ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՆԱԽԱԳԱՀՈՒԹՅԱՆ ՈՐՈՇՈՒՄԸ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՊԵՏԱԿԱՆ ՄԻՋՈՑՆԵՐԻ ՄԱՍՆԱԿՑՈՒԹՅԱՄԲ ԳՈՐԾՈՂ ԱՐՏԱԲՅՈՒՋԵՏԱՅԻՆ ՖՈՆԴԵՐԻ ՄԱՍԻՆ
Ելնելով Հայաստանի Հանրապետության Գերագույն խորհրդի 1993 թվականի հոկտեմբերի 25-ի «Հայաստանի Հանրապետության 1993 թվականի պետական բյուջեի կատարման ընթացքի և Հայաստանի Հանրապետության 1993 թվականի պետական բյուջեում փոփոխություններ և լրացումներ կատարելու մասին» որոշման 6-րդ կետի «գ» ենթակետի և Հայաստանի Հանրապետության Գերագույն խորհրդի նախագահության 1994 թվականի փետրվարի 4-ի «Հայաստանի Հանրապետությունում պետական միջոցների մասնակցությամբ գործող արտաբյուջետային ֆոնդերի վերահաստատման մասին» որոշման պահանջներից, Հայաստանի Հանրապետության Գերագույն խորհրդի նախագահությունը որոշում է.
1. Չվերահաստատել «Հայաստանի Հանրապետության գիտության և նորաստեղծության ազգային ֆոնդը», «Գիտահետազոտական աշխատանքների և փորձարարական-կոնստրուկտորական մշակումների լրացուցիչ ֆինանսավորման հատուկ նշանակության արտաբյուջետային կենտրոնացված ֆոնդը», «Հայաստանի Հանրապետության հասարակական կարգի պահպանման ֆոնդը», «Ավտոտրանսպորտային ձեռնարկությունների կողմից համապետական նշանակության ավտոճանապարհների շինարարության համար 2 տոկոս մասհանումների արտաբյուջետային հաշիվը», «Մաքսային վարչության պահուստային ֆոնդը» , «Տեղական ավտոճանապարհների շինարարության, վերակառուցման, նորոգման և պահպանման համար պետական և կոոպերատիվ ձեռնարկությունների և տնտեսական կազմակերպությունների միջոցների մասնակցությամբ արտաբյուջետային ֆոնդը» «Արտասահմանյան իրավաբանական անձանցից, քաղաքացիներից և քաղաքացիություն չունեցող անձանցից ստացվող հյուպատոսական գանձումների հավաքագրման արտաբյուջետային հաշիվը», «Հայաստանի Հանրապետության նախարարությունների և գերատեսչությունների ինվեստիցիոն և սոցիալական զարգացման կենտրոնացված ֆոնդը»:
2. Առաջարկել Հայաստանի Հանրապետության կառավարությանը`
ա) «Հայաստանի Հանրապետության գիտության և նորաստեծղության ազգային ֆոնդում», «Գիտահետազոտական աշխատանքների և փորձարարական-կոնստրուկտորական մշակումների լրացուցիչ ֆինանսավորման հատուկ նշանակության արտաբյուջետային կենտրոնացված ֆոնդերում» առկա միջոցները հաշվանցել Հայաստանի Հանրապետության հանրապետական բյուջե.
i
բ) «Ավտոտրանսպորտային ձեռնարկությունների կողմից համապետական նշանակության ավտոճանապարհների շինարարության համար 2 տոկոս մասհանումների արտաբյուջետային հաշվի», «Մաքսային վարչության պահուստային ֆոնդի», «Տեղական ավտոճանապարհների շինարարության, վերակառուցման, նորոգման և պահպանման համար պետական և կոոպերատիվ ձեռնարկությունների և տնտեսական կազմակերպությունների միջոցների մասնակցությամբ արտաբյուջետային ֆոնդի», «Արտասահմանյան իրավաբանական անձանցից, քաղաքացիներից և քաղաքացիություն չունեցող անձանցից ստացվող հյուպատոսական գանձումների հավաքագրման արտաբյուջետային հաշվի» վճարումները և մուծումները ս.թ. սեպտեմբերի 1-ից կատարել Հայաստանի Հանրապետության հանրապետական բյուջե.
գ) Հայաստանի Հանրապետության նախարարությունների և գերատեսչությունների ինվեստիցիոն և սոցիալական զարգացման կենտրոնացված ֆոնդերում առկա միջոցների հետագա օգտագործման կարգը համաձայնեցնել Հայաստանի Հանրապետության Գերագույն խորհրդի նախագահության հետ:
3. Հայաստանի Հանրապետության պատգամավորների տեղական խորհուրդների գործադիր կոմիտեներին` փակել համապատասխան գործադիր կոմիտեներին կից արտաբյուջետային ֆոնդերը (հաշիվները) և դրանցում առկա միջոցները փոխանցել տեղական բյուջե:
i
4. Վերահաստատել «Հարկային պետական տեսչության նյութական խրախուսման և սոցիալական զարգացման ֆոնդը», ինչպես նաև «Հայաստանի Հանրապետության ֆինանսների նախարարության և նրա տեղական մարմինների տնտեսական և սոցիալական զարգացման արտաբյուջետային ֆոնդը» մինչև 1994 թվականի նոյեմբերի 1-ը:
1 հուլիսի 1994 թվական: