040.0026.160199
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«16» հունվարի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 հունվարի 1999 թվականի թիվ 26
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍՈՑԻԱԼԱՊԵՍ ԱՆԱՊԱՀՈՎ ԸՆՏԱՆԻՔՆԵՐԻՆ ԷԼԵԿՏՐԱԷՆԵՐԳԻԱՅԻ ՄԻԱՍՆԱԿԱՆ ՍԱԿԱԳԻՆ ՍԱՀՄԱՆԵԼՈՒ ՀԵՏ ԿԱՊՎԱԾ ՓՈԽՀԱՏՈՒՑՈՒՄ ՀԱՏԿԱՑՆԵԼՈՒ ՄԱՍԻՆ
Հայաստանի Հանրապետությունում բնակչության համար էլեկտրաէներգիայի միասնական սակագին սահմանելու հետ կապված սոցիալապես անապահով ընտանիքներին աջակցելու նպատակով Հայաստանի Հանրապետության կառավարությունը որոշում է.
1. Ընտանեկան նպաստի համակարգում չընդգրկված և անապահովության 33,70 միավորից բարձր անապահովության միավոր ունեցող ընտանիքներին 1999 թվականի հունվարի 1-ից մինչև դեկտեմբերի 31-ը սպառված էլեկտրաէներգիայի համար հատկացնել փոխհատուցում` ամսական 1450 դրամի չափով:
2. Սահմանել, որ էլեկտրաէներգիայի միասնական սակագին սահմանելու հետ կապված փոխհատուցում նշանակում և վճարում են Հայաստանի Հանրապետության մարզային, Երևանի քաղաքային ենթակայության սոցիալական ծառայությունների տարածքային կենտրոնները:
i
3. Սահմանել, յուրաքանչյուր համայնքի կտրվածքով, փոխհատուցում ստացող ընտանիքների քվոտա` տվյալ համայնքի փոխհատուցում ստացող ընտանիքների 5 տոկոսի չափով:
(3-րդ կետն ուժը կորցրել է 25.05.99 թիվ 350 որոշում)
i
4. Էլեկտրաէներգիայի միասնական սակագին սահմանելու հետ կապված փոխհատուցումը նշանակել և վճարել Հայաստանի Հանրապետության կառավարության 1998 թվականի նոյեմբերի 19-ի «Հայաստանի Հանրապետությունում ընտանեկան նպաստի համակարգը ներդնելու մասին» թիվ 727 որոշմամբ հաստատված կարգի համաձայն:
(4-րդ կետն ուժը կորցրել է 25.05.99 թիվ 350 որոշում)
5. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` զանգվածային լրատվության միջոցներով լուսաբանել սույն որոշման կատարման ընթացքը:
6. Սույն որոշումն ուժի մեջ է մտնում 1999 թվականի հունվարի 1-ից: