(ուժը կորցրել է 13.04.15 թիվ 15-Ն հրաման)
i
121.0006.281211
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«28» 12 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12111581
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՓՈԽՎԱՐՉԱՊԵՏ, ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ
20 դեկտեմբերի 2011 թ. N 06-Ն 16 դեկտեմբերի 2011 թ. N 29-Ն
ՀԱՄԱՏԵՂ ՀՐԱՄԱՆ
i
ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2009 ԹՎԱԿԱՆԻ ՍԵՊՏԵՄԲԵՐԻ 16-Ի ԹԻՎ 17-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐԻ 2009 ԹՎԱԿԱՆԻ ՍԵՊՏԵՄԲԵՐԻ 16-Ի ԹԻՎ 30-Ն ՀԱՄԱՏԵՂ ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ (այսուհետ` Որոշում) հաստատված հավելվածի 6-րդ կետը, ինչպես նաև N 2 հավելվածի` Հայաստանի Հանրապետության մարզպետների կողմից կատարված աշխատանքների գնահատման, ինչպես նաև դրանց հիման վրա ձևավորվող գնահատականների միավորների չափորոշիչներ աղյուսակի 1-ին կետի 3-րդ ենթակետը, ինչպես նաև «Իրավական ակտերի մասին» Հայաստանի Հանրապետության օրենքի 72-րդ հոդվածի 1-ին մասի 1-ին կետը
ՀՐԱՄԱՅՈՒՄ ԵՆՔ`
1. Հաստատել Առողջապահության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:
i
2. ՈՒժը կորցրած ճանաչել Հայաստանի Հանրապետության առողջապահության նախարարի 2009 թվականի սեպտեմբերի 16-ի N 17-Ն և ՀՀ տարածքային կառավարման նախարարի 2009 թվականի սեպտեմբերի 16-ի N 30-Ն համատեղ հրամանը:
Հավելված
Հաստատված է
ՀՀ փոխվարչապետ, տարածքային
կառավարման նախարարի
2011 թ. դեկտեմբերի 20-ի
թիվ 06-Ն
և
ՀՀ առողջապահության նախարարի
2011 թ. դեկտեմբերի 16-ի
թիվ 29-Ն
համատեղ հրամանով
ՄԵԹՈԴԱԿԱՆ ՈՒՂԵՑՈՒՅՑ ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Սույն մեթոդական ուղեցույցը սահմանում է Հայաստանի Հանրապետության մարզպետների` մարզերի տարածքում առողջապահության բնագավառում կատարված աշխատանքների լիարժեքության գնահատման ընթացակարգը:
2. Առողջապահության բնագավառում Հայաստանի Հանրապետության մարզպետների աշխատանքներ են համարվում Հայաստանի Հանրապետության օրենսդրությամբ մարզպետներին վերապահված լիազորությունների իրականացման արդյունքում կատարված աշխատանքները:
3. Առողջապահության բնագավառում մարզպետի կատարած գնահատման ենթակա աշխատանքները (այսուհետ` Աշխատանքներ) ներառում են`
1) Հայաստանի Հանրապետության օրենքների, Հանրապետության Նախագահի հրամանագրերի, կարգադրությունների, կառավարության և վարչապետի որոշումների և այլ նորմատիվ իրավական ակտերի կատարման ապահովում, ինչպես նաև օրենսդրության կատարելագործման վերաբերյալ առաջարկությունների ներկայացում.
2) հանրապետական գործադիր մարմինների հետ համագործակցության ապահովում և դրանց քննարկմանը վերջիններիս իրավասությանը վերաբերող մարզին առնչվող հարցերի ներկայացում.
3) ոչ պետական միջոցներով առողջապահական ոլորտում իրականացրած ներդրումները.
4) մարզային ենթակայության առողջապահական հաստատություններում պարտքերի բացակայության ուղղությամբ մարզպետների կողմից իրականացված գործառույթները:
4. Հայաստանի Հանրապետության մարզպետների` մարզերի տարածքում առողջապահության բնագավառում կատարված բոլոր աշխատանքների տրված գնահատականների հանրագումարը կազմում է 5 միավոր` գնահատման հիմնական չափորոշիչների մասով:
5. Սույն հրամանի 3-րդ կետի`
1) 1-ին ենթակետում նշված աշխատանքները գնահատվում են 1,5 միավոր,
2) 2-րդ կետով նախատեսված աշխատանքները` 1,5 միավոր,
3) 3-րդ կետով նախատեսված աշխատանքները` 1,0 միավոր,
4) 4-րդ կետով նախատեսված աշխատանքները` 1.0 միավոր:
6. Մարզպետների` առողջապահության բնագավառում կատարած աշխատանքի գնահատման համար տեղեկատվության հավաքագրումը իրականացվում է համաձայն աղյուսակ 1-ի:
7. Աղյուսակ 1-ով սահմանվում է մարզպետի կողմից կատարված աշխատանքը և մարզի առողջապահական վիճակը բնութագրող ցուցանիշները:
8. Յուրաքանչյուր աշխատանքի գնահատականը տրվում է սույն ուղեցույցի աղյուսակ 1-ում նշված տեղեկատվության վերլուծության արդյունքում մարզպետի կատարած աշխատանքները և բոլոր մարզերի համար բնութագրող աշխատանքները բնութագրող ներկայացված ցուցանիշների հիման վրա:
9. Աղյուսակ 1-ում ներկայացված ցուցանիշներից որևէ մեկի վերաբերյալ մարզպետի կողմից տեղեկատվություն չներկայացնելու դեպքում այդ ցուցանիշի հետ կապված հարաբերական ցուցանիշները գնահատվում են 0 միավոր:
10. Մարզպետի կողմից կատարված աշխատանքների գնահատումը կատարվում է սույն ուղեցույցի աղյուսակ 2-ին համապատասխան:
11. Առողջապահության բնագավառում մարզպետի կողմից կատարված աշխատանքների ամբողջական գնահատականը կազմվում է յուրաքանչյուր ենթաչափորոշչի համար կազմված աշխատանքների գնահատականի գումարից:
Աղյուսակ 1
ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՀԱՄԱՐ ՏԵՂԵԿԱՏՎՈՒԹՅՈՒՆ
._____________________________________________________________________.
|Հ/հ|Առողջության պահպանման բնագավառում մարզպետի կողմից կատարվող|Գնահա-|
| |աշխատանքների գնահատման համար հավաքագրվող ցուցանիշների |տականը|
| |անվանումները | |
|___|__________________________________________________________|______|
| 1 | 2 | 3 |
|_____________________________________________________________________|
| 1. ՄԱՐԶՊԵՏԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔԸ ԵՎ ՄԱՐԶԻ ԱՌՈՂՋԱՊԱՀԱԿԱՆ |
| ՎԻՃԱԿԸ ԲՆՈՒԹԱԳՐՈՂ ՑՈՒՑԱՆԻՇՆԵՐ |
|_____________________________________________________________________|
|1) |Հայաստանի Հանրապետության օրենքների, Հանրապետության Նախագահի |
| |հրամանագրերի, կարգադրությունների, կառավարության և վարչապետի |
| |որոշումների և այլ նորմատիվ իրավական ակտերի կատարման ապահովում, |
| |ինչպես նաև օրենսդրության կատարելագործման վերաբերյալ |
| |առաջարկությունների ներկայացում |
|___|_________________________________________________________________|
|ա. |Աջակցություն մարզի տարածքում պետական առողջապահական | 0.3 |
| |ծրագրերի իրականացմանը | |
|___|__________________________________________________________|______|
|բ. |Առողջապահության համակարգի օպտիմալացման ծրագրերին | 0.2 |
| |մասնակցություն | |
|___|__________________________________________________________|______|
|գ. |Պետական առողջապահական ծրագրերի իրականացման ընթացքում մարզի| 0.2 |
| |կառույցների ֆինանսավորմանը մասնակցություն, լրացումների | |
| |կատարում | |
|___|__________________________________________________________|______|
|դ. |ՀՀ օրենքով սահմանված կարգով բնակչության անվճար | 0.2 |
| |բուժօգնության ապահովում | |
|___|__________________________________________________________|______|
|ե. |Մարզում հիվանդացության և մահացության ցուցանիշների վերջին | 0.2 |
| |3 տարիների դինամիկան | |
|___|__________________________________________________________|______|
|զ. |Առողջության առաջնային պահպանման հաստատություններում | 0.2 |
| |(պոլիկլինիկաներ, բժշկական ամբուլատորիաներ, առողջության | |
| |կենտրոններ, ընտանեկան բժշկի գրասենյակներ) բժշկական | |
| |օգնության որակի բարելավմանը և վերահսկմանն ուղղված | |
| |միջոցառումների իրականացում | |
|___|__________________________________________________________|______|
|է. |Մարզի տարածքում իր ենթակայության կազմակերպություններում | 0.2 |
| |սանիտարական օրենսդրության պահանջների և բնակչության | |
| |սանիտարահամաճարակային անվտանգության ոլորտի այլ իրավական | |
| |ակտերի կատարման ապահովում | |
|______________________________________________________________|______|
| Ընդամենը` | 1.5 |
|_____________________________________________________________________|
|2) |Հանրապետական գործադիր մարմինների հետ համագործակցության ապահովում |
| |և դրանց քննարկմանը վերջիններիս իրավասությանը վերաբերող մարզին |
| |առնչվող հարցերի ներկայացում |
|___|_________________________________________________________________|
|ա. |Աջակցություն սանիտարահիգիենիկ, հակահամաճարակային և | 0.5 |
| |կարանտինային միջոցառումների իրականացմանը, ինչպես նաև | |
| |բնակչության սանիտարահամաճարակային անվտանգության ոլորտի | |
| |մարզին առնչվող հարցերի ներկայացում | |
|___|__________________________________________________________|______|
|բ. |Մարզային ենթակայության տակ գտնվող պետական առողջապահական | 0.4 |
| |հաստատությունների աշխատանքի կազմակերպում | |
|___|__________________________________________________________|______|
|գ. |Երևան և այլ մարզեր ուղեգրված հիվանդների համամասնության | 0.3 |
| |հիմնավորման ապահովում | |
|___|__________________________________________________________|______|
|դ. |Մարզային ենթակայության բժշկական հաստատությունների բժշկական| 0.3 |
| |կադրերի համալրմանն ուղղված աշխատանքների իրականացում | |
| |մարզպետարանների կողմից | |
|______________________________________________________________|______|
| Ընդամենը` | 1.5 |
|______________________________________________________________|______|
|3. |Ոչ պետական միջոցներով առողջապահական ոլորտում իրականացրած | |
| |ներդրումները | |
|___|__________________________________________________________|______|
|1) |մարզային ենթակայության առողջապահական հաստատությունների | 0.4 |
| |շենքերի պահպանման և տեխնիկական հագեցվածության | |
| |աշխատանքների իրականացում` | |
|___|__________________________________________________________|______|
|2) |մարզի տարածքում այլ առողջապահական ծրագրերի իրականացում | 0.4 |
|___|__________________________________________________________|______|
|3) |Ժամանակավոր ուղեգրված բժիշկների կենցաղային պայմանների | 0.2 |
| |ապահովում | |
|______________________________________________________________|______|
| Ընդամենը` | 1.0 |
|_____________________________________________________________________|
|4. |Մարզային ենթակայության առողջապահական հաստատություններում պարտքերի|
| |բացակայության ուղղությամբ մարզպետների կողմից իրականացված |
| |գործառույթները |
|___|_________________________________________________________________|
|1) |Աշխատավարձերի և սոցվճարների գծով պարտքերի բացառում, | 0.4 |
| |դեկտեմբեր ամսվա աշխատավարձերի վճարում տվյալ տարում | |
|___|__________________________________________________________|______|
|2) |Այլ ծախսերի մասով պարտքերի ավելացման բացառում տվյալ տարվա | 0.3 |
| |հունվարի 1-ի համեմատ | |
|___|__________________________________________________________|______|
|3) |Տվյալ տարվա հունվարի 1-ի դրությամբ առկա պարտքերի մարման | 0.3 |
| |առկայություն, 10.0 մլն դրամից ավելի պարտքի առկայության | |
| |դեպքում դրանց մարման ծրագրի առկայություն` միջոցառումների | |
| |ծրագիր, ժամանակացույց | |
|_____________________________________________________________________|
| Ընդամենը` 1.0 |
._____________________________________________________________________.
Աղյուսակ 2
ՄԱՐԶՊԵՏԻ ԿՈՂՄԻՑ ԻՐԱԿԱՆԱՑՎԱԾ ԱՇԽԱՏԱՆՔԻ ԳՆԱՀԱՏՄԱՆ ՍԱՆԴՂԱԿ
.__________________________________________________________________.
| Կատարման որակ |Կատարված |Կատարված է |Կատարված |Կատար- |
| ____________________ |է առանց |ոչ էական |է էական |ված չէ |
| Կատարման ժամկետ |թերու- |թերություն-|թերություն-| |
| |թյունների|ներով |ներով | |
|________________________|_________|___________|___________|_______|
|Սահմանված ժամկետին | 100 | 90 | 75 | 0 |
|________________________|_________|___________|___________|_______|
|Սահմանված ժամկետի ոչ | 95 | 85 | 75 | 0 |
|էական բացթողումներով | | | | |
|________________________|_________|___________|___________|_______|
|Սահմանված ժամկետի | 80 | 75 | 0 | 0 |
|էական բացթողումներով | | | | |
.__________________________________________________________________.
1. Մարզպետի աշխատանքի գնահատումը հաշվարկվում է ըստ հետևյալ բանաձևի`
Y * Z
X = __________ 100
որտեղ` X-ը մարզպետի կողմից կատարված յուրաքանչյուր ենթաչափորոշչի գնահատականն է,
Y-ը` սույն մեթոդական ուղեցույցի 5-րդ կետով նշված համապատասխան ենթաչափորոշչի առավելագույն գնահատականն է,
Z-ը` սույն մեթոդական ուղեցույցի աղյուսակ 2-ին համապատասխան` յուրաքանչյուր ենթաչափորոշչին համապատասխան կատարված աշխատանքի գնահատականն է: