ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
3 օգոստոսի 2018 թվականի թիվ 133-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2014 ԹՎԱԿԱՆԻ ՀՈԿՏԵՄԲԵՐԻ 7-Ի ԹԻՎ 279-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
i
Հիմք ընդունելով «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի 11-րդ և 28-րդ հոդվածները,
i
ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 5-րդ, 20-րդ, ինչպես նաև «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածներով` Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2014 թվականի հոկտեմբերի 7-ի «Հայաստանի Հանրապետության կենտրոնական բանկի խորհրդի 2008 թվականի սեպտեմբերի 9-ի թիվ 269-Ն որոշումն ուժը կորցրած ճանաչելու և փողերի լվացման և ահաբեկչության ֆինանսավորման կանխարգելման ոլորտում հաշվետվություն տրամադրող անձանց համար սահմանվող նվազագույն պահանջների վերաբերյալ կանոնակարգը հաստատելու մասին» թիվ 279-Ն որոշմամբ հաստատված «Փողերի լվացման և ահաբեկչության ֆինանսավորման կանխարգելման ոլորտում հաշվետվություն տրամադրող անձանց համար սահմանվող նվազագույն պահանջների վերաբերյալ կանոնակարգում» (այսուհետ` Կանոնակարգ) և Հավելված 2-ում կատարել հետևյալ փոփոխություններն ու լրացումները.
i
1) Կանոնակարգի ամբողջ տեքստում «ահաբեկչության հետ կապված անձանց» բառերը փոխարինել «ահաբեկչության կամ զանգվածային ոչնչացման զենքի տարածման հետ կապված անձանց» բառերով,
2) Կանոնակարգի 14-րդ կետում «ֆինանսական միջոցներ կամ այլ» բառերը հանել,
i
3) Կանոնակարգի 30-րդ կետում և 39-րդ կետի 1-ին ենթակետում «գործարար հարաբերության նպատակը» բառերից առաջ լրացնել «գործարքի կամ» բառերը,
4) Հավելված 2-ը շարադրել նոր խմբագրությամբ` համաձայն Հավելվածի:
i
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված
ՀՀ կենտրոնական
բանկի խորհրդի
2018 թվականի օգոստոսի 3-ի
թիվ 133-Ն որոշման
Հավելված 2
«Փողերի լվացման և ահաբեկչության
ֆինանսավորման կանխարգելման ոլորտում
հաշվետվություն տրամադրող անձանց համար
սահմանվող նվազագույն պահանջների
վերաբերյալ կանոնակարգի»
ՀԱՅՏԱՐԱՐՈՒԹՅՈՒՆ
Իրական շահառուի առկայության (բացակայության) վերաբերյալ
Ես`________________________ ս_____ __________ _________թ.____________
_______________հաստատելով գործարար հարաբերություն կամ գործարքում հանդես գալով որպես _________________, հայտարարում եմ, որ գործարար հարաբերության մեջ կամ գործարքում իրական շահառու է _______________ __________________-ը:
Պարտավորվում եմ նաև գործարար հարաբերության ընթացքում իրական շահառուի փոփոխության դեպքում տեղյակ պահել Ձեզ:
____ ______________ _______թ.
օր ամիս տարի
__________________
ստորագրություն