031.0464.021097
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Կ Ա Ր Գ Ա Դ Ր ՈՒ Թ Յ ՈՒ Ն Ը
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ ԱՌԸՆԹԵՐ ՆԵՐՄԱՆ ՀԱՐՑԵՐԻ ՀԱՆՁՆԱԺՈՂՈՎԻ ԿԱԶՄՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 1997 թվականի օգոստոսի 14-ի «Դատապարտյալների ներման խնդրագրերը քննարկելու կարգը հաստատելու մասին» հրամանագիրը, Հայաստանի Հանրապետության Նախագահի 1992 թվականի մարտի 11-ի «Ներման հարցերի հանձնաժողով կազմելու մասին» կարգադրությամբ (հետագա փոփոխություններով և լրացումներով հանդերձ) հաստատված ներման հարցերի հանձնաժողովի կազմում կատարել հետևյալ փոփոխությունները.
1. Հանձնաժողովի անդամի պարտականություններից ազատել`
Մարատ Եգորի ԱԼԵՔՍԱՆՅԱՆԻՆ - Հայաստանի Հանրապետության
արդարադատության նախարար
Տարիել Կարապետի ԲԱՐՍԵՂՅԱՆԻՆ - Հայաստանի Հանրապետության
գերագույն դատարանի նախագահ:
2. Հանձնաժողովի կազմում ընդգրկել`
Գարեգին արքեպիսկոպոս ՆԵՐՍԻՍՅԱՆԻՆ - Արարատյան հայրապետական թեմի
առաջնորդական փոխանորդ
Ջեմմա Հակոբի ՀԱԿՈԲՅԱՆԻՆ - Հայաստանի Հանրապետության
Նախագահի աշխատակազմի ներման,
քաղաքացիության, պարգևների,
կոչումների բաժնի վարիչի
պաշտոնակատար:
3. Հայաստանի Հանրապետության Նախագահին առընթեր ներման հարցերի հանձնաժողովի պատասխանատու քարտուղար հաստատել Հայաստանի Հանրապետության Նախագահի աշխատակազմի ներման, քաղաքացիության, պարգևների, կոչումների բաժնի վարիչի պաշտոնակատար Ջեմմա Հակոբի Հակոբյանին` այդ պարտականությունների կատարումից ազատելով Գևորգ Աշոտի Մարգարյանին:
4. Կարգադրությունն ուժի մեջ է մտնում ստորագրման պահից:
2 հոկտեմբերի 1997 թ.
ՆԿ-464