«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Լ.ՏԵՐ-ՊԵՏՐՈՍՅԱՆ
«4» սեպտեմբերի 1995 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 սեպտեմբերի 1995 թվականի թիվ 10
ՀՀ ԿԱՌԱՎԱՐՈՒԹՅԱՆ 1994 ԹՎԱԿԱՆԻ ԱՊՐԻԼԻ 21-Ի «ՍԵՓԱԿԱՆԱՇՆՈՐՀՎՈՂ ԿԱՄ ԱՊԱՊԵՏԱԿԱՆԱՑՎՈՂ ՁԵՌՆԱՐԿՈՒԹՅՈՒՆՆԵՐԻ ԳՈՒՅՔԻ ԵՎ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ԳՆԱՀԱՏՄԱՆ ԿԱՐԳԻ ՄԱՍԻՆ» ԹԻՎ 183 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է`
i
1. Հայաստանի Հանրապետության կառավարության 1994 թվականի ապրիլի 21-ի «Սեփականաշնորհվող կամ ապապետականացվող ձեռնարկությունների գույքի և անավարտ շինարարության օբյեկտների գնահատման կարգի մասին» թիվ 183 որոշմամբ հաստատված կարգում կատարել հետևյալ փոփոխությունը`
կարգի 3-րդ բաժնի 1-ին կետի «ա» ենթակետի առաջին պարբերությունը շարադրել հետևյալ խմբագրությամբ.
«Սեփականաշնորհվող կամ ապապետականացվող պետական և պետական մասնակցությամբ ձեռնարկությունների հիմնական միջոցների, տեղակայման ենթակա սարքավորումների և անավարտ շինարարության օբյեկտների հաշվեկշռային արժեքը հաշվարկվում է առանձին-առանձին` ըստ ձեռքբերման ժամանակաշրջանի`
մինչև 1995 թվաականի հունվարի 1-ը ձեռք բերած հիմնական միջոցները, տեղակայման ենթակա սարքավորումները և անավարտ շինարարության օբյեկտները գնահատվում են հետևյալ բանաձևով.
Հգա = Հա x Շ / Շճ եթե Շ > Շճ
Շ = Շ1 + Շ2 +... + Շn / n x Հա
որտեղ`
Հգա-ն հիմնական միջոցների գնահատված արժեքն է,
n-ն 1994 թվականից մինչև գնահատման պահն ընկած ժամանակաշրջանում կիսամյակների թիվն է,
Շճ-ն ճյուղային շահութաբերության գործակիցն է,
(Շ1 + Շn)-ն 1994 թվականից մինչև գնահատման պահն ընկած ժամանակաշրջանում կիսամյակային շահույթների գումարն է,
Հա-ն հիմնական միջոցների հաշվեկշռային արժեքն է 1995 թվականի հունվարի 1-ի դրությամբ,
եթե Շ < շճ,="" ապա="" հիմնական="" միջոցների="" արժեքը="" մնում="" է="">
1995 թվականի հունվարի 1-ից հետո ձեռք բերված հիմնական միջոցների, տեղակայման ենթակա սարքավորումների և անավարտ շինարարության օբյեկտների հաշվեկշռային արժեքը որոշվում է հաշվապահական հաշվառման մեջ արտացոլված արժեքով:
Մինչև տվյալ տարվա հոկտեմբերի 1-ը սեփականաշնորհվող կամ ապապետականացվող պետական ձեռնարկությունների հիմնական միջոցների, տեղակայման ենթակա սարքավորումների և անավարտ շինարարության օբյեկտների հաշվեկշռային արժեքի համար կիրառվում է նախորդ տարվա արդյունքներով հաշվարկված շահույթը, իսկ հոկտեմբերի 1-ից հետո` նաև տվյալ տարվա առաջին կիսամյակի շահույթը:
/փոփ. 08.02.96 թիվ 34 որոշում/
2. Սույն որոշումն ուժի մեջ է մտնում 1995 թվականի սեպտեմբերի 4-ից: