040.1896.191105
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«19» նոյեմբերի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
20 հոկտեմբերի 2005 թվականի N 1896-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ԱՎԱՆԴԱՏՎԱԿԱՆ ՊԱՀՊԱՆՈՒԹՅԱՆ ԿԱՐԳԸ ԵՎ ԱՎԱՆԴԱՏՎԱԿԱՆ ՊԱՀՊԱՆՈՒԹՅՈՒՆՆ ԻՐԱԿԱՆԱՑՆՈՂ ՊԵՏԱԿԱՆ ՄԱՐՄԻՆՆԵՐԻ, ՊԵՏԱԿԱՆ ՀԻՄՆԱՐԿՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ
«Արխիվային գործի մասին» Հայաստանի Հանրապետության օրենքի 4-րդ հոդվածին համապատասխան` Հայաստանի Հանրապետության կառավարությունը որոշում է.
1. Հաստատել`
ա) Հայաստանի Հանրապետության արխիվային հավաքածուի ավանդատվական պահպանության կարգը` համաձայն N 1 հավելվածի.
բ) Հայաստանի Հանրապետության արխիվային հավաքածուի ավանդատվական պահպանությունն իրականացնող պետական մարմինների, պետական հիմնարկների և կազմակերպությունների ցանկը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2005 ԹՎԱԿԱՆԻ ՆՈՅԵՄԲԵՐԻ 8-ԻՆ
Հավելված N 1
ՀՀ կառավարության
2005 թվականի հոկտեմբերի 20-ի
N 1896-Ն որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ԱՎԱՆԴԱՏՎԱԿԱՆ ՊԱՀՊԱՆՈՒԹՅԱՆ
1. Սույն կարգով սահմանվում է Հայաստանի Հանրապետության արխիվային հավաքածուի փաստաթղթերի (այսուհետ` ՀՀԱՀ փաստաթղթեր) պետական մարմինների, պետական հիմնարկների և կազմակերպությունների (այսուհետ` կազմակերպություններ) կողմից ավանդատվական պահպանության կարգը:
2. Սույն կարգի գործողությունը պետական և ծառայողական գաղտնիք կազմող տեղեկություններ պարունակող փաստաթղթերի վրա տարածվում է դրանց գաղտնազերծումից հետո:
3. ՀՀԱՀ փաստաթղթերի ավանդատվական պահպանությունն իրականացվում է «Արխիվային գործի մասին» Հայաստանի Հանրապետության օրենքի 19-րդ հոդվածով սահմանված ժամկետները լրանալուց հետո` մինչև 40 տարի:
4. Գաղտնազերծված փաստաթղթերի ավանդատվական պահպանությունն իրականացվում է դրանց գաղտնազերծումից հետո` փաստաթղթերի ստեղծման պահից սկսած մինչև 50 տարի, եթե Հայաստանի Հանրապետության օրենսդրությամբ այլ կարգ սահմանված չէ:
5. «Արխիվային գործի մասին» Հայաստանի Հանրապետության օրենքի 19-րդ հոդվածով ու «Պետական և ծառայողական գաղտնիքի մասին» Հայաստանի Հանրապետության օրենքի 16-րդ հոդվածի 5-րդ մասով սահմանված ժամկետները լրանալուց հետո կազմակերպության և պետական արխիվի կողմից կազմվում են ակտեր ՀՀԱՀ փաստաթղթերը պետական արխիվի կողմից մշտական պահպանության ընդունելու և դրանք պետական արխիվի կողմից կազմակերպությանն ավանդատվական պահպանության հանձնելու մասին, եթե Հայաստանի Հանրապետության օրենսդրությամբ այլ կարգ սահմանված չէ:
6. ՀՀԱՀ փաստաթղթերի ավանդատվական պահպանության ընթացքում դրանք համալրվում, հաշվառվում, պահպանվում և օգտագործվում են Հայաստանի Հանրապետության օրենսդրությամբ և արխիվային գործի բնագավառում կառավարումն իրականացնող լիազորված պետական մարմնի գերատեսչական ակտերով սահմանված կարգով:
7. Կազմակերպություններում ՀՀԱՀ փաստաթղթերն օգտագործվում են առանձնացված և այդ նպատակով կահավորված ընթերցասրահում:
8. Կազմակերպություններում ՀՀԱՀ փաստաթղթերի համալրման, հաշվառման, պահպանության և օգտագործման կազմակերպման գիտամեթոդական աջակցությունն իրականացնում է «Հայաստանի ազգային արխիվ» պետական ոչ առևտրային կազմակերպությունը, որին կազմակերպությունները ներկայացնում են ՀՀԱՀ փաստաթղթերի համալրման, հաշվառման, պահպանության և օգտագործման մասին ամենամյա վարչական վիճակագրական հաշվետվություն` համաձայն ձևի:
Ձև
ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ՓԱՍՏԱԹՂԹԵՐԻ ՀԱՄԱԼՐՄԱՆ, ՀԱՇՎԱՌՄԱՆ, ՊԱՀՊԱՆՈՒԹՅԱՆ ԵՎ ՕԳՏԱԳՈՐԾՄԱՆ ՄԱՍԻՆ
__________________________________________________________________________
(պետական մարմնի, պետական հիմնարկի, կազմակերպության անվանումը և
գտնվելու վայրը)
__________________________________________________________________________
.________________________________________________________________________
|200 թ. հունվարի | այդ թվում` |
|1-ի դրությամբ |_____________________________________________________|
|առկա | գործավարական | գիտատեխնիկական | անձնակազմին |
| | | | վերաբերող |
|_________________|_________________|_________________|_________________|
|գործերի|ծայրային |գործերի|ծայրային |գործերի|ծայրային |գործերի|ծայրային |
|քանակը |տարեթվերը|քանակը |տարեթվերը|քանակը |տարեթվերը|քանակը |տարեթվերը|
|_______|_________|_______|_________|_______|_________|_______|_________|
| 1 | 2 | 3 | 4 | 5 | 6 | 7 | 8 |
|_______|_________|_______|_________|_______|_________|_______|_________|
| | | | | | | | |
| | | | | | | | |
| | | | | | | | |
| | | | | | | | |
._______________________________________.
| Օգտվողների հետ աշխատանքի կազմակերպումը|
|_______________________________________|
|օգտվողների|օգտագործման |դիմում- |
|թիվը |համար տրված |հարցումների |
| |գործերի քանակը|քանակը |
|__________|______________|_____________|
| 9 | 10 | 11 |
|__________|______________|_____________|
| | | |
| | | |
| | | |
| | | |
Արխիվի վարիչ (պատասխանատու մասնագետ) _________________ ___________________
(ստորագրությունը) (անունը, ազգանունը)
Ներկայացվում է «Հայաստանի
ազգային արխիվ» ՊՈԱԿ` մինչև
200 թ. փետրվարի 1-ը
Կատարող ___________________ ____________________
(ստորագրությունը) (անունը, ազգանունը)
Հեռ.` _______________________
_____ _____________ 200 թ.
Հավելված N 2
ՀՀ կառավարության
2005 թվականի հոկտեմբերի 20-ի
N 1896-Ն որոշման
ՑԱՆԿ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ԱՎԱՆԴԱՏՎԱԿԱՆ ՊԱՀՊԱՆՈՒԹՅՈՒՆՆ ԻՐԱԿԱՆԱՑՆՈՂ ՊԵՏԱԿԱՆ ՄԱՐՄԻՆՆԵՐԻ, ՊԵՏԱԿԱՆ ՀԻՄՆԱՐԿՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ
1. ՀՀ Նախագահի աշխատակազմ
2. ՀՀ Ազգային ժողովի աշխատակազմ
3. ՀՀ կառավարության աշխատակազմ
4. ՀՀ արտաքին գործերի նախարարություն
5. ՀՀ պաշտպանության նախարարություն
6. ՀՀ կառավարությանն առընթեր ազգային անվտանգության ծառայություն
7. ՀՀ կառավարությանն առընթեր ՀՀ ոստիկանություն
8. ՀՀ բնապահպանության նախարարության աշխատակազմի Երկրաբանական գործակալություն
9. ՀՀ կառավարությանն առընթեր միջուկային անվտանգության կարգավորման պետական կոմիտե
10. ՀՀ բնապահպանության նախարարության «Հայաստանի Հանրապետության հիդրոօդերևութաբանության և մոնիթորինգի պետական ծառայություն» պետական ոչ առևտրային կազմակերպություն
11. ՀՀ բնապահպանության նախարարության «Հանրապետական երկրաբանական ֆոնդ» պետական ոչ առևտրային կազմակերպություն
12. ՀՀ կառավարությանն առընթեր անշարժ գույքի կադաստրի պետական կոմիտե
13. ՀՀ կառավարությանն առընթեր անշարժ գույքի կադաստրի պետական կոմիտեի «Գեոդեզիայի և քարտեզագրության կենտրոն» պետական ոչ առևտրային կազմակերպություն
14. ՀՀ կառավարությանն առընթեր անշարժ գույքի կադաստրի պետական կոմիտեի «Հողաշինարարության, անշարժ գույքի գնահատման և համակարգված դիտարկումների կենտրոն» պետական ոչ առևտրային կազմակերպություն
(ցանկը փոփ. 19.01.06 թիվ 45-Ն, 08.01.09 թիվ 35-Ն որոշումներ)