(ուժը կորցրել է 21.12.10 թիվ 183-Ն հրաման)
i
121.0019.301109
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 11 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109416
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ
ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՊԵՏ
4 սեպտեմբերի 2009 թ. N 19-Ն 4 սեպտեմբերի 2009 թ. N 80-Ն
ՀԱՄԱՏԵՂ ՀՐԱՄԱՆ
i
ՊԵՏԱԿԱՆ ՍԵՓԱԿԱՆՈՒԹՅԱՆ ՊԱՀՊԱՆՄԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ /այսուհետ` Որոշում/ հաստատված N 1 հավելվածի 6-րդ կետը.
ՀՐԱՄԱՅՈՒՄ ԵՆՔ`
հաստատել Որոշմամբ հաստատված N 2 հավելվածի գնահատման հիմնական չափորոշիչներ սյունակի 13.8 և 13.11 կետերի` պետական սեփականության պահպանման բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն N 1 հավելվածի:
Հավելված N 1
ՀՀ փոխվարչապետ, տարածքային
կառավարման նախարարի
2009 թվականի սեպտեմբերի 4-ի
թիվ 19-Ն
և ՀՀ կառավարությանն առընթեր
պետական գույքի կառավարման
վարչության պետի
2009 թվականի սեպտեմբերի 4-ի
թիվ 80-Ն
համատեղ հրամանի
ՄԵԹՈԴԱԿԱՆ ՈՒՂԵՑՈՒՅՑ ՊԵՏԱԿԱՆ ՍԵՓԱԿԱՆՈՒԹՅԱՆ ՊԱՀՊԱՆՄԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Սույն մեթոդական ուղեցույցը բնութագրում է պետական գույքի կառավարման ոլորտում մարզպետների գործունեության գնահատման հիմնական չափորոշիչները:
2. ՀՀ Նախագահի 1997 թվականի մայիսի 6-ի «Հայաստանի Հանրապետության մարզերում պետական կառավարման մասին» ՆՀ-728 հրամանագրի 1.5 կետի «ժբ» ենթակետով սահմանված պետական գույքի կառավարման ոլորտում մարզպետի կողմից կատարված աշխատանքները գնահատվում է (գնահատման առավելագույն միավորը` 4)`
1) Օրենսդրությամբ իրենց վերապահված լիազորությունների շրջանակում մարզի տարածքում պետական սեփականության պահպանության և արդյունավետ օգտագործման ուղղությամբ միջոցների ձեռնարկում (գնահատման ընդհանուր առավելագույն միավորը` 2,5), այդ թվում.
ա. մարզպետարանի աշխատակազմին ամրացված պետական սեփականություն հանդիսացող գույքի համապարփակ հաշվառման իրականացում և օրենսդրությամբ սահմանված կարգով ՀՀ կառավարությանն առընթեր պետական գույքի կառավարման վարչություն ներկայացում (գնահատման առավելագույն միավորը` 0,5),
բ. մարզպետարանի աշխատակազմին ամրացված անշարժ գույքի նկատմամբ գույքային իրավունքների պետական գրանցմանն ուղղված միջոցառումների իրականացում և դրանց արդյունավետ օգտագործման վերաբերյալ առաջարկությունների ներկայացում (գնահատման առավելագույն միավորը` 0,5),
գ. մարզի վարչական տարածքում գտնվող և համայնքային սեփականություն չհանդիսացող հողամասերի նկատմամբ սեփականության իրավունքի պետական գրանցմանը, այդ թվում` հողհատկացումների իրականացմանն ուղղված միջոցառումների իրականացում (գնահատման առավելագույն միավորը` 0,5),
դ. մարզպետարանի ենթակայության առևտրային կազմակերպություններին սեփականության իրավունքով պատկանող անշարժ գույքի նկատմամբ գույքային իրավունքների պետական գրանցման աշխատանքներին աջակցում (գնահատման առավելագույն միավորը` 0,5),
ե. մարզպետարանի ենթակայության առևտրային կազմակերպություններում պետության կողմից լիազոր ներկայացուցչի լիազորությունների իրականացում (գնահատման առավելագույն միավորը` 0,5).
2) մարզային ենթակայությամբ գործող ՊՈԱԿ-ներին ամրացված և սեփականությունը հանդիսացող գույքի օգտագործման և տիրապետման օրինականության նկատմամբ վերահսկողության իրականացում (գնահատման ընդհանուր առավելագույն միավորը` 1,5), այդ թվում.
ա. մարզային ենթակայությամբ գործող ՊՈԱԿ-ներին ամրացված անշարժ գույքի նկատմամբ օգտագործման իրավունքների պետական գրանցմանն ուղղված միջոցառումների իրականացում (գնահատման առավելագույն միավորը` 0,5),
բ. մարզային ենթակայությամբ գործող ՊՈԱԿ-ներին հասանելիք տարածքների հաշվարկում` գործող նորմատիվներով (գնահատման առավելագույն միավորը` 0,5),
գ. ՊՈԱԿ-ների կողմից իրենց ամրացված անշարժ գույքի վարձակալության տրամադրման օրինականության նկատմամբ վերահսկողության իրականացում (գնահատման առավելագույն միավորը` 0,5):