ՀՀ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ ...

050.0298.231009

ԳՐԱՆՑՎԱԾ Է
Հայաստանի Հանրապետության
արդարադատության նախարարության կողմից
23.10.2009 թ.
պետական գրանցման թիվ 05009357

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

ՈՐՈՇՈՒՄ

14 հոկտեմբերի 2009 թվականի թիվ 298-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը, «Իրավական ակտերի մասին» Հայաստանի Հանրապետության օրենքի 16-րդ հոդվածը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի «Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ Կանոնակարգ 3) կատարել հետևյալ փոփոխություններն ու լրացումը.

1) Կանոնակարգ 3-ի 2-րդ կետի աղյուսակի 7-րդ տողը շարադրել նոր խմբագրությամբ.

2) Կանոնակարգ 3-ի Աղյուսակ 16-ի 1-ին, 2-րդ և 3-րդ տողերի 4-րդ սյուների «53-րդ կետով սահմանված պահանջների» բառերը փոխարինել «53-րդ և 53.1-րդ կետով սահմանված պահանջների» բառերով:

3) Կանոնակարգ 3-ի 10-րդ կետի առաջին, երկրորդ և երրորդ պարբերությունները շարադրել հետևյալ խմբագրությամբ.

«Թիվ 7 հաշվետվությունը բաղկացած է 3 էջից:

Առաջին էջում լրացվում են «Արտարժութային դիրքի մեծությունն օրվա վերջին» և «Արտարժույթի տնօրինման նորմատիվի սահմանաչափը» սյունակները: Առաջին աղյուսակում արտարժութային դիրքերի հաշվարկը կատարվում է ներառյալ համապատասխան արժույթների գծով ածանցյալ գործիքները, իսկ երկրորդում` առանց ածանցյալ գործիքների: Առաջին և երկրորդ աղյուսակների «Արտարժութային դիրքի մեծությունն օրվա վերջին» սյունակի համապատասխանաբար «I արտարժութային խմբի համախառն դիրք» և «II արտարժութային խմբի համախառն դիրք» ենթասյունակներում լրացվում են Կանոնակարգ 2-ով սահմանված արտարժութային համախառն դիրքերն` ըստ արտարժութային խմբերի, իսկ «Արտարժութային համախառն դիրք» ենթասյունակում լրացվում են Կանոնակարգ 2-ով սահմանած արտարժութային համախառն դիրքերը` առանց հաշվի առնելու արտարժութային խմբերը: Առաջին և երկրորդ աղյուսակների «Արտարժույթի տնօրինման նորմատիվի սահմանաչափը» սյունակում լրացվում է Կանոնակարգ 2-ով սահմանված արտարժութային համախառն դիրքի և բանկի ընդհանուր կապիտալի միջև առավելագույն հարաբերակցությունը: 7-րդ հաշվետվության 1-ին էջի 1-ին և 2-րդ աղյուսակներում ընդգրկվող հաշիվները ներկայացված են համապատասխանաբար Աղյուսակ 22-ում և Աղյուսակ 23-ում:»:

4) Կանոնակարգ 3-ի 10-րդ կետի Աղյուսակ 22-ի վերջին տողի երկրորդ սյան «Նորմատիվային ընդհանուր կապիտալի 5 տոկոսը» բառերը փոխարինել «Արտարժույթի տնօրինման նորմատիվի սահմանաչափը» բառերով:

5) Կանոնակարգ 3-ի 10-րդ կետի Աղյուսակ 22-ի վերջին տողի 4-րդ սյան «տարբերությունը բազմապատկած x 5%» բառերը փոխարինել «տարբերությունը բազմապատկած x 10%» բառերով:

6) Կանոնակարգ 3-ի 10-րդ կետի Աղյուսակ 23-ի վերջին տողի երկրորդ սյան «Նորմատիվային ընդհանուր կապիտալի 5 տոկոսը» բառերը փոխարինել «Արտարժույթի տնօրինման նորմատիվի սահմանաչափը» բառերով:

7) Կանոնակարգ 3-ի 10-րդ կետի Աղյուսակ 23-ի վերջին տողի 4-րդ սյան «տարբերությունը բազմապատկած x 5%» բառերը փոխարինել «տարբերությունը բազմապատկած x 10%» բառերով:

8) Կանոնակարգ 3-ի 10-րդ կետի չորրորդ պարբերությունը առաջին նախադասությունից հետո լրացնել նոր նախադասությամբ` հետևյալ բովանդակությամբ.

««Արտարժույթի տնօրինման նորմատիվի սահմանաչափը» տողերում լրացվում է Կանոնակարգ 2-ով սահմանված յուրաքանչյուր արտարժույթի բաց դիրքի և բանկի ընդհանուր կապիտալի միջև առավելագույն հարաբերակցությունը (բանկի ընդհանուր կապիտալ x 7%):»:

2. «Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշման Հավելված 2-ի Ձև թիվ 7 հաշվետվության վերնագիրը և 1-ին, 2-րդ, 3-րդ և 4-րդ աղյուսակները շարադրել նոր խմբագրությամբ` համաձայն Հավելվածի:

3. Սույն որոշումն ուժի մեջ է մտնում ընդունման պահից վեց ամիս հետո:

ՍՏՈՐԱԳՐՎԵԼ Է ՀՀ ԿԵՆՏՐՈՆԱԿԱՆ ԲԱՆԿԻ ՆԱԽԱԳԱՀԻ ԿՈՂՄԻՑ

2009 ԹՎԱԿԱՆԻ ՀՈԿՏԵՄԲԵՐԻ 16-ԻՆ

ՀԱՎԵԼՎԱԾ
Հաստատված է
ՀՀ կենտրոնական բանկի խորհրդի
2009 թ. հոկտեմբերի 14-ի
թիվ 298-Ն որոշմամբ

ՀԱՇՎԵՏՎՈՒԹՅՈՒՆ
Արտարժույթի տնօրինման նորմատիվի վերաբերյալ

Ձև թիվ 7
(շաբաթական)

Բանկի անվանումը _______________________

Ամսաթիվը _______________ թ.-ից մինչև ___________

Աղյուսակ 1. (Ածանցյալ գործիքներով)

Աղյուսակ 2. (Առանց ածանցյալ գործիքների)

Բանկի վարչության նախագահ

         Կ. Տ.              (գործադիր տնօրեն) __________________

                            Գլխավոր հաշվապահ  __________________

Աղյուսակ 3. (Ածանցյալ գործիքներով)

Աղյուսակ 4. (Առանց ածանցյալ գործիքների)

Աղյուսակ 5. Բանկի ակտիվների, պարտավորությունների և հետհաշվեկշռային հոդվածների կազմը ըստ արտարժույթների