ՀԱՅԿԱԿԱՆ ՍՍՀ ՄԻՆԻՍՏՐՆԵՐԻ ԽՈՐՀՈՒՐԴ
ՈՐՈՇՈՒՄ
29 մայիսի 1989 թվականի թիվ 238
i
ՀԱՅԿԱԿԱՆ ԽՍՀ-ՈՒՄ ՔԱՂԱՔԱՑԻԱԿԱՆ ԿԱՑՈՒԹՅԱՆ ԱԿՏԵՐԻ ԳՐԱՆՑՄԱՆ ԿԱՐԳԻ ՄԱՍԻՆ ՀՐԱՀԱՆԳՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայկական ԽՍՀ Մինիստրների խորհուրդը որոշում է.
Հայկական ՍՍՀ Մինիստրների խորհրդի 1987 թվականի փետրվարի 2-ի թիվ 60 որոշմամբ հաստատված Հայկական ԽՍՀ-ում քաղաքացիական կացության ակտերի գրանցման կարգի մասին հրահանգի 87-րդ կետը լրացնել հետևյալ բովանդակությամբ երրորդ պարբերությամբ. «Տարերային աղետի (երկրաշարժ, ջրհեղեղ, հրդեհ և այլն) հետևանքով մահացած անձանց մահվան գրանցումը կատարվում է այն վայրի քաղաքացիական կացության ակտերի գրանցման մարմիններում, ուր ապրել է մահացածը, կամ ուր տեղի է ունեցել մահը` տարերային աղետի հետևանքների վերացման գծով համապատասխան (հանրապետական, քաղաքային, շրջանային) հանձնաժողովի եզրակացության հիման վրա»: