041.0204.220498
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
22 ապրիլի 1998 թվականի թիվ 204
ՇՎԵԴԻԱՅԻ ԹԱԳԱՎՈՐՈՒԹՅԱՆ ՏԵՍՉԱԿԱՆ ԽՄԲԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԻ ՄԱՍԻՆ
1998 թվականի ապրիլի 23-24-ը Շվեդիայի Թագավորության տեսչական խմբի Հայաստանի Հանրապետության Վիեննայի 1994 թվականի փաստաթղթի շրջանակներում կատարվելիք այցի կապակցությամբ`
1. Հայաստանի Հանրապետության պաշտպանության նախարարությանը և Հայաստանի Հանրապետության արտաքին գործերի նախարարությանը` ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության կառավարության աշխատակազմին`
ա) տեսչական խմբի անդամներին (3 մարդ) տեղավորել «Հրազդան» հյուրանոցում և ապահովել նրանց սնունդը.
բ) տեսչական խմբի անդամների սպասարկման համար տրամադրել «Վոլգա» ԳԱԶ-31 մակնիշի մեկ ավտոմեքենա:
3. Հայաստանի Հանրապետության քաղաքացիական ավիացիայի գլխավոր վարչությանը` ապահովել տեսչական խմբի ընդունումն ու ճանապարհումը պաշտոնական պատվիրակությունների սպասարկման սրահում և աջակցել ճեպազրույցի (բրիֆինգ) անցկացմանը:
4. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանի Հանրապետությունում գտնվելու ընթացքում:
i
5. Հայաստանի Հանրապետության ֆինանսների և էկոնոմիկայի նախարարությանը` Հայաստանում գտնվելու հետ կապված ծախսերը (421,7 հազ. դրամի սահմաններում) կատարել Հայաստանի Հանրապետության 1998 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի ներկայացված հաշվետվության:
(5-րդ կետը փոփ. 19.10.98 թիվ 595 որոշում)