(ուժը կորցրել է 28.02.2019 թիվ 155-Ն որոշում)
i
040.0677.010606
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«1» հունիսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 մայիսի 2006 թվականի N 677-Ն
i
ՋՐԱՅԻՆ ՀԱՄԱԿԱՐԳԵՐԻ ՕԳՏԱԳՈՐԾՄԱՆ ԵՎ ՊԱՀՊԱՆՈՒԹՅԱՆ ՏԵԽՆԻԿԱԿԱՆ ՀԱՆՁՆԱԺՈՂՈՎԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՀԱՏԿԱՑՎԱԾ ՄԻՋՈՑՆԵՐԻ ՖԻՆԱՆՍԱՎՈՐՈՒՄՆ ԱՊԱՀՈՎԵԼՈՒ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության ջրային օրենսգրքի 86-րդ հոդվածի և Հայաստանի Հանրապետության կառավարության 2003 թվականի մայիսի 8-ի «Հիդրոտեխնիկական կառուցվածքների անվտանգության հսկողության և զննման կարգը հաստատելու մասին» N 686-Ն որոշման պահանջները, ինչպես նաև ջրային համակարգերի օգտագործման և պահպանության տեխնիկական հանձնաժողովի բնականոն գործունեությունն ապահովելու նպատակով Հայաստանի Հանրապետության կառավարությունը որոշում է.
1. Հաստատել ջրային համակարգերի օգտագործման և պահպանության տեխնիկական հանձնաժողովի` Հայաստանի Հանրապետության պետական բյուջեից հատկացված միջոցների ֆինանսավորումն ապահովելու կանոնակարգը` համաձայն հավելվածի:
2. Հայաստանի Հանրապետության ֆինանսների և էկոնոմիկայի նախարարին ու Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` ջրային համակարգերի օգտագործման և պահպանության տեխնիկական հանձնաժողովի` Հայաստանի Հանրապետության պետական բյուջեից հատկացված միջոցների ֆինանսավորումն իրականացնել սույն որոշմամբ հաստատված կանոնակարգին համապատասխան:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ՄԱՅԻՍԻ 27-ԻՆ
Հավելված
ՀՀ կառավարության
2006 թվականի մայիսի 26-ի
N 677-Ն որոշման
ԿԱՆՈՆԱԿԱՐԳ ՋՐԱՅԻՆ ՀԱՄԱԿԱՐԳԵՐԻ ՕԳՏԱԳՈՐԾՄԱՆ ԵՎ ՊԱՀՊԱՆՈՒԹՅԱՆ ՏԵԽՆԻԿԱԿԱՆ ՀԱՆՁՆԱԺՈՂՈՎԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ՀԱՏԿԱՑՎԱԾ ՄԻՋՈՑՆԵՐԻ ՖԻՆԱՆՍԱՎՈՐՈՒՄՆ ԱՊԱՀՈՎԵԼՈՒ
1. Սույն կանոնակարգով սահմանվում է ջրային համակարգերի օգտագործման և պահպանության տեխնիկական հանձնաժողովի` Հայաստանի Հանրապետության պետական բյուջեից հատկացված միջոցների ֆինանսավորումն ապահովելու կանոնակարգը:
2. Հայաստանի Հանրապետության պետական բյուջեից ֆինանսավորում ստանալու նպատակով ջրային համակարգերի օգտագործման և պահպանության տեխնիկական հանձնաժողովը (այսուհետ` տեխնիկական հանձնաժողով) Հայաստանի Հանրապետության պետական բյուջեից հատկացված գումարների սահմաններում` իր որոշմամբ հաստատում է`
ա) տեխնիկական հանձնաժողովի աշխատակազմի թվի, հաստիքացուցակի և աշխատավարձերի դրույքաչափերի վերաբերյալ առաջարկությունները.
բ) նյութական պատասխանատու անձին (անձանց), որին (որոնց) պետք է տրամադրվեն տեխնիկական հանձնաժողովի պահպանման համար անհրաժեշտ ապրանքանյութական արժեքները.
գ) պաշտոնի նշանակման ու պաշտոնից ազատման, գործուղման և այլնի վերաբերյալ առաջարկությունները.
դ) կատարված ծախսերի մասին ամսական հաշվետվությունները:
3. Սույն կանոնակարգի 2-րդ կետի «ա» ենթակետում նշված առաջարկությունները ենթակա են հաստատման` Հայաստանի Հանրապետության տարածքային կառավարման նախարարության ջրային տնտեսության պետական կոմիտեի (այսուհետ` կոմիտե) նախագահի կողմից:
4. Տեխնիկական հանձնաժողովն իր որոշումները համապատասխան առաջարկությունների հետ միասին ներկայացնում է կոմիտե:
5. Կոմիտեի աշխատակազմը, ստանալով տեխնիկական հանձնաժողովի առաջարկությունները, աշխատակազմի ղեկավարի հրամանով պաշտոնի է նշանակում տեխնիկական հանձնաժողովի աշխատակազմի անդամներին` համաձայն հաստիքացուցակի, և կնքում համապատասխան աշխատանքային պայմանագրեր, որոնց հիման վրա կատարում է աշխատավարձերի, հարկային և սոցիալական ապահովագրության վճարների, ինչպես նաև գործուղումների վճարումները:
6. Տեխնիկական հանձնաժողովի գործունեության համար անհրաժեշտ գնումներն իրականացվում են «Գնումների մասին» Հայաստանի Հանրապետության օրենքով սահմանված կարգով, կոմիտեի միջոցով` կնքված համապատասխան պայմանագրերի համաձայն:
7. Տեխնիկական հանձնաժողովի համար ձեռք բերված ապրանքների ու մատուցված ծառայությունների հաշիվ-ապրանքագրերը, մատակարարների կողմից հանձնման-ընդունման ակտերն ստորագրում են կոմիտեի աշխատակազմի ղեկավարը և կոմիտեի աշխատակազմի գլխավոր ֆինանսիստը:
8. Կոմիտեն համապատասխան գումարները փոխանցելու նպատակով` ֆինանսավորման համար անհրաժեշտ փաստաթղթերը ներկայացնում է Հայաստանի Հանրապետության ֆինանսների և էկոնոմիկայի նախարարություն, որը նշված փաստաթղթերի հիման վրա իրականացնում է ֆինանսավորումը:
9. Տեխնիկական հանձնաժողովը պարտավոր է յուրաքանչյուր ամիս` մինչև հաշվետու ամսվան հաջորդող ամսվա 10-ը կոմիտե ներկայացնել հաշվետվություն ստացած գումարների, ինչպես նաև ապրանքների և մատուցված ծառայությունների մասին:
10. Տեխնիկական հանձնաժողովի պահպանման ծախսերի մասին հաշվետվությունները, ինչպես նաև հաշվապահական հաշվառումն իրականացնում է կոմիտեն` վարելով առանձնացված հաշվառում: