(ուժը կորցրել է 31.01.14 թիվ 5-Ն որոշում)
i
606.0335.150113
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«15» 01 2013 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60613005
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
ՈՐՈՇՈՒՄ
26 դեկտեմբերի 2012 թվականի N 335-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԸՆՏՐՈՒԹՅՈՒՆՆԵՐԻ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Ղեկավարվելով Հայաստանի Հանրապետության ընտրական օրենսգրքի 49-րդ հոդվածի 1-ին մասի 7-րդ կետով և Հայաստանի Հանրապետության կառավարության 2009 թվականի մայիսի 21-ի N 562-Ն որոշմամբ` Հայաստանի Հանրապետության կենտրոնական ընտրական հանձնաժողովը որոշում է.
1. Հաստատել`
1) Հայաստանի Հանրապետությունում ընտրությունների նախապատրաստման և անցկացման բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն N 1 հավելվածի,
2) Հայաստանի Հանրապետությունում ընտրությունների նախապատրաստման և անցկացման բնագավառում մարզպետի կողմից կատարված աշխատանքների գնահատման աղյուսակը` համաձայն N 2 հավելվածի:
Հավելված N 1
ՀՀ կենտրոնական ընտրական
հանձնաժողովի
2012 թ. դեկտեմբերի 26-ի
N 335-Ն որոշման
ՄԵԹՈԴԱԿԱՆ ՈՒՂԵՑՈՒՅՑ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԸՆՏՐՈՒԹՅՈՒՆՆԵՐԻ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Սույն մեթոդական ուղեցույցը սահմանում է Հայաստանի Հանրապետության մարզպետների կողմից Հայաստանի Հանրապետությունում ընտրությունների նախապատրաստման և անցկացման բնագավառում կատարված աշխատանքների լիարժեքության գնահատման ընթացակարգը:
2. Հայաստանի Հանրապետությունում ընտրությունների նախապատրաստման և անցկացման բնագավառում Հայաստանի Հանրապետության մարզպետների աշխատանքներ են համարվում Հայաստանի Հանրապետության ընտրական օրենսգրքով, Հայաստանի Հանրապետության կենտրոնական ընտրական հանձնաժողովի որոշումներով և իրավական այլ ակտերով մարզպետներին վերապահված լիազորությունների իրականացման արդյունքում կատարված աշխատանքները:
3. Գործառույթի նպատակն է գնահատման միջոցով իրականացնել`
1) նախընտրական քարոզչության ազատ իրականացման ապահովումը` նախընտրական ժողովներ, թեկնածուների հետ ընտրողների հանդիպումներ և ընտրությունների հետ կապված այլ միջոցառումներ կազմակերպելու նպատակով թեկնածուներին, համամասնական ընտրակարգով ընտրություններին մասնակցող կուսակցություններին, կուսակցությունների դաշինքներին դահլիճներ և այլ շինություններ տրամադրելու միջոցով,
2) համապետական ընտրությունների ժամանակ թեկնածուներին ու համամասնական ընտրակարգով ընտրություններին մասնակցող կուսակցություններին, կուսակցությունների դաշինքներին անվճար կարգով տրամադրվող դահլիճների և այլ շինությունների ցանկի ներկայացումը կենտրոնական ընտրական հանձնաժողով` ընտրությունների նշանակումից ոչ ուշ, քան 20 օր հետո,
3) համայնքում տեղական ինքնակառավարման մարմինների ընտրությունների նշանակումը` համայնքի ղեկավարի, ավագանու անդամների լիազորությունների ժամկետը լրանալուց ոչ ուշ, քան 70 օր առաջ,
4) համայնքում տեղական ինքնակառավարման մարմինների նոր ընտրությունների նշանակումը` Հայաստանի Հանրապետության ընտրական օրենսգրքով սահմանված դեպքերում:
4. Հայաստանի Հանրապետությունում ընտրությունների նախապատրաստման և անցկացման բնագավառում մարզպետի կողմից կատարված աշխատանքների գնահատումը կատարվում է համաձայն` որոշմամբ հաստատված N 2 հավելվածի աղյուսակի:
Հավելված N 2
ՀՀ կենտրոնական ընտրական
հանձնաժողովի
2012 թ. դեկտեմբերի 26-ի
N 335-Ն որոշման
ԱՂՅՈՒՍԱԿ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԸՆՏՐՈՒԹՅՈՒՆՆԵՐԻ ՆԱԽԱՊԱՏՐԱՍՏՄԱՆ ԵՎ ԱՆՑԿԱՑՄԱՆ ԲՆԱԳԱՎԱՌՈՒՄ ՄԱՐԶՊԵՏԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ
._____________________________________________________________________.
| N|Չափորոշիչները |Առա- | Ենթաչափորոշիչները |Գնա- |Գնահատող |
| | |վելա-| |հատա-|մարմինը |
| | |գույն| |կանը |_________|
| | |գնա- | | |Չի |Կա- |
| | |հատ- | | |կա- |տար-|
| | |ման | | |տար-|վել |
| | |միա- | | |վել |է |
| | |վորը | | | | |
|__|__________________|_____|_________________________|_____|____|____|
|1 | 2 | 3 | 4 | 5 | 6 | 7 |
|__|__________________|_____|_________________________|_____|____|____|
|1 |Հայաստանի | 0,9 |Տվյալ ենթաչափորոշիչի | 0,5 | 0 | 0,5|
| |Հանրապետության | |գնահատման համար ելակետ է | | | |
| |օրենքների, | |հանդիսանում ՀՀ ընտրական | | | |
| |Հայաստանի | |օրենսգրքի 18-րդ հոդվածի | | | |
| |Հանրապետության | |2-րդ և 3-րդ կետերի | | | |
| |Նախագահի | |պահանջների կատարումը | | | |
| |հրամանագրերի, | |_________________________|_____|____|____|
| |կարգադրությունների| |Տվյալ ենթաչափորոշիչի | 0,2 | 0 |0,2 |
| |ՀՀ կառավարության, | |գնահատման համար ելակետ է | | | |
| |ՀՀ վարչապետի | |հանդիսանում | | | |
| |որոշումների, ՀՀ | |1) ՀՀ ընտրական օրենսգրքի | | | |
| |կենտրոնական | |145-րդ հոդվածի պահանջների| | | |
| |ընտրական | |կատարում | | | |
| |հանձնաժողովի | |- համայնքի ղեկավարի, | | | |
| |որոշումների և | |ավագանու անդամների | | | |
| |իրավական այլ | |լիազորությունների ժամկետը| | | |
| |ակտերի կատարման | |լրանալուց ոչ ուշ, քան 70 | | | |
| |ապահովում | |օր առաջ համայնքում ՏԻՄ | | | |
| | | |ընտրությունների նշանակում| | | |
| | | |_________________________|_____|____|____|
| | | |2) ՀՀ ընտրական օրենսգրքի | 0,2 | 0 | 0,2|
| | | |146-րդ հոդվածի պահանջների| | | |
| | | |կատարում` | | | |
| | | |- Համայնքում նոր | | | |
| | | |ընտրության նշանակում, այն| | | |
| | | |հաշվարկով, որ նոր | | | |
| | | |ընտրությունն անցկացվի | | | |
| | | |ընտրված և | | | |
| | | |լիազորությունները | | | |
| | | |չստանձնած համայնքի | | | |
| | | |ղեկավարի մահվան կամ | | | |
| | | |հրաժարականի, համայնքի | | | |
| | | |ղեկավարի կամ ավագանու | | | |
| | | |անդամների ընտրությունները| | | |
| | | |չկայացած ճանաչելու մասին | | | |
| | | |ընտրատարածքային ընտրական | | | |
| | | |հանձնաժողովի որոշումն | | | |
| | | |ընդունելուց կամ դատարանի | | | |
| | | |վճիռն օրինական ուժի մեջ | | | |
| | | |մտնելու օրվան հաջորդող | | | |
| | | |40-օրյա ժամկետի վերջին | | | |
| | | |կիրակի օրը: | | | |
|__|__________________|_____|_________________________|_____|____|____|
|2 |Ընտրական |0,1 |Տվյալ ենթաչափորոշիչի | 0,1 | 0 | 0,1|
| |հանձնաժողովների | |գնահատման համար ելակետ է | | | |
| |հետ | |հանդիսանում ՀՀ ընտրական | | | |
| |համագործակցության | |օրենսգրքի 49-րդ հոդվածի | | | |
| |ապահովում | |1-ին մասի 9-րդ կետի | | | |
| | | |պահանջների կատարումը | | | |
| | | |- կենտրոնական ընտրական | | | |
| | | |հանձնաժողովում լսումներ | | | |
| | | |անցկացվելու ժամանակ | | | |
| | | |ներկայացնել հաղորդումներ | | | |
| | | |ընտրությունների | | | |
| | | |նախապատրաստման ու | | | |
| | | |անցկացման մասին` իրենց | | | |
| | | |գործառույթների կատարման | | | |
| | | |վերաբերյալ | | | |
._____________________________________________________________________.