114.0044.090415
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«09» 04 2015 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11415119
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅՈՒՆ ՀՐԱՄԱՆ
30 մարտի 2015 թվականի N 44-Ն
i
ՊԵՏԱԿԱՆ ՍԵՓԱԿԱՆՈՒԹՅԱՆ ՊԱՀՊԱՆՈՒԹՅԱՆ ԵՎ ԱՐԴՅՈՒՆԱՎԵՏ ՕԳՏԱԳՈՐԾՄԱՆ ՈՒՂՂՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 68-րդ հոդվածի 4-րդ մասով և հիմք ընդունելով Հայաստանի Հանրապետության կառավարության 2009 թվականի մայիսի 21-ի N 562-Ն որոշման 2-րդ կետը և որոշմամբ հաստատված N 1 հավելվածի 6-րդ կետը`
ՀՐԱՄԱՅՈՒՄ ԵՄ`
1. Հաստատել Հայաստանի Հանրապետության կառավարության 2009 թվականի մայիսի 21-ի «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» N 562-Ն որոշմամբ (այսուհետ` որոշում) հաստատված N 2 հավելվածի 18-րդ կետով սահմանված պետական սեփականության պահպանության և արդյունավետ օգտագործման ուղղությամբ Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն N 1 հավելվածի:
2. Հաստատել` Հայաստանի Հանրապետության կառավարությանն առընթեր պետական գույքի կառավարման վարչության պետի կողմից Հայաստանի Հանրապետության մարզպետների կատարած աշխատանքների գնահատման համար առաջարկություններ ներկայացնող պատասխանատուներին` համաձայն N 2 հավելվածի:
3. Սույն հրամանի կատարման հսկողությունը վերապահել Հայաստանի Հանրապետության կառավարությանն առընթեր պետական գույքի կառավարման վարչության աշխատակազմի ղեկավարին:
Հավելված N 1
ՀՀ կառավարությանն առընթեր
պետական գույքի կառավարման
վարչության պետի
2015 թ. մարտի 30-ի
N 44-Ն հրամանի
ՄԵԹՈԴԱԿԱՆ ՈՒՂԵՑՈՒՅՑ ՊԵՏԱԿԱՆ ՍԵՓԱԿԱՆՈՒԹՅԱՆ ՊԱՀՊԱՆՈՒԹՅԱՆ ԵՎ ԱՐԴՅՈՒՆԱՎԵՏ ՕԳՏԱԳՈՐԾՄԱՆ ՈՒՂՂՈՒԹՅԱՄԲ ՄԱՐԶՊԵՏՆԵՐԻ ԳՈՐԾՈՒՆԵՈՒԹՅԱՆ ԳՆԱՀԱՏՄԱՆ
1. Սույն մեթոդական ուղեցույցը վերաբերում է պետական սեփականության պահպանության և արդյունավետ օգտագործման ուղղությամբ մարզպետների կողմից ձեռնարկված միջոցների գնահատման ենթաչափորոշիչների սահմանմանը և դրանցից յուրաքանչյուրի համար կողմնորոշիչ միավորների նշանակմանը:
2. Հայաստանի Հանրապետության օրենսդրությամբ իրենց վերապահված լիազորությունների շրջանակում մարզի տարածքում պետական սեփականության պահպանության և արդյունավետ օգտագործման ուղղությամբ ձեռնարկված միջոցների առավելագույն գնահատման միավորը սահմանված է 2, որը ներառում է հետևյալ ենթաչափորոշիչները`
1) մարզպետարանի աշխատակազմին ամրացված պետական սեփականություն հանդիսացող գույքի համապարփակ հաշվառման իրականացում և Հայաստանի Հանրապետության օրենսդրությամբ սահմանված կարգով Հայաստանի Հանրապետության կառավարությանն առընթեր պետական գույքի կառավարման վարչություն ներկայացնելը (գնահատման առավելագույն միավորը` 0,5),
2) մարզպետարանի աշխատակազմին ամրացված անշարժ գույքի արդյունավետ օգտագործման վերաբերյալ առաջարկություններ ներկայացնելը (գնահատման առավելագույն միավորը` 0,5),
3) մարզի վարչական տարածքում գտնվող և համայնքային սեփականություն չհանդիսացող հողամասերի նկատմամբ սեփականության իրավունքի պետական գրանցման աշխատանքներին աջակցությունը (գնահատման առավելագույն միավորը` 0,5),
4) մարզպետարանի ենթակայության առևտրային կազմակերպություններում պետության կողմից լիազորված ներկայացուցիչների լիազորությունների իրականացումը (գնահատման առավելագույն միավորը` 0,5):
3. Սույն հրամանով հաստատված հավելված N 1-ի 2-րդ կետի 1)-ին ենթակետով սահմանված` «մարզպետարանի աշխատակազմին ամրացված պետական սեփականություն հանդիսացող գույքի համապարփակ հաշվառման իրականացում և Հայաստանի Հանրապետության օրենսդրությամբ սահմանված կարգով Հայաստանի Հանրապետության կառավարությանն առընթեր պետական գույքի կառավարման վարչություն ներկայացնելը» ենթաչափորոշիչը գնահատվում է հետևյալ կերպ.
1) 0,5 միավոր` եթե վերը նշված ենթաչափորոշիչով նախատեսված աշխատանքները կատարվել են 100 տոկոսով կամ, նախորդ տարվա ընթացքում ամբողջությամբ իրականացված լինելու հետևանքով, սույն հրամանի հավելված N 1-ի 7-րդ կետով աշխատանքներ չեն նախատեսվել,
2) 0,4 միավոր` եթե վերը նշված ենթաչափորոշիչով նախատեսված աշխատանքները կատարվել են 80 տոկոսով,
3) 0,3 միավոր` եթե վերը նշված ենթաչափորոշիչով նախատեսված աշխատանքները կատարվել են 60 տոկոսով,
4) 0,2 միավոր` եթե վերը նշված ենթաչափորոշիչով նախատեսված աշխատանքները կատարվել են 40 տոկոսով,
5) 0,1 միավոր` եթե վերը նշված ենթաչափորոշիչով նախատեսված աշխատանքները կատարվել են 20 տոկոսով,
6) 0 միավոր` եթե վերը նշված ենթաչափորոշիչով նախատեսված աշխատանքներ չեն իրականացվել:
4. Սույն հրամանով հաստատված հավելված N 1-ի 2-րդ կետի 2)-ին ենթակետով սահմանված` «մարզպետարանի աշխատակազմին ամրացված անշարժ գույքի արդյունավետ օգտագործման վերաբերյալ առաջարկություններ ներկայացնելը» ենթաչափորոշիչը գնահատվում է հետևյալ կերպ.
1) 0,5 միավոր` եթե վերը նշված ենթաչափորոշիչով նախատեսված աշխատանքները կատարվել են 100 տոկոսով,
2) 0,4 միավոր` եթե վերը նշված ենթաչափորոշիչով նախատեսված աշխատանքները կատարվել են 80 տոկոսով,
3) 0,3 միավոր` եթե վերը նշված ենթաչափորոշիչով նախատեսված աշխատանքները կատարվել են 60 տոկոսով,
4) 0,2 միավոր` եթե վերը նշված ենթաչափորոշիչով նախատեսված աշխատանքները կատարվել են 40 տոկոսով,
5) 0,1 միավոր` եթե վերը նշված ենթաչափորոշիչով նախատեսված աշխատանքները կատարվել են 20 տոկոսով,
6) 0 միավոր` եթե վերը նշված ենթաչափորոշիչով նախատեսված աշխատանքներ չեն իրականացվել:
5. Սույն հրամանով հաստատված հավելված N 1-ի 2-րդ կետի 3)-ին ենթակետով սահմանված` «մարզի վարչական տարածքում գտնվող և համայնքային սեփականություն չհանդիսացող հողամասերի նկատմամբ սեփականության իրավունքի պետական գրանցման աշխատանքներին աջակցությունը» ենթաչափորոշիչը գնահատվում է հետևյալ կերպ.
1) 0,5 միավոր` եթե վերը նշված ենթաչափորոշիչով նախատեսված աշխատանքները կատարվել են 100 տոկոսով կամ, նախորդ տարվա ընթացքում ամբողջությամբ իրականացված լինելու հետևանքով, սույն հրամանի հավելված N 1-ի 7-րդ կետով աշխատանքներ չեն նախատեսվել,
2) 0,4 միավոր` եթե վերը նշված ենթաչափորոշիչով նախատեսված աշխատանքները կատարվել են 80 տոկոսով,
3) 0,3 միավոր` եթե վերը նշված ենթաչափորոշիչով նախատեսված աշխատանքները կատարվել են 60 տոկոսով,
4) 0,2 միավոր` եթե վերը նշված ենթաչափորոշիչով նախատեսված աշխատանքները կատարվել են 40 տոկոսով,
5) 0,1 միավոր` եթե վերը նշված ենթաչափորոշիչով նախատեսված աշխատանքները կատարվել են 20 տոկոսով,
6) 0 միավոր` եթե վերը նշված ենթաչափորոշիչով նախատեսված աշխատանքներ չեն իրականացվել:
6. Սույն հրամանով հաստատված հավելված N 1-ի 2-րդ կետի 4)-ին ենթակետով սահմանված` «մարզպետարանի ենթակայության առևտրային կազմակերպություններում պետության կողմից լիազորված ներկայացուցիչների լիազորությունների իրականացումը» ենթաչափորոշիչը գնահատվում է հետևյալ կերպ.
1) 0,5 միավոր` եթե վերը նշված ենթաչափորոշիչով նախատեսված աշխատանքները կատարվել են 100 տոկոսով,
2) 0,4 միավոր` եթե վերը նշված ենթաչափորոշիչով նախատեսված աշխատանքները կատարվել են 80 տոկոսով,
3) 0,3 միավոր` եթե վերը նշված ենթաչափորոշիչով նախատեսված աշխատանքները կատարվել են 60 տոկոսով,
4) 0,2 միավոր` եթե վերը նշված ենթաչափորոշիչով նախատեսված աշխատանքները կատարվել են 40 տոկոսով,
5) 0,1 միավոր` եթե վերը նշված ենթաչափորոշիչով նախատեսված աշխատանքները կատարվել են 20 տոկոսով,
6) 0 միավոր` եթե վերը նշված ենթաչափորոշիչով նախատեսված աշխատանքներ չեն իրականացվել:
7. Սույն հրամանի հավելված N 1-ի 2-րդ կետով սահմանված ենթաչափորոշիչներից յուրաքանչյուրի նախատեսված ծավալների և սպասվելիք աշխատանքների վերաբերյալ (դրանց կանխատեսման հնարավորության դեպքում)` Հայաստանի Հանրապետության բոլոր մարզերի կտրվածքով` յուրաքանչյուր տարի, մինչև տվյալ տարվա փետրվարի 10-ը, սույն հրամանի հավելված N 2-ով նախատեսված պատասխանատուները իրենց առաջարկություններն են ներկայացնում Հայաստանի Հանրապետության կառավարությանն առընթեր պետական գույքի կառավարման վարչության պետին` համապատասխան մարզպետներին այդ ծավալների (աշխատանքների) մասին տեղեկացնելու նպատակով:
8. Սույն հրամանի հավելված N 1-ի 2-րդ կետով սահմանված ենթաչափորոշիչների գնահատումն իրականացվում է ելնելով նախատեսված ծավալների և սպասվելիք աշխատանքների իրականացման աստիճանից (տոկոսային արտահայտությամբ):
Հավելված N 2
ՀՀ կառավարությանն առընթեր
պետական գույքի կառավարման
վարչության պետի
2015 թ. մարտի 30-ի
N 44-Ն հրամանի
ՊԱՏԱՍԽԱՆԱՏՈՒՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԿԱՌԱՎԱՐՄԱՆ ՎԱՐՉՈՒԹՅԱՆ ՊԵՏԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿԱՏԱՐԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ
1. Հրամանով հաստատված հավելված 1-ի 2-րդ կետի 1-ին ենթակետով սահմանված բնագավառում մարզպետների կողմից կատարված աշխատանքների գնահատման համար անհրաժեշտ տեղեկատվությունը հավաքագրվում է «Պետական գույքի գույքագրման և գնահատման գործակալություն» պետական ոչ առևտրային կազմակերպության կողմից:
2. Հրամանով հաստատված հավելված 1-ի 2-րդ կետի 2-րդ և 3-րդ ենթակետերով սահմանված բնագավառներում մարզպետների կողմից կատարված աշխատանքների գնահատման համար անհրաժեշտ տեղեկատվությունը հավաքագրվում է Վարչության աշխատակազմի Պետական գույքի տնօրինման վարչության կողմից:
3. Հրամանով հաստատված հավելված 1-ի 2-րդ կետի 4-րդ ենթակետով սահմանված բնագավառում մարզպետների կողմից կատարված աշխատանքների գնահատման համար անհրաժեշտ տեղեկատվությունը հավաքագրվում է Վարչության աշխատակազմի Պետական բաժնեմասի կառավարման վարչության կողմից: