(ուժը կորցրել է 11.04.15 թիվ 7-Ն հրաման)
i
112.0009.210311
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«21» 03 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11211146
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՓՈԽՎԱՐՉԱՊԵՏ,
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ՈՍՏԻԿԱՆՈՒԹՅԱՆ ՊԵՏ
28 դեկտեմբերի 2010 թ. թիվ 15-Ն 22 դեկտեմբերի 2010 թ. N 9-Ն
ՀԱՄԱՏԵՂ ՀՐԱՄԱՆ
i
ՈՍՏԻԿԱՆՈՒԹՅԱՆ ԲՆԱԳԱՎԱՌՈՒՄ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԼԻԱՐԺԵՔՈՒԹՅԱՆ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ԵՎ ՀՀ ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐԻ 2009 ԹՎԱԿԱՆԻ ՆՈՅԵՄԲԵՐԻ 23-Ի ԹԻՎ 38-Ն ՈՒ ՀՀ ՈՍՏԻԿԱՆՈՒԹՅԱՆ ՊԵՏԻ 2009 ԹՎԱԿԱՆԻ ՀՈԿՏԵՄԲԵՐԻ 2-Ի ԹԻՎ 4-Ն ՀԱՄԱՏԵՂ ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով Հայաստանի Հանրապետության Կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարած աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշման /այսուհետ որոշում/ 1-ին կետի 1-ին ենթակետով հաստատված թիվ 1 հավելվածի 6-րդ կետը և 2-րդ ենթակետով հաստատված թիվ 2 հավելվածի /այսուհետ հավելված/ Հայաստանի Հանրապետության մարզպետների կողմից կատարված աշխատանքների գնահատման, ինչպես նաև դրանց հիման վրա ձևավորվող գնահատականների միավորների աղյուսակի չափորոշիչներ սյունակի 17-րդ կետը.
ՀՐԱՄԱՅՈՒՄ ԵՆՔ`
1. Հաստատել` ոստիկանության բնագավառում Հայաստանի Հանրապետության մարզպետների կողմից կատարված աշխատանքների լիարժեքության գնահատման չափորոշիչների մեթոդական ուղեցույցը` համաձայն հավելվածի:
i
2. ՈՒժը կորցրած ճանաչել «Տեղական ինքնակառավարման և հանրապետական գործադիր մարմինների տարածքային ստորաբաժանումների համակարգման բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը հաստատելու մասին» 2009 թվականի նոյեմբերի 23-ի ՀՀ փոխվարչապետ, տարածքային կառավարման նախարարի թիվ 38-Ն և 2009 թվականի հոկտեմբերի 2-ի ՀՀ ոստիկանության պետի թիվ 4-Ն համատեղ հրամանը:
Հավելված
ՀՀ փոխվարչապետ,
տարածքային կառավարման
նախարարի
2010 թվականի դեկտեմբերի 28-ի
թիվ 15-Ն
և ՀՀ ոստիկանության պետի
2010 թվականի դեկտեմբերի 22-ի
թիվ 9-Ն
համատեղ հրամանի
ՄԵԹՈԴԱԿԱՆ ՈՒՂԵՑՈՒՅՑ ՈՍՏԻԿԱՆՈՒԹՅԱՆ ԲՆԱԳԱՎԱՌՈՒՄ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԼԻԱՐԺԵՔՈՒԹՅԱՆ ԳՆԱՀԱՏՄԱՆ ՉԱՓՈՐՈՇԻՉՆԵՐԸ ՀԱՍՏԱՏԵԼՈՒ ՄԱՍԻՆ ՄԵԹՈԴԱԿԱՆ ՈՒՂԵՑՈՒՅՑ
1. Սույն մեթոդական ուղեցույցը սահմանում է Հայաստանի Հանրապետության մարզպետների` մարզերի տարածքում ոստիկանության բնագավառում կատարված աշխատանքների լիարժեքության գնահատման ընթացակարգը:
2. Ոստիկանության բնագավառում մարզպետի կատարած, գնահատման ենթակա աշխատանքները (այսուհետ` Աշխատանքներ) ներառում են`
1) Հայաստանի Հանրապետության օրենքների, Հանրապետության Նախագահի հրամանագրերի, կարգադրությունների, կառավարության և վարչապետի որոշումների և այլ նորմատիվ իրավական ակտերի կատարման ապահովում, ինչպես նաև օրենսդրության կատարելագործման վերաբերյալ առաջարկությունների ներկայացում,
2) հանրապետական գործադիր մարմինների հետ համագործակցության ապահովում և դրանց քննարկմանը վերջիններիս իրավասությանը վերաբերող մարզին առնչվող հարցերի ներկայացում,
3. Հայաստանի Հանրապետության մարզպետների` մարզերի տարածքում ոստիկանության բնագավառում կատարված բոլոր աշխատանքների տրված գնահատականների հանրագումարը կազմում է 1 միավոր` գնահատման հիմնական չափորոշիչների մասով:
4. Աշխատանքները գնահատվում են հետևյալ կերպ` սույն հրամանի 2-րդ կետի`
1) 1-ին ենթակետում նախատեսված աշխատանքները գնահատվում են 0.4 միավոր,
2) 2-րդ ենթակետում նախատեսված աշխատանքները` 0.6 միավոր,
5. ՀՀ մարզպետների` ոստիկանության բնագավառում կատարած աշխատանքի գնահատման համար տեղեկատվության հավաքագրումը իրականացվում է համաձայն աղյուսակ 1-ի:
6. Աղյուսակ 1-ով սահմանվում է մարզպետի կողմից ոստիկանության բնագավառում կատարված աշխատանքը և վիճակը բնութագրող ցուցանիշները:
7. Յուրաքանչյուր աշխատանքի գնահատականը տրվում է աղյուսակ 1-ում նշված տեղեկատվության վերլուծության արդյունքում:
8. Աղյուսակ 1-ում ներկայացված ենթաչափորոշիչներից որևէ մեկի վերաբերյալ մարզպետի կողմից տեղեկատվություն չներկայացնելու դեպքում այդ ենթաչափորոշիչը գնահատվում է զրո:
9. Մարզպետի կողմից կատարված աշխատանքների գնահատումը կատարվում է աղյուսակ 2-ի համապատասխան:
10. Ոստիկանության բնագավառում մարզպետի կողմից կատարված աշխատանքների ամբողջական գնահատականը կազմվում է աղյուսակ 1-ի 1-ին և 2-րդ կետերի գնահատականի գումարից:
Աղյուսակ 1
ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՀԱՄԱՐ ՏԵՂԵԿԱՏՎՈՒԹՅԱՆ ՀԱՎԱՔԱԳՐՄԱՆ
._________________________________________________________________.
|N | Չափորոշիչները |Գնահատման |Գնահա-|
| | |առավելագույն|տականը|
| | |միավորը | |
|_________________________________________________________________|
|Ոստիկանության բնագավառում մարզպետի կողմից կատարվող աշխատանքների |
| գնահատման համար հավաքագրվող ցուցանիշների անվանումները |
|_________________________________________________________________|
|1. |Հայաստանի Հանրապետության օրենքների, | 0,4 | |
| |Հանրապետության Նախագահի հրամանագրերի, | | |
| |կարգադրությունների, կառավարության և | | |
| |վարչապետի որոշումների և այլ նորմատիվ | | |
| |իրավական ակտերի կատարման ապահովում, | | |
| |ինչպես նաև օրենսդրության | | |
| |կատարելագործման վերաբերյալ | | |
| |առաջարկությունների ներկայացում, | | |
| |այդ թվում` | | |
|___|_________________________________________|____________|______|
|1) |ՀՀ ոստիկանության տարածքային մարմինների | 0,2 | |
| |գործունեության համակարգում` | | |
| |հանձնարարականների և կարգադրությունների | | |
| |արձակում ու դրանց կատարման | | |
| |վերահսկողություն | | |
|___|_________________________________________|____________|______|
|2) |Մարզի տարածքում հանցավորության վիճակի | 0,2 | |
| |վերաբերյալ ոստիկանությունից ստացված | | |
| |տեղեկատվության քննարկման և | | |
| |հանցագործությունների կանխարգելման | | |
| |ուղղությամբ կառավարչական որոշումների | | |
| |ընդունում | | |
|___|_________________________________________|____________|______|
|2. |Հանրապետական գործադիր մարմինների հետ | 0,6 | |
| |համագործակցության ապահովում և դրանց | | |
| |քննարկմանը վերջիններիս իրավասությանը | | |
| |վերաբերող մարզին առնչվող հարցերի | | |
| |ներկայացում, այդ թվում` | | |
|___|_________________________________________|____________|______|
|1) |ժողովների, հանրահավաքների, երթերի, | 0,1 | |
| |ցույցերի և այլ զանգվածային | | |
| |միջոցառումների անցկացման ընթացքում | | |
| |հասարակական կարգի պահպանման ուղղությամբ | | |
| |ոստիկանության մարմինների հետ | | |
| |համագործակցություն | | |
|___|_________________________________________|____________|______|
|2) |տարերային և տեխնածին աղետների | 0,1 | |
| |հետևանքների վերացման, մարզի տարածքում | | |
| |քաղաքացիական պաշտպանության, | | |
| |համաճարակային և կարանտին հատուկ | | |
| |միջոցառումների կազմակերպման | | |
| |աշխատանքներում ոստիկանության տարածքային | | |
| |մարմիններին աջակցություն | | |
|___|_________________________________________|____________|______|
|3) |ապօրինի շինարարության, ընդերքի ապօրինի | 0,2 | |
| |օգտագործման, ապօրինի ծառահատման, | | |
| |հողազավթումների և որսագողության | | |
| |դեպքերի կանխման և արգելման | | |
| |ուղղությամբ ձեռնարկված միջոցառումներ, | | |
|___|_________________________________________|____________|______|
|4) |համայնքներում զինակոչային հաշվառումներ, | 0,2 | |
| |հավաքներ և զորակոչեր կազմակերպելու | | |
| |ընթացքում ոստիկանության տարածքային | | |
| |մարմիններին օժանդակել` տեղական | | |
| |ինքնակառավարման մարմինների և | | |
| |բնակչության հետ համագործակցության | | |
| |ապահովում | | |
|_____________________________________________|____________|______|
|ընդամենը | 1,0 | |
._________________________________________________________________.
Աղյուսակ 2.
ՄԱՐԶՊԵՏԻ ԿՈՂՄԻՑ ԻՐԱԿԱՆԱՑՎԱԾ ԱՇԽԱՏԱՆՔԻ ԳՆԱՀԱՏՄԱՆ ՍԱՆԴՂԱԿ
.________________________________________________________________.
|Կատարման որակ / |Կատարված է|Կատարված է|Կատարված է|Կատարված|
|/ Կատարման ժամկետ |առանց |ոչ էական |էական |չէ |
| |թերու- |թերու- |թերու- | |
| |թյունների |թյուններով|թյուններով| |
|______________________|__________|__________|__________|________|
|Սահմանված ժամկետին | 100 | 90 | 75 | 0 |
|______________________|__________|__________|__________|________|
|Սահմանված ժամկետի ոչ | 95 | 85 | 75 | 0 |
|էական բացթողումներով | | | | |
|______________________|__________|__________|__________|________|
|Սահմանված ժամկետի | 80 | 75 | 0 | 0 |
|էական բացթողումներով | | | | |
.________________________________________________________________.
1. Մարզպետի աշխատանքի գնահատումը հաշվարկվում է ըստ հետևյալ բանաձևի`
Y * Z
X=-----
100
որտեղ` X-ը մարզպետի կողմից կատարված յուրաքանչյուր ենթաչափորոշիչի գնահատականն է,
Y-ը` սույն մեթոդական ուղեցույցի 4-րդ կետում նշված համապատասխան Աշխատանքի առավելագույն գնահատականն է, Z-ը` սույն մեթոդական ուղեցույցի աղյուսակ 2-ին համապատասխան` յուրաքանչյուր ենթաչափորոշիչին համապատասխան կատարված աշխատանքի գնահատականն է: