(ուժը կորցրել է 15.04.15 թիվ 80-Ն հրաման)
i
121.0021.301109
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 11 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109417
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ՔԱՂԱՔԱՇԻՆՈՒԹՅԱՆ ՆԱԽԱՐԱՐ
8 սեպտեմբերի 2009 թ. N 21-Ն 8 սեպտեմբերի 2009 թ. N 156-Ն
ՀԱՄԱՏԵՂ ՀՐԱՄԱՆ
i
ՔԱՂԱՔԱՇԻՆՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ /այսուհետ` Որոշում/ հաստատված N 1 հավելվածի 6-րդ կետը.
ՀՐԱՄԱՅՈՒՄ ԵՆՔ`
հաստատել Որոշմամբ հաստատված N 2 հավելվածի գնահատման հիմնական չափորոշիչներ սյունակի 2-րդ կետի` քաղաքաշինության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն N 1 հավելվածի:
Հավելված N 1
ՀՀ փոխվարչապետ, տարածքային
կառավարման նախարարի
2009 թվականի սեպտեմբերի 8-ի
թիվ 21-Ն
և ՀՀ քաղաքաշինության նախարարի
2009 թվականի սեպտեմբերի 8-ի
թիվ 156-Ն
համատեղ հրամանի
ՄԵԹՈԴԱԿԱՆ ՈՒՂԵՑՈՒՅՑ
i
1. Սույնով սահմանվում է Հայաստանի Հանրապետության մարզպետների կողմից քաղաքաշինության բնագավառում կատարված աշխատանքների գնահատման չափորոշիչների մեթոդական ուղեցույցը:
2. Մեթոդական ուղեցույցը մշակվել է` հաշվի առնելով Հայաստանի Հանրապետության մարզպետներին քաղաքաշինության բնագավառում Հայաստանի Հանրապետության օրենսդրությամբ վերապահված լիազորությունների շրջանակը:
3. Քաղաքաշինության բնագավառում Հայաստանի Հանրապետության մարզպետների կողմից կատարված աշխատանքները դասակարգվում են ըստ հետևյալ բաղադրիչների` համաձայն աղյուսակ 1-ի:
Աղյուսակ 1
.___________________________________________________________________.
|N| Ենթաչափորոշիչ | | Բաղադրիչ |Առավե- |
| | | | |լագույն|
| | | | |գնահա- |
| | | | |տական |
|_|_______________________|__|______________________________|_______|
|1|Հայաստանի |1)|Հայաստանի Հանրապետության | 1,2 |
| |Հանրապետության | |օրենսդրությամբ սահմանված | |
| |օրենքների, | |դեպքերում և կարգով | |
| |Հանրապետության Նախագահի| |կառուցապատման գործառույթները | |
| |հրամանագրերի, | |(հողահատկացում, | |
| |կարգադրությունների, | |ճարտարապետահատակագծային | |
| |կառավարության և | |առաջադրանքի տրամադրում, | |
| |վարչապետի որոշումների | |ճարտարապետահատակագծային | |
| |և այլ նորմատիվ | |նախագծերի փաստաթղթերի | |
| |իրավական ակտերի | |համաձայնեցում) նախարարության | |
| |կատարման ապահովում, | |հետ համաձայնեցման | |
| |ինչպես նաև | |աշխատանքների իրականացում | |
| |օրենսդրության |__|______________________________|_______|
| |կատարելագործման |2)|Համայնքների ղեկավարների | 0,8 |
| |վերաբերյալ | |քաղաքաշինական գործունեության | |
| |առաջարկությունների | |նկատմամբ վերահսկողության | |
| |մշակում | |իրականացում | |
|_|_______________________|__|______________________________|_______|
|2|Հանրապետական գործադիր |1)|Համայնքի ղեկավարի կողմից | 0,2 |
| |մարմինների հետ | |կազմվող նախագծման առաջադրանքի | |
| |համագործակցության | |և վերջինիս հիման վրա մշակվող | |
| |ապահովում և դրանց | |համայնքների գլխավոր | |
| |քննարկմանը վերջիններիս | |հատակագծերի և գոտևորման | |
| |իրավասությանը վերաբերող| |նախագծերի համաձայնեցման | |
| |մարզին առնչվող հարցերի | |աշխատանքների իրականացում | |
| |ներկայացում |__|______________________________|_______|
| | |2)|Հողերի օգտագործման ժամանակավոր| 0,1 |
| | | |սխեմաների կազմման աշխատանքների| |
| | | |իրականացում | |
| | |__|______________________________|_______|
| | |3)|Համայնքների ղեկավարների կողմից| 0,2 |
| | | |հուղարկավորությունների | |
| | | |կազմակերպման և գերեզմանատների| |
| | | |շահագործման ոլորտում | |
| | | |աշխատանքների վերահսկողության | |
| | | |իրականացում | |
| | |__|______________________________|_______|
| | |4)|Միջնաժամկետ ծախսային ծրագրի և | 0,4 |
| | | |բյուջետային հայտերի կազմման և | |
| | | |ներկայացման աշխատանքների | |
| | | |իրականացում | |
| | |__|______________________________|_______|
| | |5)|Քաղաքաշինական գործունեությունը| 0,1 |
| | | |կանոնակարգող իրավական ակտերի | |
| | | |նախագծերի համաձայնեցում | |
|3|Պետական միջոցների | | | 2 |
| |հաշվին իրականացվող | | | |
| |ծրագրերի շրջանակներում | | | |
| |աշխատանքների | | | |
| |իրականացում | | | |
.___________________________________________________________________.
4. Յուրաքանչյուր աշխատանքի գնահատականը տրվում է աղյուսակ 2-ին համապատասխան:
Աղյուսակ 2
.______________________________________________________________.
| Կատարման որակ / |Կատարված |Կատարված է|Կատար- |Կատար-|
| / Կատարման ժամկետ |է առանց |ոչ էական |ված է |ված է |
| |թերու- |թերու- | |առանց |
| |թյունների |թյուններով| |թերու-|
| | | | |թյուն-|
| | | | |ների |
|_________________________|__________|__________|_______|______|
|Սահմանված ժամկետին | 100 | 85 | 70 | 0 |
|Սահմանված ժամկետի ոչ | 90 | 75 | 60 | 0 |
|էական բացթողումներով | | | | |
|Սահմանված ժամկետի էական | 70 | 60 | 50 | 0 |
|բացթողումներով | | | | |
.______________________________________________________________.
5. Մարզպետի աշխատանքի գնահատականը հաշվարկվում է ըստ հետևյալ բանաձևի`
Y * Z
X= ----- 100
որտեղ` X-ը մարզպետի կողմից կատարված յուրաքանչյուր բաղադրիչի գնահատականն է,
Y- ը` սույն մեթոդական ուղեցույցի 3-րդ կետով նշված համապատասխան բաղադրիչի առավելագույն գնահատականն է,
Z-ը` սույն մեթոդական ուղեցույցի 4-րդ կետով նշված աղյուսակ 2-ին համապատասխան` յուրաքանչյուր բաղադրիչին համապատասխան կատարված աշխատանքի գնահատականն է,
*-ը` բազմապատկման նշան:
Սույն կետով գնահատելիս յուրաքանչյուր բաղադրիչ գնահատվում է տվյալ տարվա ընթացքում տվյալ բաղադրիչի շրջանակներում կատարված աշխատանքների միջինով:
6. Եթե տարվա ընթացքում մարզպետի կողմից օբյեկտիվ պատճառներով սույն մեթոդական ուղեցույցի 3-րդ կետով նշված աղյուսակի որևէ բաղադրիչ ընդհանրապես չի կատարվել, ապա այդ ժամանակ մարզպետի աշխատանքը գնահատելիս սույն մեթոդական ուղեցույցի 3-րդ կետով նշված աղյուսակի յուրաքանչյուր կատարված բաղադրիչի առավելագույն գնահատականը որոշվում է հետևյալ բանաձևով`
A
A + ( ----- * K ) = C
5-K
որտեղ` A-ն սույն մեթոդական ուղեցույցի 3-րդ կետով նշված բաղադրիչի առավելագույն գնահատականն է,
K-ն` սույն մեթոդական ուղեցույցի 3-րդ կետով նշված չգնահատվող բաղադրիչների առավելագույն գնահատականների հանրագումարն է,
C-ն` սույն մեթոդական ուղեցույցի 3-րդ կետով նշված համապատասխան գնահատվելիք բաղադրիչի նոր առավելագույն գնահատականն է:
7. Մարզպետի կողմից քաղաքաշինության բնագավառում կատարված աշխատանքների ընդհանուր գնահատականը որոշվում է սույն մեթոդական ուղեցույցի 3-րդ կետով նշված աղյուսակի բոլոր բաղադրիչները սույն մեթոդական ուղեցույցի 5-րդ և (կամ) 6 կետերով նշված բանաձևերի հաշվարկման արդյունքում ստացված գնահատականների հանրագումարով:
(ուղեցույցը խմբ. 22.12.10 թիվ 140-Ն հրաման)