041.0120.260298
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 փետրվարի 1998 թվականի թիվ 120
ՍԵՎԾՈՎՅԱՆ ՏՆՏԵՍԱԿԱՆ ՀԱՄԱԳՈՐԾԱԿՑՈՒԹՅԱՆ ՄԱՍՆԱԿԻՑ ՊԵՏՈՒԹՅՈՒՆՆԵՐԻ ԿԱՊԻ ՀԱՐՑԵՐՈՎ ԱՇԽԱՏԱՆՔԱՅԻՆ ԽՄԲԻ ԵՐԵՎԱՆՈՒՄ ԿԱՅԱՆԱԼԻՔ ՀԱՆԴԻՊՄԱՆ ՄԱՍԻՆ
Սևծովյան տնտեսական համագործակցության մասնակից պետությունների կապի հարցերով աշխատանքային խմբի 1998 թվականի ապրիլի 15-16-ը Երևանում կայանալիք աշխատանքային հանդիպման կապակցությամբ`
1. Հայաստանի Հանրապետության կապի նախարարությանը և Հայաստանի Հանրապետության արտաքին գործերի նախարարությանը`
ա) նախապատրաստել հանդիպման ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի.
բ) հանդիպման ընթացքում ապահովել համաժամանակյա թարգմանություն (ռուսերեն-անգլերեն):
2. Հայաստանի Հանրապետության արտաքին գործերի նախարարությանը` ապահովել հանդիպման մասնակիցների հրավերների և Հայաստանի Հանրապետություն մուտքի արտոնագրերի ձևակերպումը:
3. Հայաստանի Հանրապետության արդյունաբերության և առևտրի նախարարությանը` հանդիպման մասնակիցներին (45 մարդ) 1998 թվականի ապրիլի 14-17-ը տեղավորել «Արմենիա» հյուրանոցային համալիրում, ապահովել նրանց սնունդը և նիստերի անցկացման համար տրամադրել համապատասխան սրահ:
4. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանում գտնվելու ընթացքում:
5. Հայաստանի Հանրապետության առողջապահության նախարարությանը` ապահովել հյուրերի բուժսպասարկումը:
i
6. Հայաստանի Հանրապետության ֆինանսների և էկոնոմիկայի նախարարությանը` հանդիպման անցկացման և մասնակիցների Հայաստանում գտնվելու հետ կապված ծախսերը (2670,0 հազ. դրամի սահմաններում) կատարել Հայաստանի Հանրապետության 1998 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին, համաձայն Հայաստանի Հանրապետության կապի նախարարության ներկայացրած նախահաշվի:
(6-րդ կետը փոփ. 19.10.98 թիվ 595 որոշում)