(ուժը կորցրել է 20.12.11 թիվ 06-Ն հրաման)
i
121.0030.301109
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«30» 11 2009 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12109411
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
16 սեպտեմբերի 2009 թ. N 30-Ն 16 սեպտեմբերի 2009 թ. N 17-Ն
ՀԱՄԱՏԵՂ ՀՐԱՄԱՆ
i
ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ (այսուհետ` Որոշում) հաստատված N 1 հավելվածի 6-րդ կետը, ինչպես նաև N 2 հավելվածի` Հայաստանի Հանրապետության մարզպետների կողմից կատարված աշխատանքների գնահատման, ինչպես նաև դրանց հիման վրա ձևավորվող գնահատականների միավորների չափորոշիչներ սյունակի 7-րդ և գնահատման լրացուցիչ չափորոշիչների 5-րդ կետի 5.2-րդ ենթակետը.
ՀՐԱՄԱՅՈՒՄ ԵՆՔ`
1. Հաստատել Առողջապահության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:
Հավելված
Հաստատված է
ՀՀ փոխվարչապետ, տարածքային
կառավարման նախարարի
2009 թվականի սեպտեմբերի 16-ի
թիվ 30-Ն
և ՀՀ առողջապահության նախարարի
2009 թվականի սեպտեմբերի 16-ի
թիվ 17-Ն
համատեղ հրամանով
ՄԵԹՈԴԱԿԱՆ ՈՒՂԵՑՈՒՅՑ
ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Սույն մեթոդական ուղեցույցը սահմանում է Հայաստանի Հանրապետության մարզպետների` մարզերի տարածքում առողջապահության բնագավառում կատարված աշխատանքների գնահատման ընթացակարգը:
2. Առողջապահության բնագավառում Հայաստանի Հանրապետության մարզպետների աշխատանքներ են համարվում Հայաստանի Հանրապետության օրենսդրությամբ մարզպետներին վերապահված լիազորությունների իրականացման արդյունքում կատարված աշխատանքները:
3. Առողջապահության բնագավառում մարզպետի կատարած գնահատման ենթակա աշխատանքները (այսուհետ` Աշխատանքներ) ներառում են`
1) մարզի տարածքում պետական առողջապահական ծրագրերի իրականացումը, մարզային ենթակայության պետական առողջապահական հաստատությունների աշխատանքի կազմակերպում, օրենսդրությամբ սահմանված կարգով բնակչության անվճար բուժօգնության իրականացման ապահովումը, ինչպես նաև պետական պատվերի ֆինանսավորման իրականացման ապահովումը` նկատի ունենալով, որ պետական պատվերի ֆինանսավորումը ստանալուց և վճարումները կատարելուց հետո տվյալ ամսվա 1-ի դրությամբ կրեդիտորական պարտքերը պետք է մարվեն, բացառությամբ դեղորայքի և սննդի, որի գծով կրեդիտորական պարտքերը չպետք է գերազանցեն տվյալ եռամսյակի համար հիմնադրի կողմից հաստատված նախահաշվային գումարների երկու երրորդը.
2) մարզի տարածքում հակահամաճարակային և կարանտինային միջոցառումների, սանիտարահիգիենիկ միջոցառումների վարակիչ և զանգվածային ոչ վարակիչ հիվանդությունների ու թունավորումների կանխարգելման նպատակով աշխատանքների կազմակերպումը և իրականացումը.
3) Հայաստանի Հանրապետության առողջապահության նախարարության պետական հիգիենիկ և հակահամաճարակային ծառայության մարմիններին` բնակավայրերի ջրամատակարարման աղբյուրների, բնակելի շենքերի, դպրոցների և այլ օբյեկտների սանիտարական վիճակի նկատմամբ վերահսկողություն իրականացնելիս կազմակերպչական բնույթի աջակցություն.
4) օրենսդրությամբ մարզպետներին վերապահված իրավասությունների սահմաններում, մարզային ենթակայության առողջապահական հաստատությունների շենքերի կառուցման, պահպանման ու շահագործման աշխատանքների իրականացում:
4. Հայաստանի Հանրապետության մարզպետների` մարզերի տարածքում առողջապահության բնագավառում կատարված բոլոր աշխատանքների տրված գնահատականների հանրագումարը կազմում է 5 միավոր` գնահատման հիմնական չափորոշիչների և 1 միավոր` լրացուցիչ չափորոշիչների մասով:
5. Աշխատանքները գնահատվում են հետևյալ կերպ. սույն հրամանի 3-րդ կետի`
1) 1-ին ենթակետում նշված աշխատանքները գնահատվում են 2,5 միավոր,
2) 2-րդ կետով նախատեսված աշխատանքները` 1,0 միավոր,
3) 3-րդ կետով նախատեսված աշխատանքները` 1,0 միավոր,
4) 4-րդ կետով նախատեսված աշխատանքները` 0,5 միավոր:
6. Ոչ պետական միջոցներով սոցիալական ենթակառուցվածքների ոլորտում իրականացված աշխատանքները`
1) մարզի տարածքում այլ առողջապահական ծրագրերի իրականացում` 0,5 միավոր,
2) մարզային ենթակայության առողջապահական հաստատությունների շենքերի կառուցման, պահպանման և տեխնիկական հագեցվածության աշխատանքների իրականացում` 1,0 միավոր: