041.0678.081199
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
8 նոյեմբերի 1999 թվականի թիվ 678
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ՆԱԽԱՐԱՐՈՒԹՅԱՆ ԿԱՆՈՆԱԴՐՈՒԹՅՈՒՆԸ ԵՎ ԿԵՆՏՐՈՆԱԿԱՆ ԱՊԱՐԱՏԻ ԿԱՌՈՒՑՎԱԾՔԸ ՀԱՍՏԱՏԵԼՈՒ ՄԱՍԻՆ
i
1. Հաստատել Հայաստանի Հանրապետության տրանսպորտի նախարարության կանոնադրությունը և կենտրոնական ապարատի կառուցվածքը (կցվում են):
(1-ին կետն ուժը կորցրել է 23.03.00 թիվ 121 որոշում)
2. Ուժը կորցրած ճանաչել`
i
ա) Հայաստանի Հանրապետության վարչապետի 1998 թվականի հուլիսի 8-ի «Հայաստանի Հանրապետության տրանսպորտի նախարարության կանոնադրությունն ու կենտրոնական ապարատի կառուցվածքը հաստատելու մասին» N 399 որոշման 1-ին կետը.
i
բ) Հայաստանի Հանրապետության վարչապետի 1998 թվականի դեկտեմբերի 12-ի «Հայաստանի Հանրապետության վարչապետի 1998 թվականի հուլիսի 8-ի N 399 որոշման մեջ փոփոխություն կատարելու մասին» N 723 որոշումը.
i
գ) Հայաստանի Հանրապետության վարչապետի 1998 թվականի հուլիսի 8-ի «Հայաստանի Հանրապետության քաղաքացիական ավիացիայի գլխավոր վարչության կանոնադրությունը և կենտրոնական ապարատի կառուցվածքը հաստատելու մասին» N 398 որոշումը:
Հաստատված է
ՀՀ վարչապետի 1999 թ.
նոյեմբերի 8-ի N 678 որոշմամբ
ԿԱՆՈՆԱԴՐՈՒԹՅՈՒՆ
Հայաստանի Հանրապետության տրանսպորտի նախարարության
I. Ընդհանուր դրույթներ
1. Հայաստանի Հանրապետության տրանսպորտի նախարարությունը (այսուհետև` նախարարություն) Հայաստանի Հանրապետության գործադիր իշխանության հանրապետական մարմին է:
2. Նախարարությունը գործում է Հայաստանի Հանրապետության օրենսդրությանը համապատասխան և իր խնդիրները լուծելու նպատակով իրականացնում է Հայաստանի Հանրապետության օրենսդրությամբ և սույն կանոնադրությամբ իրեն վերապահված լիազորությունները:
Նախարարությունն իր իրավասության սահմաններում Հայաստանի Հանրապետության անունից իր գործողություններով կարող է ձեռք բերել և իրականացնել գույքային և անձնական ոչ գույքային իրավունքներ ու պարտականություններ, ինչպես նաև հանդես գալ դատարանում:
3. Նախարարությունն իր իրավասության սահմաններում ընդունում է գերատեսչական նորմատիվ ակտեր:
4. Նախարարությունն ունի Հայաստանի Հանրապետության զինանշանի պատկերով և իր անվամբ կնիք, դրոշմակնիք, ձևաթուղթ:
5. Նախարարության կենտրոնական ապարատի պահպանման և գործունեության համար անհրաժեշտ ծախսերի ֆինանսավորումն իրականացվում է Հայաստանի Հանրապետության պետական բյուջեի միջոցների հաշվին:
II. Նախարարության խնդիրներն ու գործառույթները
6. Նախարարության խնդիրներն ու գործառույթներն են`
ա) իր իրավասության սահմաններում տրանսպորտի ոլորտում պետական քաղաքականության մշակումն ու իրականացումը.
բ) տրանսպորտի տեխնիկական շահագործման և այլ կանոնների, տեխնիկական նորմերի մշակումը, որոնց պահանջների կատարումը պարտադիր է բոլոր իրավաբանական և ֆիզիկական անձանց համար.
գ) պետական պատվերի կատարման ապահովումը.
դ) իր իրավասության սահմաններում երթևեկության կազմակերպման բարելավումը, երթևեկության մասնակիցների անվտանգության ապահովումը և կենսոլորտի վրա տրանսպորտի վնասակար ազդեցության նվազեցումը.
ե) իր իրավասության սահմաններում բեռների փոխադրումների և օբյեկտների անվտանգության ու պահպանության կազմակերպման ապահովումը.
զ) մասնավորեցման գործընթացի ապահովման համար անհրաժեշտ միջոցառումների իրականացումը.
է) Հայաստանի Հանրապետության տրանսպորտի համակարգում զարգացման և ներդրումների ծրագրերի, ձեռնարկատիրական գործունեության զարգացման, տարածքային տրանսպորտային, սակագնային քաղաքականության մշակումը.
ը) նախարարության համակարգում կառուցվածքային բարեփոխումների իրականացումը, աշխատանքի և կառավարման արդյունավետ համակարգերի ներդրումը.
թ) Հայաստանի Հանրապետության օրենսդրությամբ սահմանված կարգով տրանսպորտի ոլորտում անառողջ մրցակցությունը դադարեցնելու համար անհրաժեշտ միջոցառումների իրականացումը.
ժ) տրանսպորտի ոլորտում քաղաքացիական պաշտպանության առաջադրած պահանջներին համապատասխան նպատակային և երկարաժամկետ ծրագրերի կազմումն ու դրանց իրականացումը.
ժա) միջազգային կազմակերպությունների և օտարերկրյա պետությունների կողմից ֆինանսավորող ծրագրերն իրականացնող կազմակերպությունների գործունեությանն աջակցությունը.
ժբ) Հայաստանի Հանրապետության տրանսպորտային ծառայությունների շուկայի գործունեության առնչվող` Հայաստանի Հանրապետության նախարարությունների, գերատեսչությունների, տարածքային կառավարման մարմինների կողմից իրավական ակտերի նախագծերի մշակմանը մասնակցությունը.
ժգ) Հայաստանի Հանրապետության օրենքով սահմանված կարգով լիցենզիաներ տալը.
ժդ) Հայաստանի Հանրապետության օրենսդրությամբ սահմանված այլ խնդիրների և գործառույթների իրականացումը:
III. Նախարարության աշխատանքի կազմակերպումը
7. Նախարարության համակարգը ներառում է քաղաքացիական ավիացիայի գլխավոր վարչությունը (այսուհետև` վարչություն), Հայկական երկաթուղու դեպարտամենտը (այսուհետև` դեպարտամենտ), ինչպես նաև Հայաստանի Հանրապետության օդային, ավտոմոբիլային, ջրային, երկաթուղային տրանսպորտի, էլեկտրատրանսպորտի, մետրոպոլիտենի և ավտոմոբիլային ճանապարհների շինարարության ու շահագործման հիմնարկները և կազմակերպությունները:
8. Նախարարությունը`
ա) իր իրավասության սահմաններում լուծում է ոլորտին վերաբերյալ հարցերը` չխախտելով համակարգի գերատեսչությունների, հիմնարկների և կազմակերպությունների` Հայաստանի Հանրապետության օրենսդրությամբ նախատեսված ինքնուրույնությունը.
բ) համագործակցում է Հայաստանի Հանրապետության նախարարությունների և պետական կառավարման այլ մարմինների հետ` միջգերատեսչական հարցերի կարգավորման ու լուծման համար.
գ) Հայաստանի Հանրապետության օրենսդրությամբ սահմանված կարգով իրականացնում է համակարգի պետական սեփականություն հանդիսացող գույքի տիրապետման և օգտագործման գործառույթները.
դ) ընդհանրացնում է ոլորտում օրենսդրական ակտերի կիրառման պրակտիկան, Հայաստանի Հանրապետության կառավարություն է ներկայացնում Հայաստանի Հանրապետության օրենքների և այլ իրավական ակտերի նախագծեր, իր իրավասության սահմաններում ընդունում գերատեսչական նորմատիվ ակտեր և իրականացնում դրանց կատարման նկատմամբ վերահսկողությունը.
ե) սահմանված կարգով մասնակցում է նախարարության իրավասության մեջ մտնող հարցերի վերաբերյալ միջազգային պայմանագրերի նախագծերի մշակմանն ու քննարկմանը, կնքում միջազգային պայմանագրեր.
զ) անհրաժեշտության դեպքում Հայաստանի Հանրապետության նախարարությունների և գերատեսչությունների հետ համատեղ արձակում է հրամաններ, համագործակցում պետական կառավարման տարածքային մարմինների հետ.
է) կազմակերպում է նախարարության համակարգի աշխատողների սոցիալ-կենցաղային պայմանների բարելավման աշխատանքները.
ը) մշակում և իրականացնում է նախարարության կենտրոնական ապարատի, վարչության, դեպարտամենտի, հիմնարկների ու կազմակերպությունների աշխատողների մասնագիտական պիտանիության և որակավորման վերաբերյալ պահանջները, Հայաստանի Հանրապետության օրենսդրությամբ սահմանված կարգով պարբերաբար ստուգում աշխատողների համապատասխանությունը զբաղեցրած պաշտոններին.
թ) կազմակերպում է քաղաքացիների նամակների (դիմումների ու գանգատների) ժամանակին քննարկումը, հասնելով այդ նամակներում բարձրացված հարցերի ճիշտ լուծմանը, ինչպես նաև միջոցներ է ձեռնարկում քաղաքացիների նամակներում հաղորդվող նախարարության համակարգի գործունեության մեջ տեղ գտած թերությունների վերացման համար.
ժ) վերահսկում է համակարգի հիմնարկների և կազմակերպությունների պետական գույքի օգտագործումը, դրանց օտարումն ու վարձակալության հանձնումը` Հայաստանի Հանրապետության օրենսդրությամբ սահմանված կարգով:
9. Նախարարությունը գլխավորում է նախարարը, որին պաշտոնի նշանակում և պաշտոնից ազատում է Հայաստանի Հանրապետության Նախագահը` Հայաստանի Հանրապետության վարչապետի առաջարկությամբ:
Նախարարի տեղակալներին, ինչպես նաև դեպարտամենտի ու վարչության պետերին և նրանց տեղակալներին պաշտոնի նշանակում և պաշտոնից ազատում է Հայաստանի Հանրապետության վարչապետը` խորհրդակցելով նախարարի հետ:
10. Նախարարը`
ա) պատասխանատվություն է կրում նախարարության առջև դրված խնդիրների ու գործառույթների կատարման համար.
բ) կատարում է նախարարի տեղակալների պարտականությունների բաշխում, սահմանում նախարարության կենտրոնական ապարատի կառուցվածքային ստորաբաժանումների ղեկավարների իրավասության սահմանները.
գ) արձակում է հրամաններ, որոնց կատարումը պարտադիր է նախարարության համակարգի հիմնարկների և կազմակերպությունների համար.
դ) կասեցնում կամ ուժը կորցրած է ճանաչում վարչության, դեպարտամենտի, հիմնարկների և կազմակերպությունների` Հայաստանի Հանրապետության օրենսդրությանը հակասող հրամաններն ու կարգադրությունները.
ե) հաստատում է նախարարության համակարգի հիմնարկների, կազմակերպությունների, կենտրոնական ապարատի կառուցվածքային ստորաբաժանումների և վարչության կանոնադրությունները.
զ) Հայաստանի Հանրապետության վարչապետի հաստատման է ներկայացնում նախարարության կանոնադրությունը, կենտրոնական ապարատի կառուցվածքը, աշխատողների թիվը և կոլեգիայի կազմը.
է) ղեկավարում է նախարարության կոլեգիայի նիստերը.
ը) աշխատանքի նշանակում և աշխատանքից ազատում է նախարարության կենտրոնական ապարատի աշխատողներին, հաստատում է դեպարտամենտի և վարչության խորհուրդների կազմերը.
թ) Հայաստանի Հանրապետության օրենսդրությամբ սահմանված կարգով տալիս է լիազորագրեր.
ժ) կազմակերպում է կադրերի պատրաստման, վերապատրաստման ու որակավորման բարձրացման գործը, սահմանված կարգով խրախուսում կամ կարգապահական պատասխանատվության է ենթարկում նախարարության աշխատողներին.
ժա) անհրաժեշտության դեպքում վարում է վարչության և դեպարտամենտի խորհուրդների հերթական նիստերը և հրավիրում արտահերթ նիստեր.
ժբ) իրականացնում է Հայաստանի Հանրապետության օրենսդրությամբ սահմանված այլ լիազորություններ:
11. Նախարարի բացակայության ժամանակ, նրա հանձնարարությամբ, նախարարի պարտականությունները կատարում է նախարարի առաջին տեղակալը կամ տեղակալներից մեկը:
12. Նախարարությունում ստեղծվում է կոլեգիա, որի կազմի մեջ մտնում են նախարարը (նախագահ), նախարարի տեղակալները` ի պաշտոնե, դեպարտամենտի և վարչության ղեկավարները, նախարարության կենտրոնական ապարատի ու համակարգի այլ ղեկավար աշխատողներ:
13. Նախարարության կոլեգիան իր նիստերում, որոնք հրավիրվում են ոչ պակաս, քան ամիսը մեկ անգամ, քննության է առնում ոլորտի գործունեության ու զարգացման հիմնական հարցերը, քննարկում է դեպարտամենտի և վարչության, համակարգի հիմնարկների ու կազմակերպությունների գործնական ղեկավարման, կատարման ստուգման, ղեկավար կադրերի ընտրության ու տեղաբաշխման հարցերը, կարևորագույն հրամանների նախագծերի և նախարարության վարչությունների ու բաժինների, վարչության, դեպարտամենտի, հիմնարկների և կազմակերպությունների հաշվետվությունները:
Կոլեգիայի որոշումները կենսագործվում են, որպես կանոն, նախարարի հրամաններով: Նախարարի և կոլեգիայի անդամների միջև ծագած տարաձայնությունների դեպքում նախարարը կենսագործում է իր որոշումը` այդ տարաձայնությունների մասին զեկուցելով Հայաստանի Հանրապետության կառավարությանը կամ Հայաստանի Հանրապետության վարչապետին, իսկ կոլեգիայի անդամներն իրենց հերթին կարող են իրենց կարծիքը հայտնել Հայաստանի Հանրապետության կառավարությանը կամ Հայաստանի Հանրապետության վարչապետին:
14. Կոլեգիայի նիստերին հրավիրվում է Հայաստանի Հանրապետության կառավարության աշխատակազմի համապատասխան ստորաբաժանման պատասխանատու աշխատողը, ինչպես նաև կարող են հրավիրվել Հայաստանի Հանրապետության նախարարությունների, գերատեսչությունների, պետական կառավարման տարածքային մարմինների, մամուլի և զանգվածային լրատվության մյուս միջոցների ու այլ կազմակերպությունների ներկայացուցիչներ:
Հաստատված է
ՀՀ վարչապետի 1999 թ.
նոյեմբերի 8-ի N 678 որոշմամբ
ԿԱՌՈՒՑՎԱԾՔ
Հայաստանի Հանրապետության տրանսպորտի
նախարարության կենտրոնական ապարատի
Նախարարի աշխատակազմ
Ֆինանսատնտեսական գլխավոր վարչություն
Ավտոտրանսպորտի վարչություն
Տեխնիկական քաղաքականության և մասնավորեցման վարչություն
Ներդրումների և շինարարական ծրագրերի վարչություն
Իրավաբանական վարչություն
Արտաքին կապերի վարչություն
Օդային փոխադրումների բաժին
Ծովային փոխադրումների բաժին
Երկաթուղային փոխադրումների բաժին
Լիցենզավորման բաժին
Հաշվապահություն Կադրերի և սոցիալական հարցերի բաժին Հատուկ բաժին Տնտեսական բաժին