117.0082.110615
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«11» 06 2015 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11715217
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ ՆԱԽԱՐԱՐ ՀՐԱՄԱՆ
16 ապրիլի 2015 թվականի N 82-Ն
i
ՔԱՂԱՔԱՇԻՆՈՒԹՅԱՆ ԲՆԱԳԱՎԱՌԸ ԲՆՈՒԹԱԳՐՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ
Համաձայն Հայաստանի Հանրապետության կառավարության 2009 թվականի մայիսի 21-ի N 562-Ն որոշմամբ հաստատված N 1 հավելվածի 6-րդ կետի և հիմք ընդունելով Հայաստանի Հանրապետության կառավարության 2002 թվականի հուլիսի 25-ի N 1294-Ն որոշմամբ հաստատված N 1 հավելվածի 14-րդ կետի 4-րդ ենթակետը.
ՀՐԱՄԱՅՈՒՄ ԵՄ`
1. Հաստատել քաղաքաշինության բնագավառը բնութագրող Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
ՀՀ քաղաքաշինության նախարարի
2015 թվականի ապրիլի 16-ի
N 82-Ն հրամանի
ՄԵԹՈԴԱԿԱՆ ՈՒՂԵՑՈՒՅՑ ՔԱՂԱՔԱՇԻՆՈՒԹՅԱՆ ԲՆԱԳԱՎԱՌԸ ԲՆՈՒԹԱԳՐՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ
1. Հայաստանի Հանրապետության մարզպետների (այսուհետ` մարզպետներ) կողմից քաղաքաշինության բնագավառում կատարված աշխատանքների գնահատման չափաքանակների մեթոդական ուղեցույցը (այսուհետ` մեթոդական ուղեցույց) մշակվել է` հիմք ընդունելով Հայաստանի Հանրապետության կառավարության 2009 թվականի մայիսի 21-ի N 562-Ն որոշման պահանջները:
2. Սույն մեթոդական ուղեցույցով սահմանվում են` մարզպետների կողմից քաղաքաշինության բնագավառում կատարված աշխատանքների ըստ ոլորտների գնահատման չափորոշիչները (այսուհետ` քաղաքաշինության չափորոշիչներ) ու կողմնորոշիչ միավորները, մարզպետների կողմից կատարված աշխատանքների գնահատման գործընթացը և այդ գործընթացում ներգրավված պետական կառավարման մարմինների փոխհարաբերությունները:
3. Հաշվետու տարվա ավարտից հետո` մինչև տվյալ տարվա փետրվարի 15-ը, Հայաստանի Հանրապետության մարզպետները հաշվետվություն են ներկայացնում Հայաստանի Հանրապետության տարածքային կառավարման և արտակարգ իրավիճակների նախարարություն ու վերջինս այն տրամադրում է Հայաստանի Հանրապետության քաղաքաշինության նախարարությանը: Հայաստանի Հանրապետության քաղաքաշինության նախարարությունը ուսումնասիրում է Հայաստանի Հանրապետության մարզպետների ներկայացրած հաշվետվությունները` սույն մեթոդական ուղեցույցում ամրագրված ընթացակարգով և հիմքերով:
4. Քաղաքաշինության բնագավառում կատարված աշխատանքների վերաբերյալ մարզպետների կողմից ներկայացված տարեկան հաշվետվությունները, սույն մեթոդական ուղեցույցի 10-րդ կետով սահմանված քաղաքաշինության չափորոշիչների համաձայն ներառում են`
1) կատարված աշխատանքների բնութագրերը.
2) կատարված աշխատանքների ժամկետները.
3) նախատեսվող աշխատանքներն ավելի լավ կատարելու համար ձեռնարկված լրացուցիչ միջոցառումների բնութագրերը.
4) կատարման ենթակա, սակայն թերի կատարված կամ չկատարված աշխատանքների բնութագրերը և դրանց պատճառները.
5) կատարված աշխատանքների գնահատման համար նշանակություն ունեցող այլ ելակետային տվյալներ` մարզպետների հայեցողությամբ:
5. Քաղաքաշինության բնագավառում Հայաստանի Հանրապետության մարզպետների կողմից կատարված աշխատանքները դասակարգվում են ըստ հետևյալ բաղադրիչների` համաձայն աղյուսակ 1-ի.
Աղյուսակ 1
.____________________________________________________________.
|հ/հ|Քաղաքաշինության չափորոշիչները |Կողմնո- |Կողմնո-|Գնահա- |
| | |րոշիչ |րոշիչ |տող |
| | |առավելա-|միա- |մարմինը |
| | |գույն |վորը |(մարմին-|
| | |միավորը | |ները) |
|___|______________________________|________|_______|________|
| 1 | 2 | 3 | 4 | 5 |
|___|______________________________|________|_______|________|
| |Քաղաքաշինության բնագավառում | 5 | |ՀՀ ՔՆ |
| |մարզպետի կողմից կատարված | | | |
| |աշխատանքների լիարժեքություն | | | |
|___|______________________________|________|_______|________|
|1. |Հայաստանի Հանրապետության | 2 | | |
| |օրենքների, Հայաստանի | | | |
| |Հանրապետության Նախագահի | | | |
| |հրամանագրերի, | | | |
| |կարգադրությունների, ՀՀ | | | |
| |կառավարության և ՀՀ վարչապետի | | | |
| |որոշումների և այլ նորմատիվ | | | |
| |իրավական ակտերի կատարման | | | |
| |ապահովում, ինչպես նաև ՀՀ | | | |
| |օրենսդրության կատարելագործման | | | |
| |վերաբերյալ առաջարկություններ | | | |
| |ներկայացնելը | | | |
|___|______________________________|________|_______|________|
|1) |Հայաստանի Հանրապետության | 1.2 | | |
| |օրենսդրությամբ սահմանված | | | |
| |դեպքերում և կարգով | | | |
| |կառուցապատման գործառույթները | | | |
| |(հողահատկացում, | | | |
| |ճարտարապետահատակագծային | | | |
| |առաջադրանքի տրամադրում, | | | |
| |ճարտարապետահատակագծային | | | |
| |նախագծերի փաստաթղթերի | | | |
| |համաձայնեցում) նախարարության | | | |
| |հետ համաձայնեցման աշխատանքների| | | |
| |իրականացում | | | |
|___|______________________________|________|_______|________|
|2) |Համայնքների ղեկավարների | 0.8 | | |
| |քաղաքաշինական գործունեության | | | |
| |նկատմամբ վերահսկողության | | | |
| |իրականացում | | | |
|___|______________________________|________|_______|________|
|2. |Հանրապետական գործադիր | 1 | | |
| |մարմինների հետ | | | |
| |համագործակցության ապահովում և | | | |
| |դրանց քննարկմանը վերջիններիս | | | |
| |իրավասությանը վերաբերող` | | | |
| |մարզին առնչվող հարցեր | | | |
| |ներկայացնելը | | | |
|___|______________________________|________|_______|________|
|1) |Համայնքի ղեկավարի կողմից | 0.3 | | |
| |կազմվող նախագծման առաջադրանքի | | | |
| |և վերջինիս հիման վրա մշակվող | | | |
| |համայնքների գլխավոր | | | |
| |հատակագծերի և գոտևորման | | | |
| |նախագծերի համաձայնեցման | | | |
| |աշխատանքների իրականացում | | | |
|___|______________________________|________|_______|________|
|2) |Հողերի օգտագործման ժամանակավոր| 0.2 | | |
| |սխեմաների կազմման աշխատանքների| | | |
| |իրականացում | | | |
|___|______________________________|________|_______|________|
|3) |Միջնաժամկետ ծախսային ծրագրի և | 0.4 | | |
| |բյուջետային հայտերի կազմման և | | | |
| |ներկայացման աշխատանքների | | | |
| |իրականացում | | | |
|___|______________________________|________|_______|________|
|4) |Քաղաքաշինական գործունեությունը| 0.1 | | |
| |կանոնակարգող իրավական ակտերի | | | |
| |նախագծերի համաձայնեցում | | | |
|___|______________________________|________|_______|________|
|3. |Պետական միջոցների հաշվին | 2 | | |
| |իրականացվող ծրագրերի | | | |
| |շրջանակներում աշխատանքների | | | |
| |իրականացում | | | |
|___|______________________________|________|_______|________|
| |ԸՆԴԱՄԵՆԸ | 5,0 | | |
.____________________________________________________________.
6. Յուրաքանչյուր աշխատանքի գնահատականը տրվում է աղյուսակ 2-ին համապատասխան:
Աղյուսակ 2
.____________________________________________________________________.
| Կատարման որակ |Կատարված |Կատարված |Կատարված է |Կատարված չէ|
|_______________________|է առանց |է ոչ էական|թերություն-| |
| Կատարման ժամկետ |թերու- |թերու- |ներով | |
| |թյունների|թյուններով| | |
|_______________________|_________|__________|___________|___________|
|Սահմանված ժամկետին | 100 | 85 | 70 | 0 |
|_______________________|_________|__________|___________|___________|
|Սահմանված ժամկետի ոչ | 90 | 75 | 60 | 0 |
|էական բացթողումներով | | | | |
|_______________________|_________|__________|___________|___________|
|Սահմանված ժամկետի էական| 70 | 60 | 50 | 0 |
|բացթողումներով | | | | |
.____________________________________________________________________.
7. Մարզպետի աշխատանքի գնահատականը հաշվարկվում է ըստ հետևյալ բանաձևի`
X = Y * Z
-------
100
որտեղ` X-ը մարզպետի կողմից կատարված յուրաքանչյուր բաղադրիչի գնահատականն է,
Y-ը` սույն մեթոդական ուղեցույցի 5-րդ կետով նշված համապատասխան բաղադրիչի առավելագույն գնահատականն է,
Z-ը` սույն մեթոդական ուղեցույցի 6-րդ կետով նշված աղյուսակ 2-ին համապատասխան` յուրաքանչյուր բաղադրիչին համապատասխան կատարված աշխատանքի գնահատականն է:
Սույն կետով գնահատելիս յուրաքանչյուր բաղադրիչ գնահատվում է տվյալ տարվա ընթացքում տվյալ բաղադրիչի շրջանակներում կատարված աշխատանքների միջինով:
8. Եթե տարվա ընթացքում մարզպետի կողմից օբյեկտիվ պատճառներով սույն մեթոդական ուղեցույցի 3-րդ կետով նշված աղյուսակի որևէ բաղադրիչ ընդհանրապես չի կատարվել, ապա այդ ժամանակ մարզպետի աշխատանքը գնահատելիս սույն մեթոդական ուղեցույցի 3-րդ կետով նշված աղյուսակի յուրաքանչյուր կատարված բաղադրիչի առավելագույն գնահատականը որոշվում է հետևյալ բանաձևով`
A (A * K)
+ -------- = C
[] 5-K
որտեղ` A-ն սույն մեթոդական ուղեցույցի 5-րդ կետով նշված բաղադրիչի առավելագույն գնահատականն է,
K-ն` սույն մեթոդական ուղեցույցի 5-րդ կետով նշված չգնահատվող բաղադրիչների առավելագույն գնահատականների հանրագումարն է,
C-ն` սույն մեթոդական ուղեցույցի 5-րդ կետով նշված համապատասխան գնահատվելիք բաղադրիչի նոր առավելագույն գնահատականն է:
9. Մարզպետի կողմից քաղաքաշինության բնագավառում կատարված աշխատանքների ընդհանուր գնահատականը որոշվում է սույն մեթոդական ուղեցույցի 5-րդ կետով նշված աղյուսակի բոլոր բաղադրիչները սույն մեթոդական ուղեցույցի 7-րդ և (կամ) 8-րդ կետերով նշված բանաձևերի հաշվարկման արդյունքում ստացված գնահատականների հանրագումարով:
10. Հայաստանի Հանրապետության քաղաքաշինության նախարարություն ներկայացված հաշվետվությունները և հաշվետվությունների վերաբերյալ նախարարության եզրակացությունը` եզրակացության մեջ նշելով կողմնորոշիչ միավորները և նախապես քննարկելով մարզպետի հետ, հաշվետվությունն ստանալուց հետո 7 աշխատանքային օրվա ընթացքում, ներկայացնում է Հայաստանի Հանրապետության տարածքային կառավարման և արտակարգ իրավիճակների նախարարություն` քաղաքաշինության չափորոշիչների համար սույն մեթոդական ուղեցույցի 5-րդ կետով սահմանված աղյուսակին համապատասխան լրացված ձևաչափով:
Եթե համապատասխան մարզպետների կողմից ներկայացված է գնահատման արդյունքներին համաձայն չլինելու վերաբերյալ հատուկ կարծիք, ապա Հայաստանի Հանրապետության տարածքային կառավարման և արտակարգ իրավիճակների նախարարություն ներկայացվող եզրակացության և հաշվետվության հետ միասին կցվում է նաև համապատասխան մարզպետի հատուկ կարծիքը:
11. Մարզպետների կողմից հաշվետվությունները չներկայացնելու կամ դրանք սույն մեթոդական ուղեցույցի 3-րդ կետով սահմանված ժամկետում չներկայացնելու դեպքում, քաղաքաշինության բնագավառում տվյալ մարզպետի կատարած աշխատանքը գնահատվում է զրո (0):