(ուժը կորցրել է 14.04.15 թիվ 77-Ն հրաման)
i
121.0027.301109
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 11 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109420
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ԲՆԱՊԱՀՊԱՆՈՒԹՅԱՆ ՆԱԽԱՐԱՐ
12 սեպտեմբերի 2009 թ. N 27-Ն 12 սեպտեմբերի 2009 թ. N 226-Ն
ՀԱՄԱՏԵՂ ՀՐԱՄԱՆ
i
ԲՆՈՒԹՅԱՆ ԵՎ ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» N 562-Ն որոշմամբ (այսուհետ` Որոշում) հաստատված N 1 հավելվածի 6-րդ կետի համաձայն
հրամայում ենք`
հաստատել Որոշմամբ հաստատված N 2 հավելվածի գնահատման հիմնական չափորոշիչների սյունակի 10-րդ կետի` բնության և շրջակա միջավայրի պահպանության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:
(հրամանը խմբ. 29.12.10 թիվ 356-Ն հրաման)
Հավելված
ՀՀ տարածքային կառավարման
նախարարի
2009 թվականի սեպտեմբերի 12-ի
N 27-Ն և
ՀՀ բնապահպանության նախարարի
2009 թվականի սեպտեմբերի 12-ի
N 226-Ն համատեղ հրամանի
ՄԵԹՈԴԱԿԱՆ ՈՒՂԵՑՈՒՅՑ ԲՆՈՒԹՅԱՆ ԵՎ ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Հայաստանի Հանրապետության մարզպետների (այսուհետ` մարզպետներ) կողմից բնության և շրջակա միջավայրի պահպանության բնագավառում (այսուհետ` բնապահպանության բնագավառ) կատարված աշխատանքների գնահատման մեթոդական ուղեցույցը (այսուհետ` մեթոդական ուղեցույց) մշակվել է` հիմք ընդունելով Հայաստանի Հանրապետության կառավարության 2009 թվականի մայիսի 21-ի N 562-Ն որոշման պահանջները:
2. Սույն մեթոդական ուղեցույցով սահմանվում են` մարզպետների կողմից բնապահպանության բնագավառում կատարված աշխատանքների ըստ ոլորտների գնահատման չափորոշիչները (այսուհետ` բնապահպանական չափորոշիչներ) ու գնահատման միավորները, մարզպետների կողմից կատարված աշխատանքների գնահատման գործընթացը և այդ գործընթացում ներգրավված պետական կառավարման մարմինների փոխհարաբերությունները:
3. Մեթոդական ուղեցույցի 9-րդ կետի աղյուսակում ամրագրված մարզպետների կողմից բնապահպանության բնագավառում կատարված աշխատանքների գնահատման բնապահպանական չափորոշիչներն ու գնահատման միավորները սահմանված են շրջակա միջավայրի աղտոտումը և բնական ռեսուրսների գերշահագործումը կանխարգելելու կամ նվազագույնի հասցնելու նպատակով:
4. Հաշվետու տարվա ընթացքում բնապահպանության բնագավառում կատարման ենթակա աշխատանքների համար մարզպետարանների կողմից կազմվում են տարեկան աշխատանքային ծրագրեր (այսուհետ` տարեկան աշխատանքային ծրագրեր):
Տարեկան աշխատանքային ծրագրերը հաստատում են մարզպետները` դրանք նախապես համաձայնեցնելով Հայաստանի Հանրապետության բնապահպանության նախարարության հետ: Մարզպետների կողմից հաստատված տարեկան աշխատանքային ծրագրերը Հայաստանի Հանրապետության բնապահպանության նախարարություն են ներկայացվում մինչև հաշվետու տարվա հունվարի 15-ը:
5. Մարզպետների կողմից կատարված աշխատանքների գնահատումն իրականացնում է Հայաստանի Հանրապետության բնապահպանության նախարարությունը, բնապահպանության բնագավառում կատարված աշխատանքների վերաբերյալ մարզպետների կողմից ներկայացված կիսամյակային ու տարեկան հաշվետվությունների և տարեկան աշխատանքային ծրագրերի, բնապահպանական պետական տեսչության կողմից իրականացված ստուգումների արդյունքում ստացված տեղեկատվության հիման վրա ու դրանց համադրմամբ` սույն մեթոդական ուղեցույցում ամրագրված ընթացակարգով և հիմքերով:
6. Բնապահպանության բնագավառում կատարված աշխատանքների վերաբերյալ մարզպետների կողմից ներկայացված կիսամյակային և տարեկան հաշվետվությունները, սույն մեթոդական ուղեցույցի 9-րդ կետով սահմանված բնապահպանական չափորոշիչների համաձայն ներառում են`
1) կատարված աշխատանքների բնութագրերը.
2) կատարված աշխատանքների ժամկետները.
3) նախատեսվող աշխատանքներն ավելի լավ կատարելու համար ձեռնարկված լրացուցիչ միջոցառումների բնութագրերը.
4) կատարման ենթակա, սակայն թերի կատարված կամ չկատարված աշխատանքների բնութագրերը և դրանց պատճառները.
5) կատարված աշխատանքների գնահատման համար նշանակություն ունեցող այլ ելակետային տվյալներ` մարզպետների հայեցողությամբ:
7. Մարզպետը`
1) կատարված աշխատանքների վերաբերյալ կիսամյակային հաշվետվությունները Հայաստանի Հանրապետության բնապահպանության նախարարություն է ներկայացնում մինչև հաշվետու կիսամյակին հաջորդող ամսվա 15-ը, իսկ տարեկան հաշվետվությունները` մինչև հաշվետու տարվան հաջորդող տարվա հունվարի 15-ը:
8. Կատարված աշխատանքների վերաբերյալ կիսամյակային և տարեկան հաշվետվությունները և սույն մեթոդական ուղեցույցի 4-րդ կետով սահմանված տվյալ տարվա աշխատանքային ծրագրերը Հայաստանի Հանրապետության բնապահպանության նախարարություն են ներկայացվում պաշտոնապես` մեկ օրինակից, թղթային և էլեկտրոնային կրիչով:
9. Բնապահպանության բնագավառում մարզպետների կողմից կատարված աշխատանքների (լիարժեքության առավելագույն 5 միավորի շրջանակներում), ըստ ոլորտների գնահատման բնապահպանական չափորոշիչներն են.
.______________________________________________________________________.
|Հ/հ|Բնապահպանական չափորոշիչները |Գնա- |Գնահա-|Գնահատող|
| | |հատման |տականը|մարմինը |
| | |առավե- | |(մարմին-|
| | |լագույն| |ները) |
| | |միավորը| | |
|___|__________________________________________|_______|______|________|
| 1 | 2 | 3 | 4 | 5 |
|___|__________________________________________|_______|______|________|
| |Բնության և շրջակա միջավայրի պահպանության | 5 | |ՀՀ ԲՆ |
| |բնագավառում մարզպետի կողմից կատարված | | |ՀՀ ՏԿՆ |
| |աշխատանքների լիարժեքություն | | | |
|___|__________________________________________|_______|______|________|
|1. |ՀՀ օրենսդրության պահանջների կատարման | 1.2 | | |
| |ապահովում, ինչպես նաև օրենսդրության | | | |
| |կատարելագործման վերաբերյալ | | | |
| |առաջարկությունների ներկայացում, այդ թվում`| | | |
|___|__________________________________________|_______|______|________|
| |1.1. «Ընկերությունների կողմից վճարվող | 0,4 | | |
| |բնապահպանական վճարների նպատակային | | | |
| |օգտագործման մասին» ՀՀ օրենքի շրջանակներում| | | |
| |ֆինանսավորում ստանալու հնարավորություն | | | |
| |ունեցող համայնքների բնապահպանական ծրագրերի| | | |
| |ֆինանսավորման գծով բյուջետային հայտերի | | | |
| |ներկայացման և դրանց իրականացման համար | | | |
| |նախատեսված սուբվենցիաների օգտագործման | | | |
| |ապահովում | | | |
|___|__________________________________________|_______|______|________|
| |1.2. «Շրջակա միջավայրի վրա ազդեցության | 0,4 | | |
| |փորձաքննության մասին» ՀՀ օրենքի համաձայն, | | | |
| |համայնքների վարչական սահմաններից դուրս | | | |
| |մարզի վարչական սահմանում նախատեսվող | | | |
| |գործունեության փաստաթղթերի | | | |
| |ուսումնասիրության, հասարակական լսումների | | | |
| |կազմակերպման, իրականացման և հասարակական | | | |
| |լսումների արդյունքները սահմանված | | | |
| |ժամկետներում բնապահպանության | | | |
| |նախարարությանը տրամադրման ապահովում | | | |
|___|__________________________________________|_______|______|________|
| |1.3. Բնապահպանական մարզային ծրագրերում | 0,4 | | |
| |ներառված միջոցառումների կատարման նկատմամբ | | | |
| |հսկողության իրականացում և դրանց ընթացքի | | | |
| |մասին բնապահպանական պետական տեսչության | | | |
| |համապատասխան տարածքային ստորաբաժանումներին| | | |
| |իրազեկում | | | |
|___|__________________________________________|_______|______|________|
|2. |ՀՀ գործադիր մարմինների հետ | 0,7 | | |
| |համագործակցության ապահովում և դրանց | | | |
| |քննարկմանը վերջիններիս իրավասությանը | | | |
| |վերաբերող մարզին առնչվող հարցերի | | | |
| |ներկայացում | | | |
|___|__________________________________________|_______|______|________|
| | 2.1. Մթնոլորտի աղտոտվածության և օզոնային| 0,3 | | |
| |շերտի վիճակով պայմանավորված | | | |
| |ուլտրամանուշակագույն ճառագայթման | | | |
| |անբարենպաստ, վտանգավոր և արտակարգ | | | |
| |մակարդակների գրանցման և կանխատեսման | | | |
| |ժամանակահատվածում, ինչպես նաև կլիմայի | | | |
| |փոփոխությամբ պայմանավորված վտանգավոր | | | |
| |հիդրոօդերևութաբանական երևույթների մասին | | | |
| |տեղեկատվություն ստանալու դեպքում` | | | |
| |արձագանքման միջոցառումների կազմակերպում | | | |
| | | | | |
| |( * - հաշվետու ժամանակահատվածի համար | | | |
| |համապատասխան տեղեկատվություն չստանալու | | | |
| |դեպքում մարզպետի աշխատանքն այդ մասով | | | |
| |գնահատվում է որպես կատարված աշխատանք) | | | |
|___|__________________________________________|_______|______|________|
| |2.2. Վտանգավոր թափոնների վերամշակման, | 0,4 | | |
| |վնասազերծման, պահպանման, փոխադրման և | | | |
| |տեղադրման համար բարդ ընթացակարգով | | | |
| |լիցենզավորված տնտեսական գործունեություն | | | |
| |իրականացնող տնտեսավարող սուբյեկտներին | | | |
| |մարզպետի կողմից աջակցություն | | | |
|___|__________________________________________|_______|______|________|
|3. |Մարզում աղբահանության կազմակերպում և | 0,9 | | |
| |ընդհանուր սանիտարահամաճարակային իրավիճակի | | | |
| |բարելավման ապահովում | | | |
|___|__________________________________________|_______|______|________|
| |3.1. Իրենց վարչական տարածքի սահմաններում | 0,30 | | |
| |սանիտարական մաքրման սխեմաների կազմում և | | | |
| |աղբահանության նկատմամբ հսկողության | | | |
| |իրականացում | | | |
|___|__________________________________________|_______|______|________|
| |3.2. Մարզում աղբահանության և թափոնների | 0,30 | | |
| |(աղբի) վերամշակման գործընթացի կազմակերպում| | | |
|___|__________________________________________|_______|______|________|
| |3.3. Իրենց վարչական տարածքի սահմաններում | 0,30 | | |
| |չհսկվող և չարտոնագրված աղբավայրերի | | | |
| |վերացում (լիկվիդացում) | | | |
|___|__________________________________________|_______|______|________|
|4. |Մթնոլորտային օդի աղտոտվածության կանխմանն | 0,1 | | |
| |ուղղված միջոցառումների իրականացման | | | |
| |աջակցություն | | | |
|___|__________________________________________|_______|______|________|
| |4.1. Մթնոլորտային օդի աղտոտումը կանխելու | 0,1 | | |
| |կամ նվազագույնի հասցնելու նպատակով | | | |
| |միջոցառումների ծրագրերի մշակմանը | | | |
| |մասնակցություն և միջոցառումների | | | |
| |իրականացմանը աջակցություն | | | |
|___|__________________________________________|_______|______|________|
|5. |Բնապահպանական օրենսդրության պահանջների | 0,9 | | |
| |կատարման նկատմամբ հսկողության իրականացում | | | |
| |(ջրային ռեսուրսների կայուն օգտագործում, | | | |
| |հողերի բերրի շերտի օգտագործում, վտանգավոր | | | |
| |նյութերի ու թափոնների պահեստավորում, | | | |
| |թաղում, տեղադրում և այլն) | | | |
|___|__________________________________________|_______|______|________|
| |5.1. Մարզի ջրահավաք ավազաններում և | 0,3 | | |
| |գերխոնավ տարածքներում ջրային ռեսուրսների | | | |
| |վրա ազդեցության գնահատման նկատմամբ | | | |
| |հսկողության իրականացում | | | |
|___|__________________________________________|_______|______|________|
| |5.2. Ընդերքի աղտոտումը կանխարգելելու | 0,2 | | |
| |նպատակով նավթի, գազի, բենզինի և այլ | | | |
| |նյութերի պահեստավորման, վտանգավոր նյութերի| | | |
| |ու թափոնների (այդ թվում` ռադիոակտիվ) | | | |
| |թաղման ու կեղտաջրերի թափման նկատմամբ | | | |
| |հսկողության իրականացում և դրանց | | | |
| |վերաբերյալ ՀՀ բնապահպանության | | | |
| |նախարարությանը տեղեկատվության ներկայացում | | | |
|___|__________________________________________|_______|______|________|
| |5.3. Թափոնների գործածության (հավաքում, | 0,2 | | |
| |փոխադրում, պահում, մշակում, վերամշակում, | | | |
| |օգտահանում, հեռացում, վնասազերծում, | | | |
| |ոչնչացում և թաղում) ոլորտում իրենց | | | |
| |վարչական տարածքի սահմաններում տարածքային | | | |
| |նշանակության ծրագրերի կազմում և դրանց | | | |
| |իրականացման համակարգում | | | |
|___|__________________________________________|_______|______|________|
| |5.4. Թափոնների գոյացման, մշակման ու | 0,2 | | |
| |օգտահանման օբյեկտների և հեռացման վայրերի | | | |
| |գրանցամատյանների կազմում ու վարում և | | | |
| |անձնագրավորման գործընթացի կազմակերպում | | | |
|___|__________________________________________|_______|______|________|
|6. |Բուսական և կենդանական աշխարհի, բնության | 0,8 | | |
| |հատուկ պահպանվող տարածքների, որսի | | | |
| |կենդանիների և որսահանդակների | | | |
| |պահպանության, կայուն օգտագործման և | | | |
| |վերարտադրության, ինչպես նաև | | | |
| |որսագողության, ապօրինի ձկնորսության դեմ | | | |
| |կազմակերպվող միջոցառումների իրականացման | | | |
| |աջակցություն | | | |
|___|__________________________________________|_______|______|________|
| |6.1. Բուսական և կենդանական աշխարհի, | 0,4 | | |
| |բնության հատուկ պահպանվող տարածքների, | | | |
| |բուսաբանական այգիների, դենդրոպարկերի, որսի| | | |
| |կենդանիների ու որսահանդակների | | | |
| |պահպանության, պաշտպանության, կայուն | | | |
| |օգտագործման, ինչպես նաև բուսական և | | | |
| |կենդանական աշխարհի վերարտադրության | | | |
| |ծրագրերի մշակմանը մասնակցություն և | | | |
| |միջոցառումների իրականացմանը աջակցություն | | | |
|___|__________________________________________|_______|______|________|
| |6.2. Որսորդական տնտեսություն վարելու | 0,4 | | |
| |իրավունքի տրամադրման համար կազմակերպվող | | | |
| |մրցույթի մրցութային հանձնաժողովի | | | |
| |աշխատանքներին մասնակցություն, ինչպես նաև | | | |
| |որսագողության, ապօրինի ձկնորսության դեմ | | | |
| |կազմակերպվող միջոցառումների իրականացում և | | | |
| |վարման բնագավառներին առնչվող պետական | | | |
| |ծրագրերի մշակմանը և իր իրավասության | | | |
| |սահմաններում դրանց իրականացում և | | | |
| |աջակցություն | | | |
|___|__________________________________________|_______|______|________|
|7. |Հողերի պահպանության և ապօրինի | 0,4 | | |
| |հողօգտագործման կասեցման ապահովում | | | |
|___|__________________________________________|_______|______|________|
| |7.1. Հողերի պահպանության ու ապօրինի | 0,2 | | |
| |հողօգտագործման կասեցման ապահովում և հողի | | | |
| |բերրի շերտի օգտագործման նկատմամբ | | | |
| |վերահսկողության իրականացում | | | |
|___|__________________________________________|_______|______|________|
| |7.2. Ընդհանուր օգտագործման հողային | 0,2 | | |
| |տարածքներում (փողոցներ, հրապարակներ, | | | |
| |զբոսայգիներ և հանրության կողմից | | | |
| |օգտագործվող այլ տարածքներ) բնապահպանական | | | |
| |օրենսդրության պահանջների կատարման նկատմամբ| | | |
| |մարզպետների ենթակա կառույցների կողմից | | | |
| |հսկողության իրականացում և հայտնաբերված | | | |
| |իրավախախտումների մասին սահմանված ժամկետում| | | |
| |բնապահպանական պետական տեսչության | | | |
| |համապատասխան տարածքային ստորաբաժանումներին| | | |
| |տեղեկացում, ինչպես նաև իրավախախտումների | | | |
| |կանխարգելմանն ուղղված միջոցներ ձեռնարկելու| | | |
| |գործընթացի ապահովում | | | |
|___|__________________________________________|_______|______|________|
| |ԸՆԴԱՄԵՆԸ | 5,0 | | |
.______________________________________________________________________.
10. Հայաստանի Հանրապետության բնապահպանության նախարարությունը մարզպետների կողմից կատարված աշխատանքները գնահատում է բնապահպանական յուրաքանչյուր չափորոշչի համար`
1) յուրաքանչյուր կիսամյակ` կիսամյակային հաշվետվություններն ստանալուց հետո մինչև հաշվետու կիսամյակին հաջորդող ամսվա 20-ը.
2) յուրաքանչյուր տարի` տարեկան հաշվետվություններն ստանալուց հետո մինչև հաշվետու տարվան հաջորդող տարվա հունվարի 20-ը:
11. Հայաստանի Հանրապետության բնապահպանության նախարարությունը սույն մեթոդական ուղեցույցի 10-րդ կետով սահմանված գնահատականները 5-օրյա ժամկետում քննարկում է մարզպետների հետ և համապատասխանաբար, մինչև հաշվետու կիսամյակին հաջորդող ամսվա 25-ը ու մինչև հաշվետու տարվան հաջորդող տարվա հունվարի 25-ը ներկայացնում է Հայաստանի Հանրապետության տարածքային կառավարման նախարարություն:
Եթե համապատասխան մարզպետների կողմից ներկայացված է գնահատման արդյունքներին համաձայն չլինելու վերաբերյալ հատուկ կարծիք, ապա Հայաստանի Հանրապետության տարածքային կառավարման նախարարություն ներկայացվող գնահատականներին կցվում է նաև համապատասխան մարզպետի հատուկ կարծիքի պատճենը:
12. Հայաստանի Հանրապետության բնապահպանության նախարարությունը մարզպետների կողմից կատարված աշխատանքների կիսամյակային և տարեկան գնահատականները Հայաստանի Հանրապետության տարածքային կառավարման նախարարություն է ներկայացնում բնապահպանական չափորոշիչների համար սույն մեթոդական ուղեցույցի 9-րդ կետով սահմանված աղյուսակին համապատասխան լրացված ձևաչափով, անհրաժեշտության դեպքում դրան կցելով հիմնավորումներ և բացատրություններ:
13. Մարզպետների կողմից հաշվետվություններն ու տարեկան աշխատանքային ծրագրերը չներկայացնելու կամ թերի ներկայացնելու կամ դրանք սույն մեթոդական ուղեցույցի 4-րդ և 7-րդ կետերով սահմանված ժամկետներում չներկայացնելու դեպքում, բնապահպանության բնագավառում տվյալ մարզպետի կատարած աշխատանքը գնահատվում է զրո (0):