(ուժը կորցրել է 08.07.15 թիվ 695-Ն և 14.08.15 թիվ 568-Ն հրամաններ)
i
121.0022.301109
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 11 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109414
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ՖԻՆԱՆՍՆԵՐԻ ՆԱԽԱՐԱՐ
8 սեպտեմբերի 2009 թ. N 22-Ն 8 սեպտեմբերի 2009 թ. N 829-Ն
ՀԱՄԱՏԵՂ ՀՐԱՄԱՆ
i
ՖԻՆԱՆՍՆԵՐԻ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ /այսուհետ` Որոշում/ հաստատված N 1 հավելվածի 6-րդ կետը.
ՀՐԱՄԱՅՈՒՄ ԵՆՔ`
հաստատել Որոշմամբ հաստատված N 2 հավելվածի գնահատման հիմնական չափորոշիչներ սյունակի 1-ին կետի` ֆինանսների բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն N 1 հավելվածի:
Հավելված N 1
ՀՀ փոխվարչապետ, տարածքային
կառավարման նախարարի
2009 թվականի սեպտեմբերի 8-ի
թիվ 22-Ն
և ՀՀ ֆինանսների նախարարի
2009 թվականի սեպտեմբերի 8-ի
թիվ 829-Ն
համատեղ հրամանի
i
ՄԵԹՈԴԱԿԱՆ ՈՒՂԵՑՈՒՅՑ ՖԻՆԱՆՍՆԵՐԻ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉԻ ԵՆԹԱՉԱՓՈՐՈՇԻՉՆԵՐԻ
1. Սույն մեթոդական ուղեցույցը մշակված է Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» N 562-Ն որոշման (այսուհետ` Որոշում) 2-րդ կետի համաձայն:
2. Մեթոդական ուղեցույցի հիմքում դրված է Որոշման 1-ին կետով հաստատված Հայաստանի Հանրապետության մարզպետների կողմից կատարված աշխատանքների գնահատման կարգի (այսուհետ` Կարգ) դրույթները, Հայաստանի Հանրապետության կառավարության 2010 թվականի դեկտեմբերի 16-ի «Հայաստանի Հանրապետության կառավարության 2009 թվականի մայիսի 21-ի N 562-Ն որոշման մեջ լրացում և փոփոխություններ կատարելու մասին» N 1653-Ն որոշմամբ հաստատված Հայաստանի Հանրապետության մարզպետների կողմից կատարված աշխատանքների գնահատման չափորոշիչները և ենթաչափորոշիչները, ինչպես նաև դրանց հիման վրա ձևավորվող գնահատականների միավորները և սահմանում է «Ֆինանսների բնագավառում մարզպետի կողմից կատարված աշխատանքների լիարժեքություն» գնահատման հիմնական չափորոշիչի ենթաչափորոշիչների գծով Հայաստանի Հանրապետության ֆինանսների նախարարության և Հայաստանի Հանրապետության տարածքային կառավարման նախարարության կողմից գնահատման մեթոդաբանությունը:
3. Չափորոշիչի ընդհանուր առավելագույն գնահատականը 6 միավոր է, որն իրենից ներկայացնում է առանձին ենթաչափորոշիչների գնահատականների հանրագումար:
4. Ֆինանսների բնագավառում Հայաստանի Հանրապետության օրենսդրությամբ մարզպետներին վերապահված լիազորությունների շրջանակներում իրականացվող աշխատանքները, որոնք Հայաստանի Հանրապետության ֆինանսների նախարարության կողմից ենթակա են գնահատման, բաժանված են ենթաչափորոշիչների, որոնցով յուրաքանչյուրի գնահատման առավելագույն միավորը սահմանվում է համաձայն Որոշման N 2 հավելվածով հաստատված չափորոշիչների և ենթաչափորոշիչների (ներառյալ իրենց ցուցիչների) հիման վրա կազմված հավելվածի աղյուսակի (այսուհետ` Աղյուսակ N 1):
5. Աղյուսակ 1-ում ներառված ենթաչափորոշիչներով (ցուցիչներով), բացառությամբ 3-րդ կետի 4-րդ ենթակետով նախատեսված ցուցիչի, աշխատանքների կատարողականի գնահատումն իրականացվում է հիմք ընդունելով աշխատանքների կատարման`
1) ժամկետը,
2) կազմը (ներկայացման ծավալի լրիվությունը),
3) որակը (համապատասխանությունը սահմանված ձևին և պահանջին /կարգին/):
Նշված 1), 2), 3) գործոններով գնահատման համար կիրառվում են հետևյալ ցուցիչները`
1) ըստ ժամկետների`
ա. կատարված է սահմանված ժամկետում` 1,0,
բ. կատարված է սահմանված ժամկետի ոչ էական բացթողումով` 0,7,
գ. կատարված է սահմանված ժամկետի էական բացթողումով` 0,
2) ըստ ծավալի`
ա. կատարված է լրիվ ծավալով` 1,0,
բ. կատարված է լրիվ ծավալի ոչ էական բացթողումով` 0,7,
գ. կատարված է լրիվ ծավալի էական բացթողումով` 0,
3) ըստ որակի`
ա. կատարված է սահմանված ձևին և պահանջին /կարգին/ համապատասխան` 1,0,
բ. կատարված է սահմանված ձևի և պահանջի /կարգի/ ոչ էական բացթողումով` 0,7,
գ. կատարված է սահմանված ձևի և պահանջի /կարգի/ էական բացթողումով` 0:
Բերված ցուցիչներով ստացված գնահատականների միջին թվաբանականը դիտարկվում է տվյալ ենթաչափորոշիչի կատարողական գնահատականի ինդեքս: Նշված ինդեքսի և այդ ենթաչափորոշիչի (ցուցիչների)` Աղյուսակ 1-ում բերված առավելագույն գնահատականի արտադրյալը հանդիսանում է ենթաչափորոշիչի (ցուցիչի) գծով կատարողականի գնահատականը:
6. Աղյուսակ 1-ի 3-րդ կետի 4-րդ ենթակետով նախատեսված ցուցիչով նշված աշխատանքների կատարողականի գնահատումն իրականացվում է` հիմք ընդունելով ներկայացված ելակետային տվյալների`
1) լրիվությունը,
2) աղյուսակների` լրացման կարգին համապատասխանությունը:
Առաջին ցուցիչը հաշվարկվում է որպես Հայաստանի Հանրապետության ֆինանսների նախարարություն փաստացի ներկայացված աղյուսակների ընդհանուր թվի և մարզի բոլոր համայնքների գծով Հայաստանի Հանրապետության ֆինանսների նախարարի հրամանով սահմանված կարգին համապատասխան ներկայացման ենթակա աղյուսակների ընդհանուր թվի հարաբերություն: Համայնքի կողմից որոշակի ելակետային տվյալներ պարունակող աղյուսակներ չներկայացնելու մասին տեղեկությունների տրամադրումը նշված ցուցիչի գնահատման ժամանակ դիտարկվում է որպես համապատասխան աղյուսակների փաստացի ներկայացում և դրանց ընդհանուր թիվը գումարվում է մարզի գծով փաստացի ստացված աղյուսակների թվին:
Երկրորդ ցուցիչի գնահատման միավորը ստանալու համար անհրաժեշտ է 1 թվից հանել մարզի բոլոր համայնքների կտրվածքով սխալ լրացված ելակետային տվյալների և ներկայացված աղյուսակներում ներառված ելակետային տվյալների ընդհանուր թվի հարաբերությունը (թվերը ստացվում են համակարգչային ծրագրից): Ընդ որում, մեկ տողի կամ մեկ սյունակի շեղման դեպքում սխալը հավասարեցվում է սխալ լրացված մեկ ելակետային տվյալի և հաշվարկների մեջ ներառվում է 0.5 գործակցով:
Եթե մարզի գծով ելակետային տվյալներ չեն ներկայացվել, ապա համապատասխան մարզպետի աշխատանքը սույն ենթաչափորոշիչի մասով Հայաստանի Հանրապետության ֆինանսների նախարարության կողմից չի գնահատվում:
Նշված 1) և 2) ցուցիչներով ստացված միավորների միջին թվաբանականը դիտարկվում է տվյալ ենթաչափորոշիչի կատարողական գնահատականի ինդեքս: Նշված ինդեքսի և աղյուսակ 1-ի 3-րդ կետի 4-րդ ենթակետի առավելագույն գնահատականի արտադրյալը հանդիսանում է այս ենթաչափորոշիչի գծով կատարողականի գնահատական:
7. Սույն մեթոդաբանությամբ որոշված ենթաչափորոշիչների ինդեքսները լրացվում են Աղյուսակի «Կատարողականի ինդեքսը» 3-րդ սյունակի համապատասխան տողում, իսկ «Կատարողականի գնահատականի միավորը» 4-րդ սյունակի ցուցանիշը հաշվարկվում է որպես 2-րդ և 3-րդ սյունակների արտադրյալ:
Աղյուսակ N 1
ԵՆԹԱՉԱՓՈՐՈՇԻՉՆԵՐ ՖԻՆԱՆՍՆԵՐԻ ԲՆԱԳԱՎԱՌՈՒՄ ՄԱՐԶՊԵՏԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԼԻԱՐԺԵՔՈՒԹՅԱՆ ՉԱՓՈՐՈՇԻՉԻ ԳՆԱՀԱՏՄԱՆ
.___________________________________________________________________.
| Գնահատման ենթաչափորոշիչներ |Գնահատականի |Կատարո-|Կատարո-|
| |առավելագույն|ղականի |ղականի |
| |միավորը |ինդեքսը|գնահա- |
| | | |տականի |
| | | |միավորը|
|______________________________________|____________|_______|_______|
| 1 | 2 | 3 | 4 |
|______________________________________|____________|_______|_______|
|1. Հայաստանի Հանրապետության օրենքների,| 1.0 | | |
|Հայաստանի Հանրապետության Նախագահի | | | |
|հրամանագրերի, կարգադրությունների, | | | |
|Հայաստանի Հանրապետության կառավարության| | | |
|և Հայաստանի Հանրապետության վարչապետի | | | |
|որոշումների և այլ նորմատիվ իրավական | | | |
|ակտերի կատարման ապահովում, ինչպես նաև | | | |
|Հայաստանի Հանրապետության օրենսդրության| | | |
|կատարելագործման վերաբերյալ | | | |
|առաջարկություններ ներկայացնելը` | | | |
|ընդամենը | | | |
|այդ թվում | | | |
|______________________________________|____________|_______|_______|
|1) Հայաստանի Հանրապետության օրենքների,| 0.5 | | |
|Հանրապետության Նախագահի հրամանագրերի, | | | |
|կարգադրությունների, կառավարության և | | | |
|վարչապետի որոշումների և այլ նորմատիվ | | | |
|իրավական ակտերի կատարման ապահովում | | | |
|______________________________________|____________|_______|_______|
|2) օրենսդրության կատարելագործման | 0.5 | | |
|վերաբերյալ առաջարկությունների | | | |
|ներկայացում | | | |
|______________________________________|____________|_______|_______|
|2. Հաշվետու տարվա պետական բյուջեի | | | |
|կատարումն ապահովող միջոցառումների | | | |
|մասին Հայաստանի Հանրապետության | | | |
|կառավարության որոշմամբ նախատեսված | | | |
|աշխատանքների կատարման գործընթացի | 0.5 | | |
|շրջանակներում Հայաստանի Հանրապետության| | | |
|օրենսդրությամբ սահմանված կարգով և | | | |
|ժամկետներում հաշվետու տարվա հունվարի | | | |
|1-ի դրությամբ և ուսումնական տարվա | | | |
|սկզբում դասարանների փաստացի | | | |
|կոմպլեկտավորման արդյունքում | | | |
|հանրակրթական դպրոցների աշակերտների թվի| | | |
|մասին տվյալները` տարբերակված ըստ | | | |
|հարթավայրային, լեռնային, բարձր | | | |
|լեռնային բնակավայրերում գտնվող | | | |
|դպրոցների, միևնույն բնակավայրում | | | |
|միակ, մինչև 400 աշակերտ ունեցող | | | |
|դպրոցների, ավագ դպրոցների, ինչպես նաև | | | |
|ներառական կրթության, հատուկ | | | |
|հանրակրթական ուսումնական | | | |
|հաստատությունների և նախնական | | | |
|մասնագիտական (արհեստագործական) | | | |
|ուսումնական հաստատությունների հաշվետու| | | |
|տարվա ճշտված ծախսերի անհատական և | | | |
|ամփոփ նախահաշիվները` ցանցային | | | |
|ցուցանիշներով Հայաստանի Հանրապետության| | | |
|ֆինանսների նախարարություն ներկայացում | | | |
|______________________________________|____________|_______|_______|
|3. Առաջիկա տարվա բյուջետային | 2.5 | | |
|գործընթացի շրջանակներում Հայաստանի | | | |
|Հանրապետության վարչապետի որոշմամբ | | | |
|հաստատված ժամանակացույցով` | | | |
|մարզպետարանի կողմից իրականացվելիք | | | |
|աշխատանքների կատարման գործընթացի | | | |
|կազմակերպում` ընդամենը | | | |
|այդ թվում | | | |
|______________________________________|____________|_______|_______|
|1) Հայաստանի Հանրապետության ֆինանսների| 1.0 | | |
|նախարարության տրամադրած մեթոդական | | | |
|ցուցումների համաձայն մարզպետարանի | | | |
|բյուջետային հայտի (ներառյալ ծրագրային | | | |
|բյուջետավորման ձևաչափով) կազմում, | | | |
|Հայաստանի Հանրապետության տարածքային | | | |
|կառավարման նախարարության հետ | | | |
|համաձայնեցում և Հայաստանի | | | |
|Հանրապետության ֆինանսների | | | |
|նախարարություն ներկայացում: | | | |
|______________________________________|____________|_______|_______|
|2) Հայաստանի Հանրապետության պետական | 0.5 | | |
|բյուջեից սուբվենցիա տրամադրելու մասին | | | |
|մարզի տարածքում տեղաբաշխված | | | |
|համայնքներից հայտերի ստացում և դրանք | | | |
|Հայաստանի Հանրապետության ֆինանսների | | | |
|նախարարություն ներկայացում | | | |
|______________________________________|____________|_______|_______|
|3) Հայաստանի Հանրապետության | | | |
|օրենսդրությամբ սահմանված կարգով և | 0.5 | | |
|ժամկետում առաջիկա տարվա գնումների | | | |
|անվանացանկի կազմման գործընթացի | | | |
|իրականացման ապահովում | | | |
|______________________________________|____________|_______|_______|
|4) «Համայնքի բյուջեի եկամուտները | | | |
|նվազեցնող` Հայաստանի Հանրապետության | | | |
|օրենքների կիրարկման արդյունքում | | | |
|համայնքի բյուջեի եկամուտների | | | |
|կորուստները պետության կողմից | | | |
|փոխհատուցելու կարգի մասին» Հայաստանի | | | |
|Հանրապետության օրենքով սահմանված | 0.5 | | |
|կարգով տեղական ինքնակառավարման | | | |
|մարմինների կողմից հաշվառվող | | | |
|համապատասխան ելակետային տվյալների | | | |
|հավաքում, ուսումնասիրում և Հայաստանի | | | |
|Հանրապետության տարածքային կառավարման | | | |
|նախարարության միջոցով Հայաստանի | | | |
|Հանրապետության ֆինանսների | | | |
|նախարարություն ներկայացում | | | |
|______________________________________|____________|_______|_______|
|4. Մարզպետարանի աշխատակազմում և | 1.0 | | |
|ենթակա պետական ոչ առևտրային | | | |
|կազմակերպություններում Հայաստանի | | | |
|Հանրապետության օրենսդրությամբ | | | |
|սահմանված պահանջներին համապատասխանող | | | |
|գնումների համակարգի առկայություն` | | | |
|ընդամենը | | | |
|այդ թվում | | | |
|______________________________________|____________|_______|_______|
|1) Գնման գործընթացների` գնումների | 0.5 | | |
|մասին Հայաստանի Հանրապետության | | | |
|օրենսդրության պահանջներին համապատասխան| | | |
|կազմակերպում | | | |
|______________________________________|____________|_______|_______|
|2) Պետական ոչ առևտրային | | | |
|կազմակերպությունների կարիքների համար | 0.5 | | |
|կազմակերպված գնման գործընթացների | | | |
|շրջանակներում ներկայացված բողոքների` | | | |
|գնումների մասին Հայաստանի | | | |
|Հանրապետության օրենսդրությամբ | | | |
|սահմանված կարգով քննում և որոշումների| | | |
|կայացում | | | |
|______________________________________|____________|_______|_______|
|5. Մարզպետարանի աշխատակազմում և | | | |
|ենթակա պետական ոչ առևտրային | | | |
|կազմակերպություններում Հայաստանի | 1.0 | | |
|Հանրապետության օրենսդրությամբ | | | |
|սահմանված պահանջներին համապատասխանող | | | |
|ներքին աուդիտի համակարգի առկայություն`| | | |
|ընդամենը | | | |
|այդ թվում | | | |
|______________________________________|____________|_______|_______|
|1) Մարզպետարանի աշխատակազմում | 0.5 | | |
|Հայաստանի Հանրապետության | | | |
|օրենսդրությամբ սահմանված պահանջներին | | | |
|համապատասխանող ներքին աուդիտի | | | |
|համակարգի առկայություն | | | |
|______________________________________|____________|_______|_______|
|2) Մարզպետարանի աշխատակազմում և | 0.5 | | |
|ենթակա պետական ոչ առևտրային | | | |
|կազմակերպություններում ներքին աուդիտի`| | | |
|Հայաստանի Հանրապետության | | | |
|օրենսդրությանը համապատասխան | | | |
|իրականացում | | | |
|______________________________________|____________|_______|_______|
|«Ֆինանսների բնագավառում մարզպետի | 6.0 | | |
|կողմից կատարված աշխատանքների | | | |
|լիարժեքություն» չափորոշիչի գնահատականը| | | |
|ԸՆԴԱՄԵՆԸ | | | |
.___________________________________________________________________.
(մեթոդական ուղեցույցը խմբ. 27.12.10 թիվ 871-Ն հրաման)