040.1411.091110
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 նոյեմբերի 2010 թվականի N 1411-Ն
i
ԳՅՈՒՄՐՈՒ ՔԱՂԱՔԱՅԻՆ ՀԱՄԱՅՆՔԻՆ ԳՈՒՅՔ ՆՎԻՐԵԼՈՒ, ՔԱՂԱՔԱՇԻՆԱԿԱՆ ԳՈՐԾՈՒՆԵՈՒԹՅԱՆ ՀԱՏՈՒԿ ԿԱՐԳԱՎՈՐՄԱՆ ՕԲՅԵԿՏԻ ՏԱՐԱԾՔ ԱՌԱՆՁՆԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՀՈՒՆԻՍԻ 26-Ի N 728-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը և ղեկավարվելով «Քաղաքաշինության մասին» Հայաստանի Հանրապետության օրենքի 10.1-ին և 19-րդ հոդվածներով` Հայաստանի Հանրապետության կառավարությունը որոշում է.
1. Հայաստանի Հանրապետության սեփականությունը հանդիսացող (պետական գրանցման վկայական` N 2647793, տրված` 02.09.2010 թ.), որևէ պետական կառավարչական հիմնարկի հաշվեկշռում չհաշվառված, Գյումրի քաղաքի «Մուշ-2» թաղամասի N 4/8 հասցեում գտնվող` 8.793318 հեկտար հողատարածքը (այսուհետ` գույք) նվիրել Գյումրու քաղաքային համայնքին` նվիրատվության պայմանագրում սահմանելով, որ սույն կետից բխող գույքի հանձնման-ընդունման աշխատանքները և գույքային իրավունքների պետական գրանցումը կատարվելու են Գյումրու քաղաքային համայնքի միջոցների հաշվին:
2. Գյումրի քաղաքի «Մուշ-2» բնակելի թաղամասի տարածքն առանձնացնել` որպես քաղաքաշինական գործունեության հատուկ կարգավորման օբյեկտ:
3. Հայաստանի Հանրապետության կառավարության 2009 թվականի հունիսի 26-ի «Գյումրու, Վանաձորի, Դիլիջանի, Ջերմուկի, Վաղարշապատի, Աշտարակի, Գորիսի, Վայքի քաղաքային և Տաթևի ու Հալիձորի գյուղական համայնքներում (բնակավայրերում) քաղաքաշինական գործունեության հատուկ կարգավորման օբյեկտների տարածքներն առանձնացնելու մասին» N 728-Ն որոշման մեջ կատարել հետևյալ փոփոխությունները`
1) որոշման N 1 հավելվածը շարադրել նոր խմբագրությամբ` համաձայն հավելվածի.
i
2) որոշման N 10 հավելվածի 1-ին կետը շարադրել հետևյալ խմբագրությամբ.
._________________________________________________________________________.
|1. |քաղ. |Ներառում է` |7888.0|բնակավայրի |գոտեվորման և |
| |Գյումրի |1.2.3-»Կումայրի» |որից` |կայուն |կառուցապատման |
| | |արգելոցի պահպանման |______|զարգացում, |նախագծեր և |
| | |գոտիները |3894.0|պատմամշակութային|քաղաքաշինական |
| | |4.5.6-համաքաղաքային| |և քաղաքաշինական|հայեցակարգեր, |
| | |կանաչ գոտիները |2976.0|միջավայրի |քաղաքաշինական |
| | |7-տեխնոպարկի գոտին | 50.0|վերականգնում, |կանոնադրու- |
| | |8-ազատ տնտեսական | |պահպանում և |թյուն, |
| | |գոտին | 548.0|զարգացում |ներդրումային |
| | |9-շրջանցող | | |ծրագրեր |
| | |ավտոմայրուղու գոտին| 420.0| | |
| | |10-»Մուշ-2» բնակելի| | | |
| | |թաղամասը | 49.3| | |
._________________________________________________________________________.
«:
4. Հայաստանի Հանրապետության քաղաքաշինության նախարարին` սույն որոշումն ուժի մեջ մտնելուց հետո երկամսյա ժամկետում Գյումրու քաղաքային համայնքի ղեկավարի հետ համատեղ ապահովել սույն որոշման 1-ին կետում նշված գույքի հանձնման-ընդունման և գույքային իրավունքների պետական գրանցման աշխատանքների կատարումը:
5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՆՈՅԵՄԲԵՐԻ 9-ԻՆ
Հավելված
ՀՀ կառավարության
2010 թվականի նոյեմբերի 4-ի
N 728-Ն որոշման
«Հավելված N 1
ՀՀ կառավարության
2009 թվականի հունիսի 26-ի
N 728-Ն որոշման
ՀԱՏԱԿԱԳԻԾ ԳՅՈՒՄՐՈՒ ՔԱՂԱՔԱՅԻՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՈՒՄ ՈՒ ԴՐԱՆ ՀԱՐԱԿԻՑ ՏԱՐԱԾՔՆԵՐՈՒՄ ԱՌԱՆՁՆԱՑՎԱԾ ՔԱՂԱՔԱՇԻՆԱԿԱՆ ԳՈՐԾՈՒՆԵՈՒԹՅԱՆ ՀԱՏՈՒԿ ԿԱՐԳԱՎՈՐՄԱՆ ՕԲՅԵԿՏՆԵՐԻ ՏԱՐԱԾՔՆԵՐԻ
______________________________
ԻՐՏԵԿ - հատակագիծը չի բերվում
------------------------------------------------------------
ԻՐՏԵԿ - Որոշման հավելվածում «N 1411-Ն» համարի փոխարեն գրված է «N 728-Ն»