տեղեկատվություն բնակչությանը |
|___|_____________________________________________________________________|
|. |Կրթական, կադրերի |ՀՀ առողջապահության |2005- |ՀՀ պետական |
| |պատրաստման և |նախարարություն |2009 թթ. |բյուջե |
| |բնակչության իրազեկման |ՀՀ կրթության և | |Հայաստանի |
| |ծրագրերի մշակում և |գիտության | |Հանրապետու- |
| |իրագործում |նախարարություն | |թյան օրենս- |
| | | | |դրությամբ |
| | | | |չարգելվող այլ|
| | | | |ֆինանսական |
| | | | |աղբյուրներ |
|___|________________________|___________________|__________|_____________|
|. |Լայն հասարակայնության, |ՀՀ առողջապահության |2005- |ՀՀ պետական |
| |հատկապես, խոցելի խմբերի |նախարարություն |2009 թթ. |բյուջե |
| |(կանայք, երեխաներ, |ՀՀ կրթության և | |Հայաստանի |
| |երիտասարդներ և այլն) |գիտության | |Հանրապետու- |
| |իրազեկում ծխախոտի |նախարարություն | |թյան օրենս- |
| |օգտագործման և | | |դրությամբ |
| |առողջության վրա ծխախոտի | | |չարգելվող այլ|
| |ծխի ազդեցության, ինչպես | | |ֆինանսական |
| |նաև ծխելուց զերծ | | |աղբյուրներ |
| |ապրելակերպի մասին | | | |
|___|________________________|___________________|__________|_____________|
|. |Ծխախոտի դեմ պայքարի |ՀՀ առողջապահության |2005- |ՀՀ պետական |
| |գործողությունների |նախարարություն |2009 թթ. |բյուջե |
| |իրականացման բնագավառում |ՀՀ կրթության և | |Հայաստանի |
| |համագործակցություն |գիտության | |Հանրապետու- |
| |հասարակական |նախարարություն | |թյան օրենս- |
| |կազմակերպությունների և | | |դրությամբ |
| |քաղաքացիական | | |չարգելվող այլ|
| |հասարակության հետ | | |ֆինանսական |
| | | | |աղբյուրներ |
|___|_____________________________________________________________________|
|5. |Ծխախոտային արտադրատեսակների որակի հսկողություն և իրազեկում |
| |սպառողներին ծխախոտային արտադրատեսակների մասին |
|___|_____________________________________________________________________|
|. |Հայաստանի Հանրապետության|ՀՀ առևտրի և |2005- |ՀՀ պետական |
| |օրենսդրությամբ ամրագրված|տնտեսական զարգացման|2009 թթ. |բյուջե |
| |տեխնիկական |նախարարություն | | |
| |կանոնակարգերով սահմանված| | | |
| |պահանջներին ծխախոտային | | | |
| |արտադրատեսակների | | | |
| |համապատասխանության | | | |
| |պետական վերահսկողություն| | | |
|___|________________________|___________________|__________|_____________|
|. |Ծխախոտային |ՀՀ առևտրի և |2005- |ՀՀ պետական |
| |արտադրատեսակների |տնտեսական զարգացման|2009 թթ. |բյուջե |
| |վաճառվող յուրաքանչյուր |նախարարություն | |Հայաստանի |
| |միավորի, տուփի կամ | | |Հանրապետու- |
| |փաթեթի վրա ընդհանուր | | |թյան օրենս- |
| |բժշկական նախազգուշացման | | |դրությամբ |
| |առկայության ապահովում | | |չարգելվող այլ|
| | | | |ֆինանսական |
| | | | |աղբյուրներ |
|___|_____________________________________________________________________|
|6. |Դիտարկում (մոնիթորինգ)` գործողությունների նպատակային ծրագրի |
| |իրականացման նկատմամբ |
|___|_____________________________________________________________________|
|. |Դիտարկման (մոնիթորինգի),|ՀՀ առողջապահության |2005- |ՀՀ պետական |
| |գնահատման և ծխախոտի |նախարարություն |2009 թթ. |բյուջե |
| |օգտագործման ծավալների և | | | |
| |դրանից բխող հետևանքների | | | |
| |մասին առողջապահության | | | |
| |նախարարության կողմից | | | |
| |պարբերական զեկուցումների| | | |
| |իրականացում | | | |
|___|________________________|___________________|__________|_____________|
|. |Համապատասխան |ՀՀ առողջապահության |2005- |ՀՀ պետական |
| |տեղեկատվության տարածում |նախարարություն |2009 թթ. |բյուջե |
| |հասարակության, | | |Հայաստանի |
| |զանգվածային լրատվության | | |Հանրապետու- |
| |և առողջապահության | | |թյան օրենս- |
| |բնագավառի աշխատողների | | |դրությամբ |
| |շրջանում | | |չարգելվող այլ|
| | | | |ֆինանսական |
| | | | |աղբյուրներ |
|___|________________________|___________________|__________|_____________|
|. |Ծխախոտի դեմ պայքարի |ՀՀ առողջապահության |2005- |ՀՀ պետական |
| |ազգային ռազմավարության, |նախարարություն |2009 թթ. |բյուջե |
| |ծխելու տարածվածության և | | | |
| |դրանից բխող հետևանքների | | | |
| |գնահատման մասին | | | |
| |զեկույցների կանոնավոր | | | |
| |հրապարակում | | | |
._________________________________________________________________________.
----------------------------------------------------------
ԻՐՏԵԿ - որոշման բնագրում 4.3. ենթակետում «Ծրագրվող արդյունք» բաժնում
բաց է թողնված 4) կետը